InfoHub Logo

كىرىكتىرىلگەن ۇيىمداستىرىلعان وقۋ قىزمەتى.
وتپەلى تاقىرىبى: مەنىڭ قازاقستانىم
ءبىلىم بەرۋ سالاسى: «تانىم» «شىعارماشىلىق»
ۇيىمداستىرىلعان وقۋ قىزمەتى: جاراتىلىستانۋ. سۋرەت سالۋ.
تاقىرىبى: «مەنىڭ ەلىم – قازاقستان»» «كوك تۋ» (ساۋساقپەن سۋرەت سالۋ ءادىسى)
ماقساتى: بالالاردىڭ قازاقستان رەسپۋبليكاسى جايىندا بىلىمدەرىن كەڭەيتۋ.
بالالارعا سۇق ساۋساقتى ءبىر ءتۇستى بوياۋعا باتىرۋ، قاعازعا ءتۇسىرىپ بولعان سوڭ ىدىستاعى سۋعا جۋىپ، قاعاز سۇلگىمەن نەمەسە ىلعال شۇبەرەكپەن ءسۇرتۋ كەرەك ەكەنىن ءتۇسىندىرۋ. قازاقستان جالاۋىن اشەكەيلەۋگە، لايىقتى بوياۋ تاڭداي بىلۋگە ۇيرەتۋ.
بالالاردىڭ قيالىن، كوركەمدىك تالعامىن دامىتۋ. بوياۋ تۇستەرىن پايدالانۋعا داعدىلاندىرۋ. بالالارعا قازاقستاننىڭ مەملەكەتتىك جالاۋىمەن تانىستىرۋدى جالعاستىرا وتىرىپ، مەملەكەتتىك رامىزدەردى قۇرمەتتەۋگە، ءوز وتانىنا دەگەن سۇيىسپەنشىلىكتەرىن ارتتىرا وتىرىپ، تۋعان جەرى مەن ەلىن سۇيۋگە، ولاردى قورعاي بىلۋگە، پاتريوتتىق سەزىمگە تاربيەلەۋ.
ءادىس – تاسىلدەر: ءتۇسىندىرۋ، اڭگىمەلەۋ، ويىن، ماقال – ماتەل، سۋرەت سالۋ.

سوزدىك جۇمىس: وتان، تۋعان جەر، ەلوردا استانا.
بيلينگۆالدى كومپونەنت: وتان – رودينا -، تۋعان جەر – رودنايا زەمليا –
تەحنولوگيالىق قامتاماسىز ەتۋ: قازاقستان رەسپۋبليكاسىنىڭ رامىزدەرى، قازاقستان رەسپۋبليكاسىنىڭ كارتاسى (سلايد). ەلىمىزدىڭ، جەرىمىزدىڭ مولشىلىعىن بەينەلەيتىن بەينەتاسپا. جەر شارىنىڭ كىشكەنتاي ماكەتى (گلوبۋس)
بالالار زالعا «كوك تۋدىڭ جەلبىرەگەنى» انىمەن كىرەدى.
ءان ۇران ورىنداۋ، ەكراننان قازاقستان رەسپۋبليكاسىنىڭ رامىزدەرى مەن كورىكتى جەرلەرى كورسەتىلەدى.

سالەمدەسۋ:
كۇن كۇلىمدەپ نۇر توكتى، بىزگە جولداپ...
بالالار: سالەم!
جاقسى سوزدەر نۇر سەپتى، بىزگە جولداپ...
بالالار: سالەم!
ەسكە ساقتاپ كەڭەستى، دوستارعا سىيلا...
بالالار: سالەم!
كەل، قوسىلىپ ايتايىق ءبىر - بىرىمىزگە...
بالالار: سالەم! حەللوۋ!
بالالار «ەلىمىز، جەرىمىز امان بولسىن!» - دەپ ءبارى بىرگە تىلەك ايتادى.
تاربيەشى: بالالار، تىلەكتەرىڭ قابىل بولسىن. ال، بالالار سەندەر بىلەسىڭدەر مە،
- ءبىز قاي مەملەكەتتە تۇرامىز؟
بالالاردىڭ جاۋابى: قازاقستاندا.
- قازاقستان رەسپۋبليكاسىنىڭ پرەزيدەنتى كىم؟
بالالاردىڭ جاۋابى: نۇرسۇلتان نازاربايەۆ.
- قازاقستان رەسپۋبليكاسىنىڭ ەلورداسى قاي قالا؟
بالالاردىڭ جاۋابى: استانا قالاسى.
- قازاقستان رەسپۋبليكاسىنىڭ نەشە رامىزدەرى بار؟
بالالاردىڭ جاۋابى: ءانۇران، ەلتاڭبا، تۋ.
عاجايىپ ءسات: پوشتاشى كەلەدى:
- سالەمەتسىزدەر مە، بالالار! بۇل «ەركەماي» بالاباقشاسىنىڭ «جۇلدىز» توبى ما؟
بالالار: - سالەمەتسىز بە، اپاي.
تاربيەشى: سالەمەتسىز بە، بۇل « جۇلدىز» توبىنىڭ بالالارى.
پوشتاشى: جارايسىڭدار، بالالار. مەن پوشتاشىمىن، سەندەرگە حات اكەلدىم.
(پوشتاشى حاتتى بەرىپ، شىعىپ كەتەدى)
تاربيەشى: بۇل حاتتى بىزگە كورشى مەملەكەت رەسەيدەن جىبەرىپتى، كانە ءقازىر مەن سەندەرگە وقىپ بەرەيىن. بالالار بۇل حاتتى رەسەيدىڭ بالالارى ورىس تىلىندە جازىپتى، ال سەندەرگە مەن اۋدارىپ بەرەمىن.
- زدراۆستۆۋيتە دوروگيە دەتي يز كازاحستانا! پيشۋت ۆام دەتي يز روسسيي. مى وچەن حوتيم پودرۋجيتسيا س ۆامي. ناپيشيتە نام و سەبە، راسسكاجيتە و سۆوەي رودينە. مى پوسىلاەم ۆام سۆوي ريسۋنكي: ەتو مى ۆ ناسيونالنوي ودەجدە. جدەم ۆاشەگو پيسما.
- بالالار، مىنا حاتا ءبىزدىڭ كورشى مەملەكەتتىك بالالارى بىزبەن تانىسىپ، دوس بولعىلارى كەلەتىنى جايىندا جازىپتى، جانە ءبىزدىڭ قازاقستان رەسپۋبليكاسى جايىندا نە بىلەتىنىمىز تۋرالى ايتىپ بەرگەندەرىمىزدى سۇرايدى.
- بالالار، سەندەرقازاقستان رەسپۋبليكاسى جايىندا نە بىلەسىڭدەر؟
امينا.
- ناشا رودينا كازاحستان. ناش پرەزيدەنت نۋرسۋلتان نازاربايەۆ. كازاحستان مويا رودنايا زەمليا.
- وتان تۋرالى نە بىلەسىڭدەر؟
نازەركە:
- وتان دەگەن ەلىمىز، جەرىمىز، وتباسىمىز، وتان دەگەن – قازاقستان رەسپۋبليكاسى، وتان دەگەنىمىز - استانامىز، قالامىز، بالاباقشامىز، تابيعاتىمىز، كولىمىز، تاۋلارىمىز.
(بالالار وتانعا دەگەن سۇيىسپەنشىلىكتەرىن تاقپاقتار ارقىلى بىلدىرەدى)

1 - بالا الي
وتان سەنىڭ اتا - اناڭ،
وتان دوسىڭ - باۋىرىڭ.
وتان ولكەڭ - استاناڭ،
وتان اۋدان - اۋىلىڭ.
وتان - تاريح، وتان - ءتىل،
جاساعان ەلىن، ءوز حالقىن.

2 - بالا مۋسا
وتان - ولەڭ، وتان - جەر.
كوتەرگەن كوككە ەل داڭقىن.
وتان وسى، دوستارىم،
كوڭىلگە مۇنى تۇيە ءبىل.
وتان دەپ ءوسىپ جاس جانىڭ،
ونى ارداقتاپ سۇيە ءبىل.
وتاندى ءبىز اتامەكەن،
دەپ ايالاپ ايتامىز.
ويتكەنى ونى مەكەن ەتكەن،
بابامىز بەن اتامىز.

3 - بالا ايناز
وتاندى جاس، كارىمىزدە،
تۋعان جەر دەپ سۇيەمىز.
ويتكەنى وندا ءبارىمىز دە،
تۋىپ، ءومىر سۇرەمىز.
وتان دەگەن - اتامەكەن،
وتان دەگەن - تۋعان جەر.
وتان - انا، وتان - ۇلكەن،
قازاقستان - تۋعان ەل.

اتىراۋ قالاسى،
№25 «ەركەماي» بالاباقشاسىنىڭ
ءىى ساناتتى تاربيەشىسى: ۋنداگانوۆا ايسلۋ حاميتوۆنا

مەنىڭ ەلىم – قازاقستان»» «كوك تۋ» (ساۋساقپەن سۋرەت سالۋ ءادىسى). جۇكتەۋ