مەنىڭ ۋنيۆەرسيتەتىم ەڭ ۇزدىك ۋنيۆەرسيتەت
مەن ۇبت-دان 117 بالل الا وتىرىپ،ءال فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا-ماتەماتيكا كافەدراسىنىڭ ماتەماتيكالىق كومپيۋتەرلىك مودەلدەۋ ماماندىعىنىڭ ستۋدەنتى رەتىندە مەنىڭ ۋنيۆەرسيتەتىمدى ايتا وتكىم كەلەدى.
ءال-فارابي اتىنداعى قازاق ۇلتتىق ۋنيۆەرسيتەتى — قازاقستان رەسپۋبليكاسىنىڭ جوعارى ءبىلىم بەرۋ جۇيەسىنىڭ جەتەكشى مەكەمەسى-وزىنىڭ 88 جىلدىق مەرەيتويىن اتاپ وتۋدە. باي داستۇرلەر، وقۋ جانە عىلىمي جۇمىستاعى كوپ جىلدىق تاجىريبە، جوعارى كاسىبي پەداگوگيكالىق قۇرام — وسىنىڭ ءبارى ۋنيۆەرسيتەتكە ونداعان جىلدار بويى ءتۇرلى سالالاردا ۇزدىك ماماندار دايارلاۋعا مۇمكىندىك بەرەدى.
جوعارى وقۋ ورنىندا ەكى مىڭنان استام پروفەسسور، عىلىم دوكتورلارى، كانديداتتارى مەن فيلوسوفيا دوكتورلارى، 100-دەن استام ءىرى اكادەميالاردىڭ اكادەميكتەرى، 30-عا جۋىق قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى جۇمىس ىستەيدى. مۇندا جوعارى كاسىپتىك ءبىلىم بەرۋدىڭ كوپدەڭگەيلى جۇيەسى بويىنشا 25 مىڭنان استام ستۋدەنتتەر مەن ماگيسترانتتار ءبىلىم الۋدا. ۋنيۆەرسيتەت الەمنىڭ جۇزدەگەن ءىرى حالىقارالىق جوعارى وقۋ ورىندارىمەن بىرلەسكەن حالىقارالىق وقۋ باعدارلامالارىن ىسكە اسىرۋ، ستۋدەنتتەر الماسۋ جانە تاعىلىمدامالار وتكىزۋ بويىنشا ىنتىماقتاستىق جاسايدى.
سونىمەن قاتار، ءال-فارابي اتىنداعى قازۇۋ — قازاقستان جوعارى وقۋ ورىندارىنىڭ باس رەيتينگىنىڭ كوشباسشىسى، ەل تاريحىندا تۇڭعىش رەت "ساپا سالاسىنداعى جەتىستىكتەرى ءۇشىن" قازاقستان رەسپۋبليكاسى پرەزيدەنتى سىيلىعىنىڭ لاۋرەاتى، ءونىم جانە قىزمەت كورسەتۋ ساپاسى سالاسىنداعى جەتىستىكتەرى ءۇشىن تاۋەلسىز مەملەكەتتەر دوستاستىعى سىيلىعىنىڭ ديپلومانتى. ۋنيۆەرسيتەت حالىقارالىق ۋنيۆەرسيتەتتەر قاۋىمداستىعىنىڭ مۇشەسى جانە ەۋرازيالىق ۋنيۆەرسيتەتتەر قاۋىمداستىعىنىڭ تەڭ قۇرىلتايشىسى بولا وتىرىپ، قازاقستان مەن ورتالىق ازيا ەلدەرىنىڭ جوعارى وقۋ ورىندارى اراسىندا ءبىرىنشى بولىپ بولونيا قالاسىندا ۋنيۆەرسيتەتتەردىڭ ۇلى حارتياسىنا قول قويدى، ساپا مەنەدجمەنتى جۇيەسىنىڭ (سمج) يسو 9000:2000 حالىقارالىق ستاندارتتارىنىڭ تالاپتارىنا سايكەستىگىنە حالىقارالىق سەرتيفيكاتتاۋدان ءساتتى ءوتتى جانە ءىرى الەمدىك سەرتيفيكاتتاۋ ورتالىقتارىنىڭ كۋالىكتەرىن الدى.
ايتا كەتەيىك، ءال-فارابي اتىنداعى قازاق ۇلتتىق ۋنيۆەرسيتەتى — رەسپۋبليكاداعى ءبىرىنشى جوعارى وقۋ ورنى، ول مەملەكەتتىك اتتەستاتتاۋدان ءوتىپ، بارلىق ماماندىقتار مەن دەڭگەيلەر بويىنشا ءبىلىم بەرۋ قىزمەتىن جۇزەگە اسىرۋ قۇقىعىن راستادى.
اۆتور: ت.س.نۇرتاس ۇلى، قازۇۋ -مەحانيكا-ماتەماتيكا كافەدراسىنىڭ 1-كۋرس بوكالاۆريانتى. جەتەكشى: اعا وقىتۋشى ۋرازگالييەۆا سۆەتلانا امانجولوۆنا.
.
You Might Also Like
-
تۇلەكتەردىڭ مەكتەپ بىتىرگەننەن كەيىنگى ومىرىندەگى ماڭىزدى شەشىمدەردىڭ ءبىرى – جوعارعى وقۋ ورنىن تاڭداۋ. ءار ادام ءوز ماماندىعىن سانالى تۇردە تاڭداپ، بولاشاقتا كىم بولعىسى كەلەتىنىن ءوزى شەشۋى كەر...
-
مەن ءقازىر مەحانيكا-ماتەماتيكا فاكۋلتەتىنىڭ ماتەماتيكالىق جانە كومپيۋتەرلىك مودەلدەۋ ماماندىعىنىڭ 1 كۋرس ستۋدەنتىمىن. مەن 11-سىنىپ وقىعاندا، قازاقستاندانداعى جوعارعى وقۋ ورىندارىندا شولۋ جاساۋ بار...
