tengrinews.kz
مەملەكەت باسشىسى ەرۆاند يلينسكييگە "قازاقستاننىڭ ەڭبەك ەرى" اتاعىن بەردى
قازاقستان پرەزيدەنتى قاسىم-جومارت توقايەۆ الپينيست ەرۆاند يلينسكييدى "قازاقستاننىڭ ەڭبەك ەرى" جوعارى اتاعىمەن ماراپاتتادى. بۇل تۋرالى اقورداعا سىلتەمە جاساپ Infohub.kz اقپارات اگەنتتىگى حابارلايدى.
ماراپاتتاۋ مەملەكەت باسشىسىنىڭ باسپا ءسوز قىزمەتىنىڭ حابارلاۋىنشا، الپينيزم سالاسىنداعى ايرىقشا جەتىستىكتەرى، ەل سپورتىن دامىتۋعا قوسقان زور ۇلەسى جانە قوعامدىق بەلسەندىلىگى ءۇشىن بەرىلدى.
ەرۆاند يلينسكيي كىم؟
ەرۆاند تيحونوۆيچ يلينسكيي 1940 جىلى 25 تامىزدا كراسنويارسك قالاسىندا دۇنيەگە كەلگەن. 1949 جىلى اتا-اناسىمەن بىرگە الماتىعا كوشىپ كەلگەن. ول – كەڭەستىك جانە قازاقستاندىق الپينيست ءارى جاتتىقتىرۋشى.
يلينسكيي قازاقستان الپينيزم قۇراماسىنىڭ باس جاتتىقتىرۋشىسى بولعان. بۇل كوماندا الەمدە ءبىرىنشى بولىپ پلانەتاداعى بارلىق 14 سەگىزمىڭدىق شىڭىن باعىندىرعان (1991-2010). ول سونداي-اق 1990 جىلى ەۆەرەست شىڭىن باعىندىرعان جانە قازاقستانداعى "جەتى شىڭ" كلۋبىنىڭ العاشقى مۇشەسى (2007).
جاتتىقتىرۋشىلىق جولى
1971 جىلى يلينسكييدىڭ الپينيستتىك سەكسياسىنا كازبەك ۆالييەۆ پەن ۆالەريي حريششاتىي كەلگەن. كسرو چەمپيوناتىندا كومانداسىنىڭ جەڭىسىنەن كەيىن ونى سسكا-عا جاتتىقتىرۋشىلىققا شاقىرعان. ول وسى ۋاقىتقا دەيىن 100-دەن استام كسرو سپورت شەبەرى، 36 حالىقارالىق دارەجەدەگى سپورت شەبەرى جانە 24 ەڭبەك سىڭىرگەن سپورت شەبەرىن دايىنداعان.
1993 جىلى ول جاس دەنيس ۋرۋبكودان الەمدىك ءالپينيزمنىڭ بولاشاق جۇلدىزىن كورىپ، ونى ءوز كلۋبىنا شاقىرعان. 2000 جىلى ماكسۋت جۇمايەۆ پەن ۆاسيليي پيۆسوۆ سياقتى جاس الپينيستەردى جاتتىقتىرا باستادى. وسى جاس بۋىنمەن 2010 جىلى "قازاقستان قۇراماسى پلانەتانىڭ بارلىق 14 سەگىزمىڭدىعىندا" اتتى اۋقىمدى باعدارلامانى جۇزەگە اسىردى.
-
الماتىداعى تۇڭعىش پرەزيدەنت ساياباعىندا ورناتىلعان «باقىت بايتەرەگى» ارت-وبەكتى جۇرتشىلىقتىڭ قىزۋ تالقىلاۋىنا اينالدى.
-
President Kassym-Jomart Tokayev awards renowned alpinist Yervand Ilyinsky the highest national honor for his contributions to sports and mountaineering.
