InfoHub Logo

ءاربىر ءجاسوسپىرىم ەرتەڭى ءۇشىن تاڭداۋ جاسايتىن شاقتا ءوز بولاشاعىن بەلگىلى ءبىر ماماندىقپەن بايلانىستىرادى. جارقىن كەلەشەگىن سول تاڭداۋىنا سەنىپ تاپسىرادى، زور ءۇمىت كۇتەدى. ءبىراق مۇنداعى باستى شارت — تاڭداۋدى دۇرىس جاساي ءبىلۋ. سەبەبى جاسالعان ءاربىر دۇرىس تاڭداۋ سەنىڭ ومىردەن ءوز ورنىڭدى تابۋىڭا تىكەلەي سەپتىگىن تيگىزەدى. 

مەنىڭ دۇرىس دەپ تاپقان، شىن جۇرەگىم قالاعان ماماندىعىم ول — جۋرناليستيكا. جۋرناليستيكا — قىزىعى مەن قيىندىعى قاتار جۇرەتىن، حالىق پەن بيلىك اراسىن تەڭەستىرۋشى جان-جاقتى قامتىلعان اۋقىمدى سالا، الەم اتاۋلىسىنىڭ ءتورتىنشى بيلىگى. ياعني حالىق پەن پۋبليكا اراسىن بىرىكتىرۋشى التىن كوپىر. ءدال وسى اقپارات ايدىنىنىڭ كاسىبي ءجۋرناليسى بولۋ مەندەگى ەڭ بيىك ارمان. جالپى مەنىڭ تۇسىنىگىمدەگى جۋرناليست قانداي؟ 

جۋرناليست — بۇقارالىق اقپارات قۇرالدارىنىڭ باسى-قاسىندا جۇرەتىن تىكەلەي وكىلى. جۇرت ساناسىنا جاڭا لەپ بەرىپ، پارمەندى وي تۇيگىزىپ، تۇيتكىلدى ماسەلەنىڭ ءتۇيىنىن شەشۋ ولاردىڭ بىردەن-بىر مىندەتى. وزەكتى ماسەلەنىڭ شەشىمىن تاۋىپ، ۇتىمدى ۇسىنىستار ۇسىنۋ تەك جۋرناليسكە ءتان قىراعىلىق. مەندە وسىنداي كەرەمەت سالانىڭ كاسىپقويى، وتكىر قىراعىسى بولعىم كەلەدى. 

نەگىزىنە ۇڭىلەر بولساق، جۋرناليست بولۋ مەنىڭ بالا كۇنىمنەن باستاۋ العان، بىرەگەيلىگىمەن باۋراعان اسقاق ارمانىم. سول اسقاق ارمانىم بۇگىندە وزىمە قانات بىتىرۋدە. 

ماماندىق تاڭداۋدان دۇرىس شەشىم قابىلداعانىمدى ىشتەي سەزەمىن. ال تولىققاندى تۇردە سەنىمدى بولۋ ءۇشىن، الدىعا قويعان ماقساتتارىما جەتۋىم قاجەت. مەندەگى ومىرلىك ماقسات - ناعىز شىندىقتىڭ جارشىسى بولۋ، حالىققا قاجەتتى ءارى رەسمي حابار تاراتۋ. جۋرناليستيكا سالاسىنىڭ ەرەكشەلىگى دە وسى - شىنايىلىقتا. شىندىق جولى قاشان دا وڭايعا سوقپاعان. ءتىپتى اقپارات مايدانىندا شىندىقپەن قورعانۋدىڭ ءوزى قىراعى جۋرناليسكە ءتان كوزسىز ەرلىك.

جۋرناليستيكا — بۇكپەسىز شىندىق پەن بوياماسىز بولمىستىڭ بەينەسى. دەمەك شىنايى اقپارات تاراتۋ بىزدەگى ەڭ باستاپقى مىندەت. رەسمي اقپارات پەن ۇدايى دامۋدىڭ ورتاسىندا جۇرەتىن بۇل ماماندىقتى تەك وزىنە سەنىمدى، ادىلدىكتى تۋ ەتكەن مەن سياقتى بىرەگەي مىقتىلار عانا تاڭدايدى.

قورىتىندىلاي كەلە، مەنىڭ ماماندىعىم — مەنىڭ سانالى تاڭداۋىم. ەڭ باستىسى تاڭداۋدان قاتەلەسپەسەڭ بولعانى. سەبەبى جاسالعان دۇرىس تاڭداۋ سەنىڭ جارقىن بولاشاعىڭنىڭ سەنىمدى كەپىلى!

---