InfoHub Logo

اتىراۋ وبلىسى قىزىلقوعا اۋدانىنا قاراستى جانگەلدين اۋىلىندا ءبىر وتباسىنىڭ مۇشەلەرى جوعالىپ كەتۋى ەلدى دۇرلىكتىردى. ماقسوت قارابالين مەن ونىڭ ايەلى ءناسىپ باقىت قىزىنىڭ دەنەسى 7 قاڭتار كۇنى تابىلدى. ال ولاردىڭ بالالارى مەيرامگۇل، اقبايان جانە ۇلى ناۋرىزدىڭ تاعدىرى بەلگىسىز. بەلگىلى تەلەجۋرناليست گۇلميرا ءابىقاي بۇل جاعدايعا قاتىستى ءوز بولجامىن ايتتى.

بۇل تۋرالى Infohub.kz اقپارات اگەنتتىگى حابارلايدى.

قىزىلقوعا اۋدانىنداعى قىرعىن قالاي باستالدى؟

گۇلميرا ءابىقاي 2 قاڭتار كۇنى ءتورت ادامنىڭ جوعالعانى تۋرالى ولاردىڭ تۋعان-تۋىستارىنان ءۇش ادام حات جازعانىن ايتادى. ماقسوت اعامىزدىڭ قارىنداسى ءاسيلا مۇقانعالييەۆانىڭ ايتۋىنشا، ناۋرىز شىلدەنىڭ اياعىندا اقتاۋعا جۇمىسقا كەتكەن. سول ۋاقىتتان بەرى ول ەشكىمگە كورىنبەگەن، ءبىراق WhatsApp ارقىلى حابارلاسىپ تۇرعان.

جوعالعان ادام سانى 4 ەمەس، 6 بولىپ شىقتى

گۇلميرا ءابىقاي كەيىن جوعالعان ادامداردىڭ سانى ءتورت ەمەس، التى بولىپ شىققاندا تاڭ قالعانىن ايتادى. ءاسيلا اپايدىڭ ايتۋىنشا، وتباسىنىڭ كەنجە قىزى اقبايان مەن كۇيەۋى سۇلتان دا جوعالىپ كەتكەن.

سۇلتان قانداي كۇيەۋ بالا بولدى؟

تەلەجۋرناليست ەلىمىزدىڭ باتىس ايماقتارىنان سيرياداعى سوعىس وشاعىنا كەتكەن ازاماتتار كوپ بولعانىن تىلگە تيەك ەتتى. سۇلتان سارسەمالييەۆتىڭ ءدىن جولىن ۇستاناتىنى بەلگىلى بولىپ وتىر.

اتىراۋ حاكەر – الاياق پا، اق-ادال جان با؟

گۇلميرا ءابىقاي اتىراۋداعى قايعىلى جاعدايعا بايلانىستى ۆيدەو تۇسىرگەن «اتىراۋ حاكەر» اككاۋنتىنىڭ يەسى وزىنە حابارلاسقانىن ايتادى. ول ءوزىن شەتەلدە قاشىپ جۇرگەنىن مالىمدەدى.

تەلەجۋرناليستتىڭ ءقاۋىپتى بولجامى

قازىرگى تاڭدا كوپشىلىكتى «مەيرامگۇل مەن ناۋرىز جانە سۇلتاننىڭ ايەلى اقبايان امان-ەسەن بە؟» دەگەن سۇراق الاڭداتىپ وتىر. گۇلميرا ءابىقاي ءوزىنىڭ پەسسيميستىك بولجامىن ايتتى: «ءبىر ادام عانا ءتىرى قالادى، ءتورت ادام تابىلمايدى» دەپ ويلايمىن.