ماقتاارالدىق بالدىرعاندار ارمان ارالىندا
شىمكەنت روسو «بالداۋرەن»
تۇركىستان وبلىسى حيميا ءپانى ءمۇعالىمى
كەنجەكارايەۆ المات تازابەكوۆيچ
كارانتين جاعدايىندا ورىن العان ماقتاارالداعى سۋ تاسقىنى وقيعاسى ءاربىر قازاقستاندىققا اۋىر ءتيدى. وسى سەكىلدى جاعداي كەز كەلگەن قازاقستاندىقتاردىڭ باسىنا كەلۋ مۇمكىن ەكەنىن ەلىمىزدىڭ ازاماتتارى تەرەڭ ءتۇسىندى. ونىڭ دالەلى ەلىمىزدىڭ تۇپكىر-تۇكپىرىنەن ماتەريالدىق ءھام رۋحاني قولداۋ كورسەتۋ ماقساتىندا ەرىكتى توپتار جاساقتالدى. سۋ استىندا قالعان ۇيلەردىڭ ورنىنا جاڭادان ءۇي سالۋ ءۇشىن مەملەكەتتىك قوردان كولەمدى قارجى ءبولىنىپ، قۇرىلىس جۇمىستارى قىزۋ ءجۇرىپ جاتىر. قۇرىلىس ءبىتىپ، تۇرعىندار ءوز ۇيلەرىنە ورالعانشا، وقۋشىلارعا وقۋ لاگەرلەرىنە جولداما بەرىلىپ، ساۋىقتىرۋ جۇمىستارى جۇرگىزىلۋدە. بالداۋرەن-قاپشاعاي روسو 252 وقۋشى، بالداۋرەن-شىمكەنت 196 وقۋشى قابىلداپ اۋىسىم ءىس-شارالارىن باستاپ كەتتى.
بالداۋرەن-شىمكەنت ون سەگىزىنشى مامىر كۇنى وقۋشىلاردى قابىلداپ، مەديسينالىق تەكسەرۋدەن وتكىزدى. باعىمىزعا وراي بارلىق وقۋشىلار تەكسەرۋدەن تازا دەپ تابىلدى.
اللانىڭ ءاربىر ءىسىن جاقسىلىققا بالاعان حالقىمىز، سول كۇنى نوسەر جاۋىن جاۋىپ تۇردى. ارىپتەستەرىم بۇل جاۋىندى نۇرعا بالاپ اۋىسىمنىڭ قىزىقتى ءوتۋى ءۇشىن تىلەك تىلەدى. وقۋشىلاردىڭ كەلگەن كۇنى جۇزدەرىنەن مۇڭ بايقالىپ، اتا-انالارىنىڭ قاسىنان، تۋعان جەرىنەن جىراققا شىقپاعاندىقتان كەيبىر وقۋشىلار ۇيلەرىن ساعىنىپ جىلاۋمەن بولدى. اۋىسىمنىڭ ەكىنشى كۇنى ولاردىڭ جۇزدەرىنەن شاتتىق لەبى ەسە باستادى. ارينە بۇعان ۇيىمداستىرۋشى ۇستازداردىڭ ەڭبەگى زور. وسىلاي ءبىر كۇنى ەكىنشى كۇنگە ۇقساماي ماقتاارالدىق بالدىرعانداردىڭ لاگەردەگى عاجايىپ ءومىرى ءوتىپ جاتتى.
وسىنداي كورىنىستەردەن العان اسەرىن زور تەبىرەنىسپەن جەتكىزگەن بالداۋرەن-شىمكەنت روسو فيليالىنىڭ ديرەكتورى بوسىمبايەۆ داۋرەن ابدىكارىم ۇلى وقۋشىلارعا سويلەگەن سوزىندە: سىزدەر كەلگەن كۇنى قازىرگىدەن مۇلدە باسقا كورىنىسكە كۋا بولدىم. ماعان سىزدەردى وسى كۇيگە جەتكىزۋ وتە قيىن كورىنىپ ەدى، ءبىراق ءقازىر جۇزدەرىڭىزدەگى شىنايى شاتتىقتى كورىپ تاڭدانىسىمدى جاسىرا الماي وتىرمىن. سىزدەر ەلىمىزدىڭ جارقىن بولاشاعىسىزدار، وسىنداي جارقىن كەيىپتەرىڭىزدەن تانباۋعا شىن جۇرەكتەن تىلەكتەسپىن. دەپ ىزگى تىلەك-لەبىزىن جولدادى. وقۋشىلاردىڭ بويىنا ۇلتتىق رۋحتى، ءپاتريوتيزمدى، ادالدىقتى سىڭىرە بىلگەن بالداۋرەندىك ءمۇعالىم ۇستازداردىڭ، تالىمگەر ۇستازداردىڭ، ءبولىم باسشىلارىنىڭ ەڭبەگى زور.
ماقتاارالدىق وتانداستار بارشا بالداۋرەن ۇجىمى سىزدەرمەن بىرگە!!!
You Might Also Like
-
وزدەرىڭىز بىلەتىندەي، تەحنوگەندىك اپاتتان زارداپ شەككەن ماقتاارال ەلىنىڭ وقۋشىلارى كانيكۋلىن ءتيىمدى ۇيىمداستىرۋ ماقساتىندا ءبىلىم جانە عىلىم مينيسترلىگى باستاماسىمەن رەسپۋبليكاداعى بەلدى وقۋ-ساۋىقتى...
-
ءبىلىم بەرۋدى دامىتۋدىڭ يننوۆاسيالىق ورتالىعىندا جاس ادىسكەر مەكتەبىنىڭ جۇمىسى جالعاسىن تاپتى.
