2025 جىلعا دەيىن استانا مەن الماتىدا فرانسۋز تىلىندەگى مەكتەپتەر اشىلماق
وقۋ-اعارتۋ مينيسترلىگى قازاقستاندا فرانسۋز مەكتەپتەرىن اشۋ جوسپارىن جاريالادى.
«فرانسيا پرەزيدەنتى ەممانيۋەل ماكروننىڭ 2023 جىلعى 1 قاراشاداعى قازاقستان رەسپۋبليكاسىنا رەسمي ساپارى اياسىندا ەكى ەل ۇكىمەتتەرى اراسىنداعى حالىقارالىق (فرانسۋز) مەكتەپتەردى اشۋ مەن قازاقستان رەسپۋبليكاسىنىڭ ءبىلىم بەرۋ ۇيىمدارىندا فرانسۋز ءتىلىن وقىتۋعا قاتىستى كەلىسىمگە قول قويىلدى. ءقازىر قازاقستان رەسپۋبليكاسى وقۋ-اعارتۋ مينيسترلىگى حالىقارالىق مەكتەپتەردى اشۋ تۋرالى كەلىسىمدى جۇزەگە اسىرۋ تۇرعىسىندا جۇمىس توبىن قۇرۋدى ىسكە اسىرىپ جاتىر. كەلىسىمگە سايكەس 2025 جىلعا دەيىن استانا مەن الماتى قالالارىندا فرانسۋز تىلىندە وقىتاتىن مەكتەپتەر اشۋ جوسپارلانعان»، - دەلىنگەن مينيسترلكتىڭ جاۋابىندا.
مەكتەپتەردەگى ساباقتار فرانسۋز تىلىندە، سونداي-اق قازاق، ورىس جانە اعىلشىن تىلدەرىندە وتەدى. حالىقارالىق مەكتەپتىڭ ءبىلىم بەرۋ باعدارلاماسىنا ەنگىزۋ ءۇشىن مىندەتتى پاندەر رەتىندە قازاق ءتىلى مەن ادەبيەتى، قازاقستان تاريحى جانە گەوگرافيا بولادى. ءقازىر مەكتەپتەردىڭ جۇمىس ىستەۋىنە قاتىستى باسقا دا ۇيىمداستىرۋ ماسەلەلەرى پىسىقتالىپ جاتىر.
ەسكە سالساق، بيىل 1 قاراشادا استانادا فرانسيا پرەزيدەنتى ەممانيۋەل ماكرونمەن كەزدەسۋ كەزىندە قازاقستان پرەزيدەنتى قاسىم-جومارت توقايەۆ ءبىلىم جانە عىلىم سالاسىنداعى جوبالاردى قولعا الۋعا ەرەكشە كوڭىل بولىنگەنىن اتاپ ءوتتى.
«ەلىمىزدە فرانسۋز مەكتەپتەرىن اشۋعا، فرانسۋز ءتىلىن ۇيرەتۋگە، اكادەميالىق بايلانىستى ارتتىرۋعا باعىتتالعان ءبىرقاتار كەلىسىمگە قول قويىلدى. ءبىز مۇنى جوعارى باعالايمىز»، - دەدى قاسىم-جومارت توقايەۆ.
You Might Also Like
-
ءاربىر ءجاسوسپىرىم ەرتەڭى ءۇشىن تاڭداۋ جاسايتىن شاقتا ءوز بولاشاعىن بەلگىلى ءبىر ماماندىقپەن بايلانىستىرادى. جارقىن كەلەشەگىن سول تاڭداۋىنا سەنىپ تاپسىرادى، زور ءۇمىت كۇتەدى. ءبىراق مۇنداعى باستى شارت &md...
-
قارجى مينيسترلىگىنىڭ بيۋدجەتتىك كرەديتتەۋ، ۇلتتىق قور جانە قارجى سەكتورى ماسەلەلەرى جونىندەگى ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازين ۇلتتىق قوردان بالاسىنا اقشا كۇتىپ جۇرگەن اتا-ا...
