مەنىڭ شاپانىم ءۇشىن كەلگەن شۋ ەكەن
ءبىر كۇنى تۇندە قوجانىڭ قۇلاعىنا داۋرىققان ايقاي-شۋ ەستىلەدى. قوجا ايەلىن وياتىپ: «وي، قاتىن، تۇر! شىراقتى جاق، كوشەدە نە شۋ بولىپ جاتقانىن ءبىلىپ كەلەيىن»، — دەيدى. شىرت ۇيقىدا جاتقان ايەلى تۇرۋعا ەرىنىپ: «تىنىش جاتا بەرىڭىزشى، كوشەدەگى شۋدا نە جۇمىسىڭىز بار؟» — دەپ جاتا بەرەدى. قوجاناسىر ورنىنان تۇرىپ، شاپانىن جاداعاي يىعىنا جامىلا سالىپ، كوشەگە شىعادى. كوشەگە شىققان زامات ءوزى قاشىپ كەلە جاتقان ۇرىلاردىڭ بىرەۋى قوجانىڭ يىعىنداعى شاپانىن الا قاشادى. قوجەكەڭ دەرەۋ ۇيىنە قايتىپ كىرىپ، ەسىگىن جابا قويادى.
وياۋ جاتقان ايەلى كورپەدەن باسىن شىعارىپ:
— نە ءۇشىن شىققان شۋ ەكەن؟ — دەيدى.
— مەنىڭ شاپانىم ءۇشىن كەلگەن شۋ ەكەن. شىققان زاماتتا شاپاندى الىپ تىنا قالعانىن بايقامايسىڭ با؟ — دەيدى.
You Might Also Like
-
قوجادان ءبىر كىسى ەسەگىن سۇراپ كەلەدى. قوجەكەڭ «ەسەگىم ۇيدە ەمەس» دەپ جاۋاپ بەرەدى. سول ۋاقىتتا ەسەك قورادان اقىرىپ جىبەرەدى. ەسەك سۇراپ كەلگەن كىسى قوجانىڭ الداعانىنا رەنجىپ:
-
ەرتەدە قىرىم جۇرتىندا ءبىر حان بولعان. بۇل حاننان ءبىر بالا تۋىپ، تۋعان بالانىڭ ەتى الا بولىپ تۋعان. سونان سوڭ حان: «بالا الا بولىپ تۋدى، — دەپ، — بۇل بالا ەرجەتكەن سوڭ ەلىمدى الا ق...
