مەن ەسىرتكى جايلى ايتىپ بەرەمىن
ەسىرتكى... ەستىگەندە قۇلاققا تۇرپىدەي قادالاتىن جاعىمسىز ءسوز ەكەن. اتاۋىنىڭ ماعىناسىنا ۇڭىلەر بولسام، ادامنىڭ ساناسىن ۋلاپ، ەسەرسوققا اينالدىراتىن دۇنيە سەكىلدى. دۇنيە دەگەنىم قانشالىقتى دۇرىس بولار ەكەن؟ ارينە، بۇل دۇنيە دەۋگە كەلمەيتىن ۋلى زات. جالپى تىرشىلىك اتاۋىنا نۇقسان كەلتىرىپ، تامىرىنا بالتا شاباتىن حيميالىق ءونىم. ەسىرتكى-ادامزاتتىڭ جاۋى. سوندىقتان مەنىڭ تۇسىنىگىمدە ەسىرتكى جاماندىقتىڭ بەلگىسى ىسپەتتى. مەن جاس بولسام دا ءتۇرلى اقپارات كوزدەرىنەن، تانىمدىق ساباقتاردان ەسىرتكىنىڭ زياندى زات ەكەنىن ۇعىنىپ ءجۇرمىن. ەسىرتكى- قوعامنىڭ دەرتى، ءومىردىڭ اششى وزەگى. ءومىر- ادامزاتتىڭ ءتاپ-تاتتى سىيى. وسى سىيدى قالاي قابىلداپ، قالاي باعالايتىنى ادامنىڭ وزىنە بايلانىستى. كەي جاندار ومىردەن اداسىپ، ەسىرتكىمەن ۋلانىپ ءومىرىن وكسىكپەن وتكىزۋدە. ولاردى كورىپ جان تۇرشىگەدى. سابيلىك كوڭىلىم ەرىكسىز اياۋشىلىققا شومىلادى. ول جانعا بارىپ: «ءومىرىڭدى وكسىتپە! تاستا مىنا بالەنى! اياققا سالىپ، تاپتا! دەنەڭدى تازارت!»-دەپ ايقايلاعىم كەلەدى. اتتەڭ، ءبىراق.... ول قولىمنان كەلمەيدى. مەنى تىڭدار دەيسىڭ بە؟ قانشاما جان تاعدىر تالكەگىنە ءتۇسىپ، وتباسىنان، بالالارىنان، دوستارىنان اجىراپ جاتىر. ارينە، ءىشىم قان جىلايدى. سوندىقتان بۇگىن قولىما قالام الىپ، بارشا دوستارىما ۇندەۋ جاريالاعىم كەلەدى. مۇمكىن ، دوستىق اقىلىم دەپ تۇسىنەر.
دوستار، ەسىرتكىدەن بويدى اۋلاق ۇستايىق! سالاۋاتتى ءومىر سالتىن ۇستانايىق! سپورتپەن شۇعىلدانايىق! قوعامنىڭ دەرتىن بىرگە جەڭەيىك! ءومىرىمىزدى ءماندى، كوڭىلدى وتكىزەيىك! ءومىردىڭ باستى بايلىعى- ادام ءومىرى. ولاي بولسا، ادام ءومىرىن ولتىرەتىن ەسىرتكىنى بۇل قوعامنان قۋىپ شىعايىق! ەسىرتكى- جۇيكە جۇيەسىن ۋلاندىراتىن حيميالىق ءونىم. ەسىرتكىنى تۇتىنعان جان اقىلىنان ەرىكسىز اداسادى. اللا بىزگە باسقا تىرشىلىكتەن ەرەكشە ەتىپ سانا سىيلادى. سانامىزدى ۋلاپ، ەڭ باعالى بايلىعىمىزدى قولىمىزدان ۇشىرمايىق! ەڭ باستىسى ادامي بولمىسىمىزدى جوعالتپايىق! مەن بۇگىن ساعان ەسىرتكى جايلى ايتىپ بەردىم. سەن دە ماعان قوسىل! ءبىز ەسىرتكىگە قارسىمىز! قايسار قازاقتىڭ تەكتى ۇرپاعى- ساناسىن ەسىرتكىگە ۋلامايتىن رۋحتى حالىق ! ۇلتىمىزدىڭ باتىرلىعى مەن تەكتىلىگىن كورسەتەيىك!
#ۋپندپكزو
ز.شۇكىروۆ اتىنداعى №20 ورتا مەكتەبىنىڭ
7-سىنىپ وقۋشىسى شومەن ماقسات
You Might Also Like
-
ناشاقورلىق - الەمدىك ماسەلە. ەسىرتكى - ادامدى ساناسىناڭ ايىرىپ،وزىنە تاۋەلدى ەتەدى. العاش قولدانۋشىلار ءبىر رەت قولدانسام ەشتەنە بولماس دەگەن ويمەن وعان قالاي تاۋەلدى بولىپ قالعانىن بىلمەي قالادى. ن...
-
ەلىمىزدىڭ جاڭا داۋىردە قول جەتكىزگەن بارلىق تابىسىنىڭ قاينار كوزى – تاۋەلسىزدىك. تاۋەلسىز ەل بولعاندىعىمىزدىڭ ارقاسىندا عانا تورتكۇل دۇنيەنىڭ ءبىر بۇرىشىندا قازاق دەيتىن حالىقتىڭ ۇلكەن ىستەر ت...
