مەنىڭ ۋنيۆەرسيتەتىم
سالەم، ءال-فارابي اتىنداعى قازاق ۇلتتىق ۋنيۆەرسيتەنىڭ بولاشاق ستۋدەنتى.وسى ماقالانى وقىپ وتىرساڭ ءوزىمنىڭ شاعىن عانا ۋنيۆەرسيتەتكە ءتۇسۋ تاريحىمدى جانە ۋنيۆەرسيتەتىم جايلى جاعىن بايانداپ بەرەيىن. مەن ايدار ۇلى داۋرەن جامبىل وبلىسى بويىنشا سارىسۋ اۋدانىندا شاعىن ورتا مەكتەپتە ءبىلىم العان قاراپايىم بالا ەدىم. وسى ۋنيۆەرسيتەتكە ءتۇسۋ مەنىڭ 9 سىنىپتان بەرگى ارمانداپ جۇرگەن ارماندارىمنىڭ ءبىرى ەدى. ال ۋاقىت وتە كەلە 11 سىنىپقا كەلىپ ۋنيۆەر جانە ماماندىق تاڭداۋ كەزىندە كەزىندەگى ارمانىمدى ماقسات قىلىپ، سول ماقساتقا جەتپەي قويمايمىن دەپ وزىمە سەنىممەن كارادىم. ۇبت-عا كوپتەگەن كۋرستارعا قاتىسىپ ءبىراز تەر توگىپ دايىندالدىم. ناتيجەسىندە جوعارى باللعا قول جەتكىزىپ ۋنيۆەرسيتەتكە تۇسۋگە قول جەتىمدى شەكتى باللدان اسىپ ارمانىما قول جەتتىم. بۇل جەتىستىك ەڭ اۋەلى اللانىڭ ەكىنشى اتا-انام ءۇشىنشىسى جاقىندارىمنىڭ قولداۋى مەن ءوزىمنىڭ ىنتا جىگەرىمنىڭ ارقاسىندا دەپ ويلايمىن. وسىلايشا ۋنيۆەرسيتەتتە وقىپ ءجۇرمىن. بولاشاق ستۋدەنت! قازاق ۇلتتىق ۋنيۆەرسيتەتىنە تۇسكەنىنە مۇلدە وكىنبەيسىڭ سەبەبى مۇندا ستۋدەنتتىك ءومىر مەن ءبىلىم بەرۋ ساپاسى وتە جوعارى دەڭگەيدە. ءوزىننىڭ جاقسى جاعىندى اشىپ، جاڭا ورتادا جاڭا دوس تاباسىڭ. ۇستازدارى دا ستۋدەنتتەرى دە جىلى شىرايمەن قابىلدايدى. الاتاۋدىڭ باۋرايىنداعى شىرايلى شاھار الماتىنىڭ تورىندە ورنالاسقان ءال-فارابي اتىنداعى قازۇۋ كەلەشەككە انىق قادام باستىرار سانالى عۇمىردىڭ ءبىر ايعاعى سەكىلدى. قارا شاڭىراقتىڭ قول استىنا جيىلعان ستۋدەنتتەر، ماگيسترانتار مەن دوكتورانتتار تالابىن قاناعاتتاندىرۋعا بارىنشا جاعدايلار جاسالعان. ارينە مۇنى عاجايىپ الەم دەسە دە بولار، ەڭ باستىسى تالاي بالا كىراننىڭ قاناتىن ۇشتاپ، قياعا سامعاتقان ستۋدەنتتەر سارايى، تاريحى تەرەڭدە جاتقان قازۇۋ ءبىر ساتكە كوز الدىنا ەلەستەتەتىن جەكە مۇراجاي، زامان تالابىنا ساي جابدىقتالعان ءۇش ءجۇز ادامدىق ينتەرنەت ورتالىعى، تاعىسىن تاعىلار، ايتا بەرسەڭ تولىپ جاتىر. ادامزات بالاسى وسى قيىندىعى مەن قىزىعى قاتار جۇرەتىن مىناۋ دۇنيەدە قانشا جىل ءومىر سۇرسە دە، قانداي ىسپەن اينالىسسا دا ومىرىندەگى ەڭ ءبىر ۇمىتىلماس كەزدەر ۋنيۆەرسيتەت قابىرعاسىنداعى كەرەمەت شاقتار. ءبىزدىڭ الاتاۋداي اسقاق ارمانىمىز سەنى الماتى شاھارىنا، ءال – فارابي اتىنداعى قازاق ۇلتتىق ۋنيۆەرسيتەتىنە جەتەلەيدى!
اۆتور: ايدار ۇلى داۋرەن ءال-فارابي قازاق ۇلتتىق ۋنيۆەرسيتىنىڭ -مەحانيكا-ماتەماتيكا كافەدراسىنىڭ 1-كۋرس ستۋدەنتى. جەتەكشى: اعا وقىتۋشى ۋرازگالييەۆا سۆەتلانا امانجولوۆنا.
You Might Also Like
-
مەن سەيدالي الما تۇركىستان قالاسىنىڭ تۋماسىمىن. ن.وڭداسىنوۆ اتىنداعى مامانداندىرىلعان مەكتەپ-ينتەرناتتا وقىپ ءجۇرىپ ۇبت تاپسىرۋعا دايىندالدىم. ەڭ باستىسى ماقساتىم اتى زاتىنا ساي جوعارعى وقۋ ورنىنا ت...
-
مەن ەسەتوۆا ارۋجان شىمكەنت قالاسىنانمىن. 2021 جىل مەكتەپ ءبىتىرىپ، جاس تۇلەك اتاندىم. ۇلتتىق ءبىرىڭعاي تەستىلەۋدەن 115 بالل جيناپ، ءال-فارابي اتىنداعى قازاق ۇلتتىق ۋنيۆەرسيتەتىنىڭ، مەحانيكا-ماتەماتيكا...
