Photo: MART PRODUCTION (https://www.pexels.com/@mart-production) / Pexels
ماقسوت ءقاراباليننىڭ ءىنىسى جاڭا دەرەكتەردى اشتى: ءناسىپ جەڭگەمىزدىڭ اۋديوسى كۇمان تۋدىردى
اتىراۋ وبلىسىنداعى قايعىلى وقيعاعا قاتىستى جاڭا مالىمەتتەر پايدا بولدى. مارقۇم ماقسوت ءقاراباليننىڭ ءىنىسى شالقار مۇقانعالييەۆ چاتقا جىبەرىلگەن اۋديولار تۋرالى ايتتى.
بۇل تۋرالى Infohub.kz اقپارات اگەنتتىگى حابارلايدى.
جاڭا دەرەكتەر
جۋرناليست جانات مولداشوۆا مارقۇمنىڭ ىنىسىمەن سويلەسىپ، چاتقا جىبەرىلگەن اۋديو تۋرالى كۇمان كۇشەيگەنىن جەتكىزدى. جانگەلدين اۋىلىنىڭ تۇرعىندارى ۇرەي قۇشاعىندا وتىر، ال قازالى وتباسىنىڭ جاقىندارى كۇدىكتى دەپ تانىلعان ادامدى تەزىرەك قۇرىقتاۋدى تالاپ ەتۋدە.
شالقار مۇقانعالييەۆتىڭ ايتۋىنشا، ءناسىپ جەڭگەسىنىڭ تۋىستار چاتىنا جىبەرگەن اۋديوحابارلامالارى كۇدىك تۋدىرعان. «ءناسىپ جەڭگەمىزدىڭ اعايىن-تۋىستارىنىڭ چاتتارىنا جىبەرگەن اۋديوسى بار. سول اۋديو حابارلامالارىنىڭ ءبىرىن 7 قاراشا كۇنى جىبەرگەن. قازىرگى تاڭدا تەلەفوننىڭ ءبارى سۇلتاندا بولدى دەپ تۇر عوي. سول سۇلتان جىبەرىپ تۇرعان شىعار دەپ ويلاپ تۇرمىز»، – دەيدى ول.
تۋىستارىنىڭ ايتۋىنشا، اۋديونىڭ ءدال سول كۇنى جىبەرىلۋى «كوز بوياۋ» بولۋى مۇمكىن دەگەن كۇماندى كۇشەيتكەن. دەگەنمەن بۇل – جاقىندارىنىڭ بولجامى ەكەنىن دە ەسكەرگەن ءجون: ازىرگە رەسمي ورگاندار تاراپىنان چاتتاعى اۋديوعا قاتىستى ناقتى تۇسىنىكتەمە بەرىلگەن جوق.
-
باتىس قازاقستان وبلىسىندا مەملەكەتتىك كىرىستەر دەپارتامەنتىنىڭ باسشىسى ۇستالدى. وعان زاڭسىز يمپورتپەن اينالىسقانى ءۇشىن ايىپ تاعىلدى.
-
استاناداعى ەكىنشى اۋىسىمداعى وقۋشىلار قاشىقتان وقۋعا كوشتى. بۇل شەشىم قاتتى ايازعا بايلانىستى قابىلداندى.
