ستۋدەنتتەر جاتاقحانانى «e-gov» ارقىلى الا الادى - ق ر بعم
ق ر ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى گۇلزات كوبەنوۆانىڭ ايتۋىنشا، بۇگىندە ۋنيۆەرسيتەت جاتاقحاناسىنداعى ورىندى «ەلەكتروندى ۇكىمەت» پورتالى ارقىلى الۋعا مۇمكىندىك بار.
«بۇگىندە جاتاقحانا ورىندارىن ءبولۋ ماسەلەسى مەملەكەتتىك قىزمەتكە جاتادى. سوندىقتان ءاربىر جوعارى وقۋ ورنى ءتارتىپ بويىنشا وزدەرىندە بار ورىنداردى تاراتادى. ارتىنان بىزگە ەسەبىن بەرىپ وتىرادى»، - دەدى كوبەنوۆا قازاقپارات تىلشىسىنە بەرگەن سۇحباتىندا.
ونىڭ سوزىنە قاراعاندا، ارنايى اقپاراتتىق جۇيەدە كىم جانە قاي جەردەن ورىن العانى كورسەتىلۋى كەرەك. ال ەرەجەگە سايكەس، جاتاقحانا ورنى الدىمەن مەملەكەتتىك گرانت يەگەرلەرىنە، سونداي-اق الەۋمەتتىك جاعىنان از قامتىلعان وتباسى مۇشەلەرىنە بەرىلەدى. «وسى شارالار مەملەكەتتىك قىزمەت بولعاسىن، ستۋدەنت ءوز ءوتىنىشىن «e-gov» پورتالى بەرە الادى، يا بولماسا ۋنيۆەرسيتەتتىڭ وزىنە بەرۋگە مۇمكىندىك بار. «ەلەكتروندى ۇكىمەت» پورتالىنا ءوتىنىش تاپسىرعاندا، مىندەتتى تۇردە ءتيىستى قۇجاتتار بولۋى كەرەك. سونىڭ نەگىزىندە تاپسىرىس ۋنيۆەرسيتەتتىڭ وزىنە تۇسەدى. بەلگىلى ءبىر ۋاقىتتىڭ ىشىندە وعان جاۋاپ بەرىلۋى ءتيىس»، - دەپ اتاپ كورسەتتى دەپارتامەنت باسشىسى.
ايتا كەتەيىك، قازاقستاننىڭ سىبايلاس جەمقورلىققا قارسى ستراتەگياسىندا جاتاقحانالاردى تاراتۋدىڭ ەلەكتروندى جۇيەسىن ەنگىزۋ مىندەتى بار. وعان ق ر ءبىلىم جانە عىلىم مينيسترلىگى جاۋاپتى.
قازاقپارات
You Might Also Like
-
كاناداداعى مونرەال ۋنيۆەرسيتەتىندە جاسالعان زەرتتەۋ سوڭىندا سوڭعى 50 جىلدا بۇكىل دۇنيە جۇزىندە زەرەكتىك دەڭگەيى 1 IQ ازايعانىن مالىمدەندى. زەرتتەۋشىلەر قورەكتەنۋ داعدىسى مەن تەحنولوگيالاردىڭ ميعا ...
