InfoHub Logo

ماقساتى: وتان تۋرالى بىلىمدەرىن نازارعا الا وتىرىپ، وتانىمىز – قازاقستان رەسپۋبليكاسى تۋرالى نە بىلەتىندىگىن سارالاۋ، العان مالىمەتتەر بويىنشا بىلىمدەرىن بەكىتۋ.
مىندەتتەرى:
1) بىلىمدىلىك: بالالاردىڭ وتان، قازاقستان، تۋعان جەر تۋرالى تۇسىنىكتەرىن كەڭەيتۋ.
2) دامىتۋشىلىق: وتاندى سۇيۋگە، ەلىمىزدىڭ رامىزدەرىن قاستەرلەۋگە، تۋعان ەلىنە دەگەن سۇيىسپەنشىلىگىن اتتىرۋ.
3) تاربيەلىك: وقۋشىلاردى ەلىن، جەرىن سۇيۋگە، بايلىعىن قورعاۋعا، ءوز ەلىنىڭ پاتريوتى بولۋعا تاربيەلەۋ.
ءتۇرى: سايىس
ءادىسى: توپتىق جۇمىس، سۇراق - جاۋاپ، پىكىرتالاس
كورنەكىلىكتەرى: جالاۋشا، سۋرەتتەر، پلاكات

ساباقتىڭ بارىسى:
ءى. ۇيىمداستىرۋ كەزەڭى.
حور: ءانۇران.
- كانە بالالار وتان دەگەن نە؟
- ادامنىڭ تۋىپ وسكەن جەرى، تۋعان - تۋىسقاندارى، ءبىز تۇراتىن اتامەكەن.
- بالالار ءبىزدىڭ وتانىمىز قالاي اتالادى؟
- ءبىزدىڭ - وتانىمىز قازاقستان.
- ەندەشە، بۇگىنگى تاربيە ساعاتىمىز «مەنىڭ وتانىم - قازاقستان» دەپ اتالادى.

ءىى. نەگىزگى ءبولىم.
وقۋشىلاردى 3 - توپقا ءبولۋ. ءار قاتارعا قيىلعان قاعازدى تاراتۋ. شىققان سۋرەتتەن ءار توپتىڭ اتى شىعادى. (موزايكا)
1 - توپ: تۋعان جەر
2 - توپ: وتان
3 - توپ: اتامەكەن
(ولەڭ، ماقال - ماتەل ايتقان توپقا تەكشەدەن بەرىپ وتىرامىن. كوپ تەكشە جيناعان توپ جەڭىسكە جەتەدى.)
تاقتادا ىلىنگەن پلاكاتقا نازار اۋدارۋ. دۇرىس جاۋاپ بەرگەن توپ ءوزىنىڭ قورجىنىنا ۇپاي جينايدى.
20 – ق ر تاۋەلسىزدىگىن قاي جىلى الدى؟
20 – ەلىمىزدىڭ باس قالاسى
20 – ق ر پرەزيدەنتى
50 – ق ر تۋىنىڭ اۆتورى
50 – ق ر ەلتاڭباسىنىڭ اۆتورلارى
50 – ءانۇرانىمىزدىڭ اۆتورلارى
100 – ەلىمىزدىڭ كورىكتى جەرلەرى
100 – وتان تۋرالى ولەڭ ايت
100 – وتان تۋرالى ءان شىرقا

بالالار قازاقستان تۋرالى ولەڭدەر وقىپ، ەلىمىزدى، جەرىمىزدى ماداقتاۋ بۇگىن ءبىزدىڭ ەنشىمىزدە. ەندەشە ونەرىمىزدى ورتاعا سالايىق.
1 - وقۋشى: ارىستانداي ايباتتىم.
جولبارىستاي قايراتتىم،
اسپانداعان بايراقتىڭ
قانشا جۇلدىز جايناتتىڭ.
قانشا بۇلبۇل سايراتتىڭ،
قازاقستان ارداقتىم.

2 - وقۋشى: كۇندى قۇشقان قوس قىران،
اياسىندا قالقىعان.
اسپان ءتۇستى تۋىم بار،
كوك تەڭىزدەي شالقىعان.
3 - وقۋشى: كوك تۋىم كوتەرىلدى باعىم جانىپ،
ەلتاڭبام الەمگە تانىلدى انىق.
شىرقادىم ءان ۇراندى بار داۋىسپەن،
ارمانىم اتا زاڭىم قابىلدانىپ.
4 - وقۋشى: وزىڭدىكى تۋىڭدا،
وت پەن اۋا، سۋىڭ دا.
جاسا قازاقستانىم،
بەلدى بەكەم بۋىندا.
5 - وقۋشى: جاسا جاڭا استانام
وركەن جايا باستاعان
بولاشاقتىڭ ەسىگىن
ءوز قولىڭمەن اش ماعان.
6 - وقۋشى: بۇلت باسپاسىن كۇنىمدى
تارتىلماسىن ءورىسىڭ
بيىك ۇستاۋ تۋىمدى
قاسيەتتى بورىشىم.
7 - وقۋشى: ساۋلە شاشقان التىن ءتۇستى كۇنى بار،
ەكپىندەگەن قىران قۇستى ءۇنى بار.
ويۋ باسقان ءموپ - ءمولدىر كوك اسپانداي،
قازاعىمنىڭ جەلبىرەگەن تۋى بار
8 - وقۋشى: وتان دەگەن اتامەكەن
وتان دەگەن تۋعان جەر.
وتان انا، وتان ۇلكەن
قازاقستان تۋعان ەل.

- وتان، تۋعان جەر تۋرالى قانداي ماقال - ماتەلدەر بىلەمىز؟
1 - وقۋشى: وتان وت باسىنان باستالادى.
2 - وقۋشى: تۋعان جەردەي جەر بولماس،
تۋعان ەلدەي ەل بولماس.
3 - وقۋشى: وتانسىز – ادام، ورمانسىز – بۇلبۇل.
4 - وقۋشى: وتان وتتان دا ىستىق.
5 - وقۋشى: وتان ءۇشىن وتقا ءتۇس كۇيمەيسىڭ،
ارىڭ ءۇشىن الىسساڭ ولمەيسىڭ.
ءار توپتىڭ ۇپايىن ساناپ، قورىتىندىسىن شىعارۋ.

تىلەك.
(وقۋشىلارعا كوگەرشىندەر تاراتىلادى. ءوز تىلەكتەرىن جازۋ كەرەك. بولعاننان كەيىن پلاكاتقا كەلىپ، كوگەرشىندەردى ىلەدى.)
- بالالار! ءبىزدىڭ وتانىمىز – قازاقستان رەسپۋبليكاسى ەكەن. وتانسىز ادام بولمايدى. وتانىمىز كوركەيىپ، گۇلدەنۋ ءۇشىن ءبىز كوپ ەڭبەكتەنۋىمىز كەرەك. ەڭبەكتەنۋ دەگەنىمىز ءبىلىمدى، ءتارتىپتى بولۋىمىز.
حور: «كوك تۋدىڭ جەلبىرەگەنى» (قولدارىنا جالاۋشالار الىپ سەرمەيدى)
قورىتىندى.
بايتاق دالا جەرىم مەنىڭ
ارتا بەرسىن داڭقىڭ سەنىڭ
كوك بايراعىڭ جەلبىرەسىن
ەگەمەندى ەلىم مەنىڭ
– دەي وتىرىپ، قۇرمەتتى قوناقتار، بالالار وسىمەن «تۋعان ەلىم، تۋعان جەرىم» اتتى كلاستان تىس شارامىز اياقتالدى.