InfoHub Logo

وقۋ-اعارتۋ مينيسترلىگى پيلوتتىق رەجيمدە ۇلتتىق ءبىلىم اكادەمياسىنىڭ مىندەتتى قولداۋىنا جاتاتىن قاجەتتى رەسۋرستارى مەن الەۋەتى بار مەكتەپتەرگە اكادەميالىق ەركىندىك بەرۋگە مۇمكىندىك بەرەتىن بۇيرىق جوباسىن ازىرلەدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ جەلىدەگى پاراقشاسىندا جازدى.

اكادەميالىق ەركىندىك مەكتەپتەرگە نە ءۇشىن قاجەت؟

وقۋ جوسپارىنىڭ ءۆارياتيۆتى كومپونەنتى وقۋشىلاردىڭ قاجەتتىلىكتەرى مەن ەرەكشەلىكتەرىنە قاراي ۇلعايادى. ياعني مەكتەپتەردە وقۋشىلاردىڭ ءبىلىم قاجەتتىلىكتەرى مەن مۇمكىندىكتەرىن ەسكەرە وتىرىپ، مازمۇنىن انىقتاي الادى. ولار ۇلگىلىك وقۋ جوسپارىن قاتاڭ ۇستانبايدى، ءبىراق مەملەكەتتىك جالپىعا مىندەتتى ءبىلىم بەرۋ ستاندارتتارىندا كورسەتىلگەن وقۋ ناتيجەلەرىنە قول جەتكىزۋ تالاپ ەتىلەدى. مجمبس (1) قۇندىلىقتاردى، مىسالى، ازاماتتىق، ەڭبەكسۇيگىشتىك، سىيلاستىق، بىلىمگە ۇمتىلۋ جانە ت.ب. (2) سىني جانە كرەاتيۆتى ويلاۋ رەتىندە قۇزىرەتتىلىكتەردى، سونداي-اق (3) پاندەر مەن ءبىلىم دەڭگەيلەرى بويىنشا وقىتۋ ناتيجەلەرىن كورسەتەدى.

قازىرگى تاڭدا مەملەكەت باسشىسىنىڭ قولداۋىمەن ەلىمىزدە جەكەمەنشىك مەكتەپتەر اشىلىپ، جاڭا جوبالار ەنگىزىلىپ جاتىر.
سونىمەن قاتار مىندەت وقۋشى ورىندارىن قۇرۋ جانە مەحانيكالىق قامتۋ عانا ەمەس. ول ساپالى ءبىلىم بەرۋ باعدارلاماسى بار ۇزدىك جانە ءارتۇرلى مەكتەپتەردىڭ جەتكىلىكتى سانىن اشۋدا.

بۇگىنگى تاڭدا قازاقستاندا 500-دەن استام جەكەمەنشىك مەكتەپ بار، ولار مجمبس جانە ۇلگىلىك وقۋ باعدارلامالارىن ەنگىزۋگە مىندەتتى. وسىنداي قاتاڭ رەتتەۋگە بايلانىستى ولار وزدەرىنىڭ يننوۆاسيالىق مازمۇنىن قوسىمشا ساباقتار ارقىلى قامتۋعا ءماجبۇر. بۇل بالاعا تۇسەتىن جۇكتەمەنى ارتتىرادى.

«اۆتونوميانى كەڭەيتۋ پيلوتتىق مەكتەپتەرگە ۇلتتىق ءبىلىم اكادەمياسىنىڭ قولداۋىمەن، ءبىراق مجمبس كورسەتىلگەن پارامەترلەر مەن تالاپتار شەڭبەرىندە جاڭا يننوۆاسيالىق وقۋ باعدارلامالارىن ەنگىزۋگە مۇمكىندىك بەرەدى. ءقازىر مۇنداي مۇمكىندىك تەك حالىقارالىق مارتەبەگە يە مەكتەپتەردە عانا بار، سول سەبەپتى ءبىز بۇل ءتىزىمدى رەسۋرستارى مەن قاجەتتى الەۋەتى بار پيلوتتىق مەكتەپتەر ارقىلى كەڭەيتكىمىز كەلەدى. باعدارلامالار سەبەپسىز پايدا بولمايتىنى تۇسىنىكتى. ءبىلىم بەرۋ باعدارلامالارىن پراكتيكاعا ەنگىزۋ تەتىگى، اتاپ ايتقاندا، ۇلتتىق ءبىلىم اكادەمياسىنىڭ اپروباسيا، ەنگىزۋ، ىسكە اسىرۋ مونيتورينگى پروسەستەرىن عىلىمي-ادىستەمەلىك جانە ءادىسنامالىق قولداۋ ويلاستىرىلعان. مۇنداي ءادىس-تاسىل بىزگە ءبىلىم بەرۋ مازمۇنىنىڭ كوپتەگەن تۇرىنە كوشۋگە مۇمكىندىك بەرەدى. ارتۇرلىلىك تەك وقىتۋداعى يننوۆاسيالىق تاسىلدەردى ىنتالاندىرۋ، ۇزدىك تاجىريبەلەر مەن باعدارلامالاردى تابۋ ءۇشىن قاجەت. وسىعان بايلانىستى ءبىلىم سالاسىن دامىتىپ، يننوۆاسيالار ەنگىزۋگە قاتىسقىسى كەلەتىندەرگە «قوش كەلدىڭىزدەر» دەگىم كەلەدى»، - دەپ جازدى مينيستر.

---