InfoHub Logo

قازاقستانداعى ءبىلىم بەرۋدى دامىتۋدىڭ 2011 - 2012 جىلدارعا ارنالعان مەملەكەتتىك باعدارلاماسى جوباسىندا قازاقستاندا وقيتىنداردى ساپالى بىلىممەن قامتاماسىز ەتىپ، ءبىلىم كورسەتكىشىنىڭ جاقسارۋى مەن ءبىلىم بەرۋ جۇيەسىنىڭ تارتىمدىلىعىن ارتتىرۋ ءۇشىن ەڭ الدىمەن مۇعالىمدەردىڭ مارتەبەسىن ارتتىرۋ، بۇكىل قىزمەتى بويىنا مانساپتىڭ ءوسۋى، وقىتىلۋى جانە كاسىبي بىلىكتىلىگىن دامىتۋدى قامتاماسىز ەتۋ، مۇعالىمدەردىڭ ەڭبەگىن مەملەكەتتىك قولداۋ مەن ىنتالاندىرۋدى ارتتىرۋ ماسەلەلەرىنە ۇلكەن ءمان بەرىلگەن. وسىعان بايلانىستى قازىرگى كەزدە ءبىلىم بەرۋ جۇيەسىندەگى رەفورمالار مەن سىندارلى ساياساتتار، وزگەرىستەر مەن جاڭالىقتار ءاربىر پەداگوگ قاۋىمنىڭ ويلاۋىنا، كەلەشەگى جايلى تولعانۋىنا، جاڭا ويلارمەن، جاڭا جۇيەلەرمەن جۇمىس جاساۋىنا نەگىز بولادى. ولاي بولسا، ءبىلىمنىڭ ساپالى دا سانالى تۇردە بەرىلۋى ءبىلىم بەرۋ جۇيەسىندەگى پەداگوگتاردىڭ دەڭگەيىنە بايلانىستى.

كاسىبي ءبىلىم بەرۋدىڭ ماقساتى - الەمدىك ءبىلىم كەڭىستىگىنە ەنە وتىرىپ، باسەكەگە قابىلەتتى تۇلعا دايىنداۋ ءۇشىن ادامنىڭ قۇزىرلىلىق قابىلەتىنە سۇيەنۋ ارقىلى ناتيجەگە باعىتتالعان ءبىلىم بەرۋ. قۇزىرلىلىقتىڭ لاتىن تىلىنەن اۋدارماسى «سوmpetens» بەلگىلى سالا بويىنشا جان - جاقتى حاباردار، بىلگىر دەگەن ماعىنانى قامتي وتىرىپ، قانداي دا ءبىر سۇراقتار توڭىرەگىندە بەدەلدى تۇردە شەشىم شىعارا الادى دەگەندى بىلدىرەدى.

قازاقستان رەسپۋبليكاسىنىڭ 12 جىلدىق ءبىلىم بەرۋ تۇجىرىمداماسىندا ءمۇعالىم مامانداردىڭ كاسىبي - تۇلعالىق قۇزىرلىعىن قالىپتاستىرۋ باستى ماقسات ەكەندىگىن اتاي كەلە، 12 جىلدىق ءبىلىم بەرۋدە مۇعالىمدەردىڭ تومەندەگىدەي قۇزىرەتتىلىكتەردى يگەرۋى مىندەتتى دەپ كورسەتىلگەن.
1. ارنايى قۇزىرەتتىلىك - ءوزىنىڭ كاسىبي دامۋىن جوبالاي بىلەتىن قابىلەتى.
2. الەۋمەتتىك قۇزىرەتتىلىك – كاسىپتىك قىزمەتىمەن اينالىسۋ قابىلەتى.
3. ءبىلىم بەرۋ قۇزىرەتتىلىگى – پەداگوگيكالىق جانە الەۋمەتتىك پسيحولوگيانىڭ نەگىزدەرىن قولدانا ءبىلۋ قابىلەتى.

اتالعان قۇزىرەتتىلىك قاسيەتتەردى تۇلعا بويىنا دارىتۋدا پەداگوگ قاۋىمنىڭ ارنايى الەۋمەتتىك ءبىلىم بەرۋ قۇزىرەتتىلىكتەرىنىڭ جان - جاقتى بولۋى تالاپ ەتىلەدى. ەگەر ءمۇعالىم ءوزىنىڭ كاسىبي ءوسۋ جوباسىن دۇرىس جولعا قويىپ، ءوزىنىڭ كاسىپتىك قىزمەتىنە ناقتى بەرىلۋى ارقىلى تۇلعانىڭ العان ءبىلىمىن ومىردە قولدانا بىلەتىندەي تاپسىرمالار جۇيەسىن ۇسىنا الاتىن جاعدايدا بولعاندا عانا وقۋشى قۇزىرلىعىن قالىپتاستىرۋعا مۇمكىندىك تابادى. تۇلعاعا باعىتتالعان بىلىمدەر جۇيەسى ءبىلىم ستاندارتىنا ساي تۇلعانىڭ جان - جاقتى دامۋىنا نەگىزدەلگەن، العان ءبىلىمىن ءومىردىڭ قانداي ءبىر جاعداياتتارىندا قولدانا الاتىنداي دارەجەدە ۇسىنۋ ءمۇعالىمنىڭ قۇزىرەتتىلىگىنە بايلانىستى بولادى.