Tengrinews.kz / مارجان كۋاندىكوۆا
مەملەكەتتىك كومەككە ءوتىنىش بەرگەندەردىڭ بارلىعى يە بولادى دەگەن جالعان اقپارات: ەڭبەك مينيسترلىگىنىڭ جاۋابى
الەۋمەتتىك جەلىلەردە جانە كەيبىر باق-تا "بارلىق قازاقستاندىقتارعا ءوتىنىش بەرگەنى ءۇشىن الەۋمەتتىك كومەك اۆتوماتتى تۇردە تاعايىندالادى" دەگەن جالعان اقپارات تارادى. ق ر ەڭبەك جانە حالىقتى الەۋمەتتىك قورعاۋ مينيسترلىگى بۇل مالىمەتتى جوققا شىعاردى.
مينيسترلىكتىڭ باسپا ءسوز قىزمەتىنىڭ حابارلاۋىنشا، الەۋمەتتىك كومەك – بۇل مەملەكەتتىك قولداۋدىڭ ناقتى ءبىر شاراسى. ول تەك ومىرلىك قيىن جاعدايعا تاپ بولعان، سونداي-اق بەلگىلەنگەن مۇقتاجدىق كريتەرييلەرىنە سايكەس كەلەتىن ازاماتتارعا عانا بەرىلەدى.
«eGov پورتالى ارقىلى ءوتىنىش بەرۋ – بۇل الەۋمەتتىك كومەككە جۇگىنۋدىڭ ءبىر ءتاسىلى عانا جانە ونىڭ اۆتوماتتى تۇردە تاعايىندالۋىنا كەپىلدىك بەرمەيدى»، - دەپ اتاپ ءوتتى مينيسترلىك.
كومەك الۋشىلاردىڭ ساناتتارى، ونى بەرۋ شارتتارى جانە قاجەتتى قۇجاتتاردىڭ ءتىزىمى اكىمدىكتەرمەن ءار وڭىردە جەكە بەكىتىلىپ، رەسمي سايتتاردا جاريالانادى. بارلىق تۇسكەن وتىنىشتەردى اكىمدىكتەر بەلگىلەنگەن تارتىپپەن قارايدى.
مينيسترلىك جالعان اقپارات تاراتقانى ءۇشىن زاڭ بويىنشا جاۋاپكەرشىلىك قاراستىرىلعانىن ەسكە سالىپ، ازاماتتاردى تەك رەسمي دەرەككوزدەرگە سەنۋگە شاقىردى.
-
نازناچەن نوۆىي گەنەرالنىي ديرەكتور توو «بولاشاك وپەرەيتينگ»، 100% دوچەرنەي ورگانيزاسيي او «كازمۋنايگاز».
-
Kazakhstan's Ministry of Labor clarifies that social assistance is not automatically granted to all applicants، emphasizing specific eligibility criteria.
