InfoHub Logo

تۋرەبەكوۆا جاڭىلسىن بارسايەۆنا
اقتوبە وبلىسى العا اۋدانى
№3 العا قازاق ورتا مەكتەبى
ماتەماتيكا ءپانىنىڭ ءمۇعالىمى

تاقىرىبى: «ماتەماتيكالىق مارافون» ينتەللەكتۋالدىق ويىنى.
(كلاستان تىس ءىس - شارا، 6كل اراسىندا)
ماقساتى: وقۋشىلاردىڭ ماتەماتيكا پانىنە قىزىعۋشىلىعىن ارتتىرۋ.
وقۋشىلاردىڭ زەرەكتىگىن، تاپقىرلىعىن، ويلاۋ قابىلەتىن دامىتۋ.
وقۋشىلاردى شاپشاڭدىققا، العىرلىققا، ىزدەنىمپازدىققا، ۇيىمشىلدىققا تاربيەلەۋ.
ءوز مۇمكىندىگىن دۇرىس پايدالانا الاتىن زەيىندى تۇلعانى تاربيەلەۋ.
ءتۇرى: سايىس
كورنەكىلىگى: PowerPoint باعدارلاماسىندا قۇرىلعان پرەزەنتاسيا، ماتەماتيكا تۋرالى اقىن - جازۋشىلاردىڭ سوزدەرى. وقۋشىلاردىڭ كلاسى، توبىنىڭ اتى جازىلعان الدارىنا قوياتىن قاعازدار.
1. اريفمەتيكا ماتەماتيكانىڭ، ال ماتەماتيكا عىلىمداردىڭ پاتشاسى.
ك. گاۋسس
2. اقىل - ويدى تارتىپكە كەلتىرەتىن ماتەماتيكا.
م. ۆ. لومونوسوۆ
3. ماتەماتيكا – بارلىق عىلىمداردىڭ تۇڭعىشى جانە ولارعا پايدالى دا، قاجەت تە.
ر. بەكون

بارىسى:
1. «اسىق اتۋ»
2. «بايگە»
3. «جەكپە - جەك».
4. «تەڭگە الۋ»
قورىتىندى.

مىنەكەي زالدا تىنىشتىق،
ەستىلمەيدى دىبىس تۇك.
مۇنى ءبىز دە قوشتايمىز،
كەشىككەندى توسپايمىز.
عىلىمداردىڭ عىلىمى
ماتەماتيكا جايىندا
«ماتەماتيكالىق مارافون» اتتى ويىنىمىزدى باستايمىز.
قايىرلى كۇن قۇرمەتتى ۇستازدار، وقۋشىلار، ماتەماتيكا جانكۇيەرلەرى. بۇگىنگى «ماتەماتيكالىق مارافون» اتتى ينتەلەكتۋالدىق سايىسىمىزعا قوش كەلدىڭىزدەر!
بۇگىنگى ويىنىمىزعا قاتىسۋشى توپتارمەن تانىس بولىڭىزدار.(ءار توپ ءوزىن قىسقاشا تانىستىرىپ وتەدى.)
«وڭ ساندار» توبى، 6 «ا» كل وقۋشىلارى
«تەرىس ساندار» توبى، 6 «ءا» كل وقۋشىلارى
«قاراما - قارسى ساندار» توبى، 6 «ب» كل وقۋشىلارى
«كەرى ساندار» توبى، 6 «ۆ» كل وقۋشىلارى
بۇگىنگى ويىننىڭ ەسەپشى وپەراتورلارى 9 كلاستىڭ وزات وقۋشىلارى:...

عىلىمنىڭ سىرىن ۇعىنا،
شىعىڭدار ءبىلىم شىڭىنا.
ۇقىپتىلىق پەن زەرەكتىك،
جەتكىزەر سىزدەي ورەندى.
جەڭىستىڭ، بيىك شىڭىنا، - دەي كەلە سايىسكەرلەرىمىزگە ءسات - ساپار تىلەيىك.

ءمۇعالىم: كەزەكتى ويىنعا بەرەمىز. I - ءبولىم «اسىق اتۋ» دەپ اتالادى. بۇل بولىمدە ءار توپقا 5 سۇراقتان قويىلادى، ءار دۇرىس جاۋاپ 1 اسىق – 5 ۇپاي (بارلىعى 5 اسىق – 25ۇپاي). سۇراقتىڭ جاۋابىن بىلمەگەن جاعدايدا قارسى توپتاردىڭ ءبىرىنشى بولىپ قالاقشانى كوتەرگەنى جاۋاپ بەرەدى. سۇراققا دۇرىس جاۋاپ بەرسە، اسىق – ۇپاي سول توپقا بەرىلەدى. ءار توپ وزىنە فيگۋرا تاڭداپ، سول فيگۋرانىڭ سۇراقتارىنا جاۋاپ بەرەدى.

ءۇشبۇرىش سۇراقتارى:
قوسىلعىشتاردىڭ ورىنىن اۋىستىرعانمەن نە وزگەرمەيدى؟ (قوسىندى وزگەرمەيدى)
جاي بولشەكتەردى قالاي كوبەيتەمىز؟ (الىمىن الىمىنا، ءبولىمىن بولىمىنە كوبەيتەمىز)
پروپورسيا دەگەنىمىز نە؟ (ەكى قاتىناستىڭ تەڭدىگى)
كوورديناتالىق ءتۇزۋ دەگەنىمىز نە؟(ساناق باسى، بىرلىك كەسىندىسى، وڭ باعىتى كورسەتىلگەن ءتۇزۋ)
وڭ سانعا دا، تەرىس سانعا دا جاتپايتىن سان؟ (0 سانى)

شارشىنىڭ سۇراقتارى:
كەز كەلگەن ساننىڭ نولمەن قوسىندىسى نەگە تەڭ؟ (سول ساننىڭ وزىنە تەڭ)
ءبۇتىن ساندار جيىنىنا قانداي ساندار جاتادى؟ (0 سانى، ناتۋرال ساندار جيىنى، قاراما - قارسى ساندار جيىنى)
جاي بولشەكتى جاي بولشەككە قالاي بولەمىز؟ (ءبىرىنشى بولشەككە ەكىنشى بولشەكتىڭ الىمى مەن ءبولىمىن الماستىرىپ كوبەيتەمىز)
وڭ ساننىڭ ءمودۋلى نەگە تەڭ؟ (سول ساننىڭ وزىنە)
بۇرىش دەگەنىمىز نە؟ (ءبىر نۇكتەدەن شىققان ەكى ساۋلەدەن قۇرالعان كەسىندى)

دوڭگەلەكتىڭ سۇراقتارى:
قاراما - قارسى سانداردىڭ قوسىندىسى نەگە تەڭ؟ (0 - گە تەڭ)
وڭ سان مەن تەرىس ساننىڭ قايسىسى ۇلكەن؟ (وڭ سان ۇلكەن)
ارالاس سانداردى قالاي كوبەيتەمىز؟ (الدىمەن ارالاس ساندى بۇرىس بولشەككە اينالدىرىپ، سودان سوڭ الىمىن الىمىنا، ءبولىمىن بولىمىنە كوبەيتەمىز)
ساننىڭ ءمودۋلى دەگەنىمىز نە؟ (نۇكتەنىڭ ساناق باسىنان قاشىقتىعى)
راسيونال ساندار جيىنىنا قانداي ساندار جيىنى جاتادى؟ (ءبۇتىن ساندار جانە بولشەك ساندار جيىنى جاتادى)

تىكتورتبۇرىشتىڭ سۇراقتارى:
ەكى تەرىس ساننىڭ قوسىندىسى قانداي سان؟ (تەرىس سان)
شامانىڭ جۇزدەن ءبىر بولىگى قالاي اتالادى؟ (پايىز)
تاڭبالارى ءار ءتۇرلى ەكى سان قالاي قوسىلادى؟ (ءمودۋلى ۇلكەنىنەن ءمودۋلى كىشىسىن ازايتۋ كەرەك. ءمودۋلى ۇلكەن قوسىلعىشتىڭ تاڭباسىن قويۋ كەرەك)
قانداي ساندار ناتۋرال ساندار دەپ اتالادى؟ (ساناۋ ءۇشىن قولدانىلاتىن ساندار)
بۇرىشتىڭ تۇرلەرىن اتا. (ءسۇيىر، دوعال، تىك، جازىڭقى، تولىق)

ءمۇعالىم: II ءبولىم «بايگە» دەپ اتالادى. بۇل بولىمدە تەست تاپسىرمالارى بەرىلەدى، سوعان ءار توپ الدارىڭىزداعى جاۋاپ پاراعىنا دۇرىس جاۋابىن جازىپ بەرەسىزدەر. ءار دۇرىس جاۋاپ 5 ۇپاي، ۋاقىتى 2 مينۋت.