مەدينسكييدىڭ تاريحي ۋاجىنە باتىس كۇمانمەن قارايدى
رەسەي مەن ۋكراينا اراسىنداعى قاقتىعىستىڭ ۋشىعۋىنا بايلانىستى حالىقارالىق ارەنادا پىكىرتالاستار تولاستاماي تۇر. جاقىندا ناتو-نىڭ باس حاتشىسى مارك ريۋتتە رەسەي تاراپىنىڭ شىنايى بەيبىت كەلىسسوزگە دايىن ەمەس ەكەنىن قاتاڭ سىنعا الدى. ونىڭ ايتۋىنشا، قازىرگى جاعدايدى شەشۋ ءۇشىن رەسمي ماسكەۋدىڭ ناقتى ساياسي ەرىك-جىگەرى قاجەت.
"ىستامبۇلداعى كەلىسسوزدەرگە قاتىسقان تاريحشى ەمەس، بۇل سوعىستى باستاعان ءپۋتيننىڭ ءوزى بەيبىت شەشىمگە كەلۋگە ءتيىس. ال سول تاريحشى كىسى بولسا، XII عاسىردى ايتۋمەن شەكتەلىپ ءجۇر. بىزگە تاريحي شولۋ ەمەس، جاۋاپكەرشىلىك پەن ارەكەت قاجەت"، – دەدى ريۋتتە مالىمدەمەسىندە.
الايدا رەسەي دەلەگاسياسىن باسقارعان ۆلاديمير مەدينسكيي بۇل پىكىرگە جاۋاپسىز قالمادى. ول: "باتىس باسشىلارى تاريحتى تۇسىنبەيدى. ناتو باس حاتشىسىنا تاريح وقۋلىعىن جولداۋعا بولادى – XII عاسىردا ۋكراينا دەگەن مەملەكەت بولماعانىن ءبىلسىن"، – دەپ كەسىپ ايتتى.
سونىمەن قاتار، امەريكالىق The Wall Street Journal باسىلىمىنا بەرگەن سۇحباتىندا مەدينسكيي بۇل سوعىستى "اعايىن حالىقتاردىڭ ءوزارا قاقتىعىسى" دەپ سيپاتتاپ، ديپلوماتيالىق تىلمەن سويلەگەندەي بولدى. الايدا ارتىنشا ۋكراينا كەلىسىمگە كەلمەسە، جاڭا اۋماقتىق شىعىنعا ۇشىرايتىنىن ەسكەرتتى. بۇل مالىمدەمە حالىقارالىق قاۋىمداستىق تاراپىنان ەسكەرتۋ مەن قىسىم جاساۋ رەتىندە باعالانىپ وتىر.
ساراپشىلاردىڭ ايتۋىنشا، مۇنداي قايشىلىقتى مالىمدەمەلەر رەسەي تاراپىنىڭ بەيبىت كەلىسسوزدەرگە شىنايى نيەتپەن ەمەس، ساياسي ويىن اياسىندا قاراپ وتىرعانىن كورسەتەدى.
You Might Also Like
-
«بالا جامبىل» اقش-تا ءبىلىم الىپ ءجۇر – جەلى قولدانۋشىلارى قايتا ىزدە
-
قازاقستان پرەزيدەنتى قاسىم-جومارت توقايەۆ پەن يتاليا مينيسترلەر كەڭەسىنىڭ ءتوراعاسى دجوردجا مەلونيدىڭ رەسمي كەلىسسوزدەرى ناتيجەسىندە ەكى ەل اراسىندا ستراتەگيالىق سەرىكتەستىكتى كەڭەيتۋ جونىندەگى بىرلە...
