InfoHub Logo

1. تەستكە كىرەتىن كەزدە وزىڭە سەنىمدى بول.
2. تەستكە باراردا، الدىن-الا ءوزىڭدى-وزىڭ ىشتەي تىنىشتاندىرۋعا داعدىلان.
3. ۇبت-كە كىرەتىن كەزدە قوبالجىما، ءوز ويىڭدى جيناقتاپ، ەڭ جاقسى مەڭگەرگەن پانىڭنەن باستا.
4. تەستىلەۋ بارىسىندا، ەشقاشان تاپسىرمانى ورىنداي المايمىن دەپ ويلاما، كەرىسىنشە وزىڭە جەڭىس كارتيناسىن سۋرەتتە.
5. ساعات 3،5 (ءۇش جارىم) ساعات ۋاقىت بەرىلەدى، سول ۋاقىتىڭدى ءتيىمدى پايدالان.
6. بىرەۋدەن كومەك بولار دەپ جالتاقتاما، وزىڭە سەن.
7. قايتا جاڭعىرتۋ ارقىلى وقىعانىڭدى ەسىڭە ءتۇسىر.
8. جەڭىلدەن اۋىرعا دەگەن پرينسيپ بويىنشا، الدىمەن تولىق بىلەتىنىڭدى بەلگىلە.
9. تەستكە باراردا وزىڭە ىڭعايلى كيىمىڭدى كيىن.
ىسكە ءسات قۇرمەتتى مەكتەپ ءبىتىرۋشى تۇلەكتەر!


الدىمەن ساباق وقۋعا ىڭعايلى ورىن دايىندا: ۇستەلدىڭ ۇستىنەن ارتىق زاتتاردى ال، كەرەكتى كىتاپتاردى داپتەرلەردى، قاعازدارىڭدى، قالام ساپتارىڭدى ىڭعايلاپ جينا.
• بولمەگە سارى، اقشىل كوك (فيولەتوۆىي) تۇستەردى ەنگىزۋگە بولادى. ول تۇستەر ادامنىڭ ينتەللەكتۋالدى بەدەلىن كوتەرەدى. بۇل تۇستەردى قولدانۋ ءۇشىن سول تۇستەردەگى قانداي دا ءبىر سۋرەت نەمەسە ەستامپى بولادى.
• ساباق جوسپارىن قۇر. الدىمەن انىقتاپ ال، ۇكىسىڭ با؟ نەمەسە بوزتورعايسىڭ با؟ وسىعان بايلانىستى تاڭعى نەمەسە كەشكى ۋاقىتتارىڭدى ماكسيمامدى تۇردە جۇمسا. دايىندىقتىڭ ءار كۇنىنە جوسپار قۇرىپ، وقىلاتىن تاقىرىپ ناقتى جانە انىق بولۋ كەرەك.
• ەڭ قيىننان، ءوزىڭ ناشار بىلەتىن تاقىرىبىڭنان باستا. ەگەر ساعان قيىن بولسا وزىڭە قىزىق جانە ۇنايتىن تاقىرىپتان باستا.
• وقۋ مەن دەمالىستى اۋىستىرىپ ءجۇر. قىرىق مينۋت ساباق وقۋ، ون مينۋت دەمالىس. وسى ۋاقىتتا ىدىس جۋۋعا، سۋ قۇيۋعا، دەنەڭدى شىنىقتىرۋعا، دۋش قابىلداۋعا بولادى.
• وقىعانىڭدى جاتتاپ الۋ مىندەت ەمەس. مۇمكىندىگىنشە قاعازعا جوسپار قۇرىپ، سحەما سىزىپ، ماتەريالدىڭ قۇرىلىمىن دايىنداعان ءجون.
• ءار ءپان بويىنشا ءارتۇرلى جاريالانعان تەستەردى كوبىرەك ورىندا. بۇل جاتتىعۋلار سەنى تەستتەردىڭ قۇرىلىمىمەن تانىستىرادى.
• سەكۋندومەرمەن ۋاقىتتى بەلگىلەپ تەستتەردى ورىنداپ جاتتىق (تاپسىرماداعى ا مەن ب بولىمدەرىنە ەكى مينۋت كەرەك).
• ەمتيحانعا دايىندالۋ كەزىندە ەشقاشان تاپسىرمانى ورىنداي المايمىن دەپ ايلاما، كەرىسىنشە ويشا وزىڭە سالتاناتتى جاعدايدى ەلەستەت.
• ەمتيحانعا دەيىن بارلىعىن قايتالاۋعا ەڭ قيىن سۇراقتارعا توقتالۋ ءۇشىن ءبىر كۇن قالدىرۋ كەرەك.


• تەستكە 1 كۇن قالعاندا جاقسىلاپ ۇيىقتاپ دەمال. تازا اۋادا دوستارىڭمەن، اتا-اناڭمەن سەرۋەندە.
• تەست كۇنى كۇندەگىدەن ەرتە تۇرۋ كەرەك.
- سالقىن سۋمەن جۋىنۋ كەرەك.
- گيمناستيكالىق جاتتىعۋلار جاساۋ كەرەك.
- دۇرىستاپ تاماقتانۋ كەرەك.
• تاماقتانۋ ۇلگىسى:
- اسا مايلى تاماق جەۋگە بولمايدى نەمەسە مۇلدەم تاماقتانباۋعا دا بولمايدى.
- جەڭىل كوكونىستەن جاسالعان تاعامدار جەگەن دۇرىس.
• قاتتى قوبالجىعاندىقتان سەندەردە تابەتتىڭ بولماۋى مۇمكىن ءبىراق اۋديتوريا اتموسفەراسىنا شىداۋ ءۇشىن تاماقتانباسا بولمايدى.
• ەمتيحان بۇل - ومىرلىك كۇرەستە ءوز مۇمكىندىگىڭدى، قابىلەتىڭدى كورسەتە ءبىلۋ.
• ەمتيحان تاپسىراتىن جەرگە كەشىكپەي جارتى ساعات ەرتە بارۋىڭ كەرەك.
• ەمتيحاندا 3،5 (ءۇش جارىم) ساعات وتىراتىنىڭدى ۇمىتپا، قاجەتتى قۇرالدارىڭدى الىپ كەل.
• ويىڭدى جيناقتا! بلانكتى تولتىرعاننان كەيىن، وزىڭە تۇسىنىكسىز جاعدايلاردى انىقتاعاننان سوڭ، ويىڭدى جيناقتاپ جانە اينالاڭداعىلاردى ۇمىتۋعا تىرىس.
• سەن ءۇشىن تەك قانا ءماتىن تاپسىرماسى، ساعات جانە تەستتى ورىنداۋ رەگلامەنتتىك ۋاقىتى بولۋى كەرەك. ۋاقىتتىڭ قاتالدىعى سەنىڭ ساپالى جاۋاپتارىڭا اسەر ەتپەۋ كەرەك. جاۋاپ جازار الدىندا سۇراقتى ەكى رەت قايتالاپ، جانە ءوزىڭ دۇرىس تۇسىنگەنىڭە، سەنەن نە كەرەكتىگىنە كوزىڭدى جەتكىز.
• ەڭ وڭايىنان باستا! كوپ ويلاناتىن سۇراقتارعا توقتالماي، وزىڭە وڭاي دەگەن سۇراقتاردان باستا. سودان كەيىن سەن تىنىشتالاسىڭ، باسىڭ انىق جانە جاقسى جۇمىس ىستەي باستايدى، جۇمىستىڭ ىرعاعىنا كىرەسىڭ. ەسىڭدە ساقتا: ماتىندە سەن مىندەتتى تۇردە ورىنداي الاتىن سۇراقتار تابىلادى. قيىن سۇراقتارعا كوپ ۋاقىت جەتپەي قالعاننان، كەرەكتى ۇپاي جيناي الماساڭ – ول ۇيات.
• تاپسىرمانى اياعىنا دەيىن وقى! اسىعىستىق جاساماي تاپسىرمانىڭ شارتتارىن تۇسىنۋگە تىرىس. وڭاي سۇراقتاردان قاتە جىبەرۋ وسى ادىسكە تىكەلەي بايلانىستى.
• الدىڭداعى تاپسىرمانى عانا ايلا! جاڭا تاپسىرمانى كورگەندە ءوتىپ كەتكەن قيىنشىلىقتاردى ۇمىت. تەستتەگى تاپسىرمالار بىر-بىرىمەن بايلانىستى ەمەس. سوندىقتان ءبىر سۇراققا قولدانعان ءبىلىمىڭ 2ء-شى سۇراققا كومەكتەسپەيدى. پسيحولوگيالىق ەففەكت مىنا كەڭەستى ساعان ۇسىنادى - وتكەن تاپسىرماداعى ساتسىزدىكتى ۇمىت. ءار جاڭا تاپسىرما، ۇپاي جيناۋعا بەرىلگەن مۇمكىندىك دەپ ويلا.


اففيرماسيا – (ءوزىن-وزى سەندىرۋ، ويدى بەكىتۋ سوزدەرى بولىپ تابىلادى).
• مەن تابىسقا جەتەتىنىمە تولىق سەنىمدىمىن، مەنىڭ ۇنەمى جولىم بولادى.
• ءار ءبىر كۇن، ءار ءبىر ساعات سايىن مەنىڭ ءومىرىم جاقسارىپ بارادى.
• جاقسىلىق، دۇرىس تاڭداۋ جانە اماندىق ۇنەمى مەنىڭ قاسىمدا.
• بولىپ جاتقان ءىستىڭ بارلىعى – مەنىڭ يگىلىگىم ءۇشىن جاسالۋدا.
• ءقازىردىڭ وزىندە مەن ءۇشىن وتە ءساتتى مۇمكىندىكتەر قالىپتاسىپ كەلەدى.
• مەن انداي بولسام، ءوزىمدى سول قالپىمدا جاقسى كورەمىن.
• مەنىڭ قابىلەتىم ءار كۇن سايىن جاقسارۋدا.
• مەنىڭ ومىرىمە ساتتىلىكتىڭ، اتاق-داڭقتىڭ كەلۋىن قۋانا قابىلدايمىن.
• ماعان ءوز ءىسىم ۇنايدى، قۋانا، راحاتتانا، شابىتپەن اينالىسۋدامىن.
• وزىمە دەگەن سەنىمدىلىك ۇنەمى مەنىڭ جادىمدا.


اق ارماننىڭ قاناتىن قاققاندا،
ساتتىلىك نۇرىن شاشسىن جولدارىڭدا.
جان-جاعىڭا ءاردايىم باقىت تۇنىپ،
باستارىڭا قونسىنشى باقىت كۇلىپ.
ۇلكەن ارمان قاي كەزدە دە جول تابار،
كەزىڭ كەلدى نامىس جۇگىن ارقالار.
قادامدارىڭ ءساتتى بولسىن ءار دايىم،
ءار قايسىسىڭ ويداعىداي بال الىپ،
تەك جەڭىسپەن جارقىراسىن ماڭدايىڭ.