InfoHub Logo

ورازا ايىنداعى قايىرىمدىلىق شاراسى جۇرتشىلىقتى ەلەڭ ەتتى. بەلگىسىز ءبىر ازامات، بەتپەردە كيگەن كۇيى، 30 وتباسىعا جاڭا پاتەردىڭ كىلتىن تابىستاپ، شامامەن ءبىر ميلليون دوللارعا جۋىق قاراجاتتى قايىرىمدىلىققا جۇمسادى. بۇل يگى ءىس كوپشىلىكتىڭ نازارىن اۋدارىپ، «ماسكاداعى ادامنىڭ» كىم ەكەنى تۋرالى سان الۋان پىكىرلەر تۋىندادى.

بۇل تۋرالى Infohub.kz اقپارات اگەنتتىگى حابارلايدى.

كىمگە ۇقساتىلدى؟

ءانشى مەرۋەرت تۇسىپبايەۆا Instagram پاراقشاسىندا بۇل وقيعانى ءبولىسىپ، «ورازا ايىندا بەتپەردەدەگى جىگىت 30 وتباسىنا 30 پاتەر سىيلادى. وسى جىگىت كىم؟ قالاي ويلايسىز؟» دەپ جەلى قولدانۋشىلارىنا ساۋال تاستادى.

جەلىدەگىلەردىڭ ءبىر بولىگى بۇل قايىرىمدىلىقتى الەمگە تانىمال ءانشى ديماش قۇدايبەرگەننىڭ جاساعان ءىسى بولۋى مۇمكىن دەگەن بولجام ايتتى. «ديماش»، «ءبىزدىڭ ديماش قوي»، «ديماش سياقتى» دەگەن پىكىرلەر كوپتەپ كەزدەستى. ءتىپتى كەيبىرى ديماش قۇدايبەرگەننىڭ تۋىستارى ارقىلى وسىنداي يگى ءىس جاساپ جاتقان شىعار دەگەن دە جورامالدار ايتىلدى.

ال ەكىنشى ءبىر توپتىڭ پىكىرىنشە، بەتپەردە كيگەن ازاماتتىڭ كەلبەتى تانىمال ءانشى ساكەن مايعازييەۆكە قاتتى ۇقسايدى ەكەن. «بۇل ساكەن مايعازييەۆ قوي»، «ساكەنگە قاتتى ۇقسايدى ەكەن» دەگەن جازبالار دا جەلىدە تارادى.

قايىرىمدىلىقتىڭ يەگەرلەرى

ايتا كەتەيىك، بۇل قايىرىمدىلىق شاراسى اياسىندا كوپبالالى وتباسىلار، مۇمكىندىگى شەكتەۋلى جاندار جانە اسىراۋشىسىنان ايىرىلعان ازاماتتار باسپانالى بولدى. جاڭا پاتەرلەر تولىق دايىن كۇيدە تابىستالدى.

بۇل وقيعاعا قاتىستى تانىمال اكتەر المات ساقاتوۆ تا ءوز پىكىرىن بىلدىرگەن ەدى. ول «ماسكاداعى ادام» اتانعان بلوگەردىڭ كىم بولۋى مۇمكىن ەكەندىگى تۋرالى سۇراققا جاۋاپ بەرىپ، ەل ەستىمەگەن جاڭالىقتاردى ايتقان بولاتىن.