Photo: Pixabay (https://www.pexels.com/@pixabay) / Pexels
قازاقستانداعى ساۋدا بيزنەسىنىڭ رەنتابەلدىلىگى 6 ەسە قۇلدىرادى: كاسىپكەرلەر نە دەيدى؟
قازاقستانداعى شاعىن جانە ورتا بيزنەس (شوب) قاتتى قىسىمعا ۇشىراپ، كاسىپكەرلەردىڭ رەنتابەلدىلىگى كۇرت تومەندەدى. بۇل تۋرالى «اتامەكەن» ۇكپ شوب دامۋ كوميتەتىنىڭ ءتورايىمى، Lanzhou مەيرامحانالار جەلىسىنىڭ نەگىزىن قالاۋشى گۇلبان مايعارينا مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
سالىق جۇكتەمەسى مەن ساتىپ الۋ قابىلەتىنىڭ تومەندەۋى
گۇلبان مايعارينانىڭ ايتۋىنشا، كاسىپكەرلەر ەكى جاقتى سوققىعا ۇشىراعان: سالىقتاردىڭ ءوسۋى جانە حالىقتىڭ ساتىپ الۋ قابىلەتىنىڭ تومەندەۋى. بۇل جاعداي بيزنەس تيىمدىلىگىنىڭ رەكوردتىق دەڭگەيدە تومەندەۋىنە اكەلدى.
«ورتاشا چەك شامامەن 30% -عا ازايدى. قوعامدىق تاماقتاندىرۋ جانە بولشەك ساۋدا ورىندارىنا كەلۋشىلەر سانى دا ازايىپ جاتىر. بيزنەستىڭ تيىمدىلىگى قازىرگى تاڭدا ەڭ تومەنگى دەڭگەيدە»، - دەدى مايعارينا.
بۇرىن ساۋدا ورىندارىنىڭ رەنتابەلدىلىگى 6% -عا جەتسە، ءقازىر ول 1% -عا دەيىن تومەندەگەن. كاسىپكەرلەردىڭ قورداعى اقشاسى (پودۋشكا بەزوپاسنوستي) مۇلدەم قالماعان.
بيزنەستىڭ جاپپاي بولشەكتەنۋى
سالىق جۇيەسىندەگى وزگەرىستەردىڭ سالدارىنان كومپانيالاردىڭ بولشەكتەنۋى بايقالادى. ءبىر ايلىق اينالىمى 250 ميلليون تەڭگە بولاتىن بيزنەس تە بىرنەشە زاڭدى تۇلعاعا بولىنۋگە ءماجبۇر. سەبەبى، سەرىكتەستەر بۇرىنعىداي جۇمىس ىستەۋدەن باس تارتۋدا.
«كاسىپكەر ءارقاشان ءتيىمدى شەشىم ىزدەيدى. ءبىراق ول ءوزىنىڭ شىعىنىنا جۇمىس ىستەمەيدى. قازىرگى سالىق جۇكتەمەسىن كوتەرە الماي، كوپتەگەن بيزنەس يەلەرى كومپانيالارىن بولشەكتەپ جاتىر»، - دەپ اتاپ ءوتتى مايعارينا.
ونىڭ ايتۋىنشا، داعدارىس بەلگىلەرى رەسمي ستاتيستيكادان تىس تا كورىنىس بەرۋدە. كاسىپكەرلەر جالاقىنى كەشىكتىرە باستاسا، قىزمەتكەرلەر نەسيە تولەمدەرىن كەشىكتىرەدى. شوب سەكتورىندا شامامەن 4،5 ميلليون ادام جۇمىس ىستەيدى جانە بۇل جاعىمسىز ۇردىستەر باستالعان.
«ەموسياسىز، تەك ساندارمەن»
تابىستىڭ ازايۋىنا بايلانىستى بيزنەسكە ىشكى ءتارتىپتى كۇشەيتۋ قاجەتتىگى تۋىنداپ وتىر. مايعارينا كاسىپكەرلەردى باسقارۋ ەسەبىن كۇشەيتىپ، تەك قارجىلىق كورسەتكىشتەرگە نەگىزدەلگەن شەشىمدەر قابىلداۋعا شاقىردى.
«داعدارىسقا قارسى بارلىق شارالار تەك ساندارعا سۇيەنىپ، ەموسياسىز قابىلدانۋى كەرەك. بۇرىن 15-20% رەنتابەلدىلىكپەن جۇمىس ىستەۋگە بولاتىن ەدى. ال ءقازىر ءاربىر قاتە قادام قىمباتقا تۇسەدى»، - دەدى ول.
ونىڭ جەلىسىندە پەرسونال سانى 25% -عا قىسقارتىلعان. مايعارينانىڭ پىكىرىنشە، نارىقتاعى كوپتەگەن ويىنشىلار ءۇشىن جاعداي وسىنداي. داعدارىستان شىعۋدىڭ جولى رەتىندە ول كووپەراسيا مەن ءىرى بىرلەستىكتەر قۇرۋدى ۇسىنادى.
«جاھاندانۋ جاعدايىندا ماسشتاب تەك ءوسۋ ءۇشىن عانا ەمەس، امان قالۋ ءۇشىن دە ماڭىزدى. كليەنتتەر تۇسىنىكتى برەندتەر مەن قىزمەتتى تاڭدايدى. ءۇش-تورت كومپانيا بىرلەسىپ ماركەتينگ شىعىندارىن بولىسسە، بۇل شىعىنداردى ازايتادى»، - دەپ قوستى ول.
كاسىپكەر سالىق كودەكسىنىڭ كەيبىر ەرەجەلەرىن قايتا قاراۋدى، سونىمەن قاتار بيزنەستىڭ اشىقتىعىن ارتتىرۋدى ۇسىندى.
«قازىرگى تاڭدا نارىق اقشا تابۋمەن ەمەس، امان قالۋمەن اينالىسۋدا. جاپپاي جابىلۋدىڭ الدىن الۋ ءۇشىن جۇيەلى شەشىمدەر قاجەت – مەملەكەت تاراپىنان دا، كاسىپكەرلەر تاراپىنان دا»، - دەپ تۇيىندەدى مايعارينا.
-
ورازا ايىندا 30 وتباسىعا باسپانا سىيلاعان جۇمباق كەيىپكەردىڭ كىم ەكەنى تۋرالى حالىق اراسىندا ءتۇرلى بولجامدار ايتىلۋدا.
-
Small and medium businesses in Kazakhstan face a severe profitability crisis، with earnings dropping significantly. Entrepreneurs cite tax burdens and reduced consumer spending as key challenges.
