tengrinews.kz
مەكسيكاداعى ەسىرتكى كارتەلى باسشىسىنىڭ ءولىمى ەلدى دۇرلىكتىردى
مەكسيكانىڭ مينوبوروگى ەلدەگى ەڭ ءىرى ەسىرتكى كارتەلدەرىنىڭ ءبىرى "حاليسكو – جاڭا بۋىن" ۇيىمىنىڭ باسشىسى نەمەسيو وسەگەرا سەرۆانتەس، لاقاپ اتى ەل مەنچو، اسكەري وپەراسيا كەزىندە ولگەنىن حابارلادى. بۇل جاڭالىق ەلدە دۇرلىگۋ تۋدىرىپ، بىردەن بىرنەشە شتاتتا جاپپاي تارتىپسىزدىكتەر مەن زورلىق-زومبىلىقتىڭ ورشۋىنە سەبەپ بولدى.
بۇل تۋرالى Infohub.kz اقپارات اگەنتتىگى حابارلايدى.
اسكەريلەردىڭ مالىمەتىنشە، كارتەل مۇشەلەرى قارۋلى قارسىلىق كورسەتكەن. اتىس كەزىندە بىرنەشە قىلمىسكەر ولتىرىلگەن. رۋبەن "ن" (وسەگەرا) اۋىر جاراقات الىپ، ۇشاقپەن تاسىمالداۋ كەزىندە كوز جۇمعان. ەكى ادام ۇستالدى، زىمىران ۇشىرعىشتاردى قوسا العاندا، اۋىر قارۋ-جاراق تاركىلەندى. ءۇش سارباز جارالاندى. بۇل وپەراسيانى اقش بيلىگىمەن بىرلەسىپ، مەكسيكا ارنايى قىزمەتتەرى قولدادى. حاليسكو شتاتىنا قوسىمشا كۇشتەر جىبەرىلدى.
زورلىق-زومبىلىقتىڭ ءورشۋى
قاۋىپسىزدىك كۇشتەرىنىڭ مالىمدەمەسىنەن كەيىن حاليسكو شتاتىندا زورلىق-زومبىلىق تولقىنى باستالدى. بۇل جاعداي ەلدىڭ باسقا ايماقتارىنا دا تارادى. دەمالىس ايماعى سانالاتىن پۋەرتو-ۆاليارتادا كارتەل مۇشەلەرى اسكەريلەردىڭ قوزعالىسىن قيىنداتۋ ءۇشىن كولىكتەردى ورتەپ، جولداردى بوگەدى. گۆادالاحارا حالىقارالىق اۋەجايىندا قارۋلى ادامداردىڭ باسا-كوكتەپ كىرۋىنەن جولاۋشىلار اراسىندا دۇرلىگۋ باستالدى.
پۋەرتو-ۆاليارتاداعى ساۋدا ورتالىعىنىڭ كەلۋشىلەرىن قۋىپ شىعىپ، عيماراتتى ورتەگەنى تۋرالى دا حابارلاندى. سونداي-اق، Clash Report سايتىنىڭ جازۋىنشا، حاليسكونىڭ سولتۇستىگىندەگى ۇلتتىق گۆارديانىڭ بازاسىنا شابۋىل جاسالىپ، پۋەرتو-ۆاليارتاداعى يكستاپا تۇرمەسىن باسىپ الۋ ارەكەتى بولعان.
اقش-تىڭ ەسكەرتۋى
اقش مەملەكەتتىك دەپارتامەنتى ساياحاتشى امەريكاندىقتارعا ەسكەرتۋ جاساپ، قاۋىپسىزدىك وپەراسيالارى، جولداردىڭ بۇعاتىلۋى جانە قىلمىستىق بەلسەندىلىككە بايلانىستى حاليسكو، تاماۋليپاس جانە ميچواكان شتاتتارىندا ۇيدەن شىقپاۋعا كەڭەس بەردى.
ەل مەنچو كىم ەدى؟
بۇرىن پوليسيا قىزمەتكەرى بولعان وسەگەرا، مەكسيكانىڭ ەڭ قۋاتتى جانە قاتىگەز قىلمىستىق ۇيىمدارىنىڭ ءبىرىن باسقاردى. اقش ونى ىزدەستىرىپ، اقپاراتى ءۇشىن ۇلكەن سىياقى ۇسىنعان بولاتىن. CJNG قىسقا مەرزىم ىشىندە حالىقارالىق قىلمىستىق ۇيىمعا اينالىپ، بۇرىنعى وداقتاستارى سينالوا كارتەلىمەن باسەكەلەس بولدى. 2022 جىلى اقش ادىلەت مينيسترلىگى ەل مەنچونى اقش-قا كونتراباندالاۋ ءۇشىن فەنتانيل ءوندىرۋ مەن تاراتۋدى ۇيىمداستىردى دەپ ايىپتادى.
-
ۆ كازاحستانە مەنياەتسيا فورمات پولۋچەنيا ريادا ۆاجنىح دوكۋمەنتوۆ. ۋزنايتە، كاك ەتو پوۆلياەت نا ۆاس ي كاك پودگوتوۆيتسيا ك نوۆىم پراۆيلام.
-
The death of Nemesio Oseguera Cervantes، known as 'El Mencho'، leader of the Jalisco New Generation Cartel، has sparked widespread violence and unrest across Mexico.
