InfoHub Logo

مەديسينا جوعارى وقۋ ورىندارى ستۋدەنتتەرىنىڭ شاكىرتاقىسى 20 % كوبەيەدى، دەپ حابارلادى ق ر دەنساۋلىق ساقتاۋ مينيسترلىگىنىڭ عىلىم جانە ادامي رەسۋرستار دەپارتامەنتى.

2022 جىلى رەسپۋبليكالىق بيۋدجەتتىڭ ەسەبىنەن 4700 ءبىلىم بەرۋ گرانتى ءبولىندى، ونىڭ 1500ء-ى رەزيدەنتۋراعا بولىنگەن.

2023 جىلى مەملەكەت باسشىسىنىڭ تاپسىرماسىن ىسكە اسىرۋ ماقساتىندا رەسپۋبليكالىق بيۋدجەتتىڭ ەسەبىنەن رەزيدەنتۋرا گرانتتارىنىڭ سانىن 2500-گە دەيىن ۇلعايتۋ جوسپارلانۋدا.

سونداي-اق، پرەزيدەنت پەن «امانات» پارتياسىنىڭ تاپسىرماسى بويىنشا شاكىرتاقى ايتارلىقتاي ۇلعايتىلدى. مىسالى، باكالاۆريات ءۇشىن ول 2 ەسەگە جۋىق، ينتەرندەردە 25%-عا، رەزيدەنتتەردە، ماگيسترانتتاردا، دوكتورانتتاردا 2021 جىلى 15%-عا ۇلعايدى.

«2025 جىلعا دەيىن شاكىرتاقىنى جىل سايىن 15% جانە 20%-عا ۇلعايتۋ جوسپارلانۋدا. بۇل جاقسى وقۋعا قوسىمشا سەرپىن بەرەدى جانە ءبىزدىڭ جوو-لارعا مىقتى تالاپكەرلەردى قوسىمشا تارتادى»، - دەيدى دەپارتامەنت ديرەكتورى داۋلەت الدىڭعۇروۆ.

سونداي-اق، ونىڭ ايتۋىنشا، دەنساۋلىق ساقتاۋ مينيسترلىگى 2021 جىلدان باستاپ وڭىرلەر وتىنىمدەرىنىڭ نەگىزىندە رەزيدەنتۋرادا گرانتتاردى ءبولۋدى ەنگىزدى. بۇل دەنساۋلىق ساقتاۋ جۇيەسىنىڭ كادرلىق ساياساتىن ساپالى جۇرگىزۋگە مۇمكىندىك بەرەدى.

2022 جىلعى 8 اقپاندا سالالىق بىلىكتىلىك شەڭبەرى بەكىتىلدى. وسى وقۋ جىلىنان باستاپ سانيتاريالىق-ەپيدەميولوگيالىق قىزمەت ماماندارىن دايارلاۋدىڭ 5 جىلدىق باعدارلاماسى ەنگىزىلدى.

سونداي-اق، 21 كاسىبي ستاندارتتى ازىرلەۋ بويىنشا جۇمىس جۇرگىزىلدى. بۇل جۇمىس جالعاسۋدا جانە 2023 جىلى 36 كاسىبي ستاندارتتاردى ازىرلەۋ جانە وزەكتەندىرۋ جوسپارلانۋدا.

مينيسترلىك مەديسينا قىزمەتكەرلەرىنىڭ بىلىكتىلىگىن ارتتىرۋعا ەرەكشە كوڭىل بولەدى. ماسەلەن، بيىل عارد بيۋدجەتتىك باعدارلاماسىنىڭ شەڭبەرىندە 4200 دارىگەر، ونىڭ ىشىندە 138 شەتەلدىك جانە 2650 مەيىرگەردى وقىتۋ ۇيىمداستىرىلدى.

---