InfoHub Logo

مەرەكەڭمەن، اناشىم!
1 - جۇرگىزۋشى:
- قىمباتتى بالالار جانە ءبىزدىڭ قۇرمەتتى قوناقتارىمىز. مىنە، ءبىزدىڭ ەڭ تاماشا جىل مەزگىلى كوكتەم دە كەلىپ جەتتى. كۇننىڭ كوزى قاردى ەرىتىپ، انامىزعا، اجەلەرىمىزگە ءتىپتى بۇكىل دۇنيە ءجۇزىنىڭ ايەلدەرىنە كۇلىمدەيدى. مەيرامدارىڭىزبەن قىمباتتى انالار. 8 ناۋرىز مەيرامى قۇتتى بولسىن.
2 - جۇرگىزۋشى:
بۇل كۇندى تويلاپ جاتىر بارشا حالىق.
ايەلدەر كۇنى بۇگىن حالىقارالىق
جارىققا ءبىزدى اكەلگەن انالاردى.
بۇگىنگى مەرەكەمەن قۇتتىقتايىق
ۇيىتقىسى جانۇيانىڭ بەرەكەمىز
انالار قۇتتى بولسىن مەرەكەڭىز
ءارقاشان انالارىمىز امان بولسىن
الاڭسىز باقىتتى ءومىر ءبىز كەشەمىز
زالعا مۋزىكا اۋەنىمەن ۇل بالالار كەلەدى.

1-بالا: قۇرمەتتى اسىل انالار، قىز - قىزعالداقتار، ءقادىرلى ۇستازدار.
2-بالا: قار استىنان قىلتيىيىپ بايشەشەك بوي كوتەرگەندە كوكتەمنىڭ العاشقى حابارشىسىنداي بولىپ انالار مەرەكەسى كەلدى.
3-بالا: بايشەشەك سونشالىقتى نازىكتىگىنە قاراماستان، قالىڭ قاردى استىنان بۇرشىك جارادى. ءبىزدىڭ اسىل انالارىمىز دا سونشالىقتى نازىكتىگىنە قاراماستان بارلىق قيىندىق اتاۋلىعا ءتوزىمدى.
4-بالا: انالار كوكتەمگى كۇندەي جارقىراپ، گۇلدەي قۇلپىرعان گۇل مەرەكەلەرىمىز، كۇن مەرەكەمىز قۇتتى بولسىن.
5-بالا: بۇگىنگى كۇن اياۋلى انالار سىزدەر ءۇشىن.
6-بالا: سابيلەرىڭىز سىزدەر ءۇشىن دە ەرەكشە كۇن بولماق. بارلىق ۋاقىتتا شىدامدىلىقپەن، مەيىرىممەن، اقىلمەن، ىستىق قۇشاعىندا ايالاي ماپەلەپ، ەركەلىگىمىزدى كەشىرە جول سىلتەگەن ارداقتى انالار، بۇگىنگى بالالىق سەزىمىمىز، اسەم ءانىمىز، كوڭىلدى كۇيىمىز، دەمالىس كەشىمىز،
بارلىعى: سىزدەرگە ارنالادى.
ۇلدار حورى: «اپام ءۇشىن»
1 - جۇرگىزۋشى: ولاي بولسا تاقپاقتارعا كەزەك بەرەيىك.
تاقپاقتار:
سىزدەردەن وسكەن بالالار
باتىرلار مەن دانالار
قۇتتىقتايمىز مەيرامىڭمەن
اياۋلى ءبىزدىڭ انالار!
****
ماپەلەيسىڭ مەنى انام
قولىڭداعى قۇسىڭداي
قۇلپىرا ءوسىپ دەم الام
قۇشاعىڭدا قىسىلماي!
****
انالاردى سۇيەمىز
اقىلىن ويعا تۇيەمىز
اجەنى دە ارداقتاپ
ادەپپەن باس يەمىز!
****
ايالاعان انامىز
سايالاعان سانامىز
شىنارى بوپ وسەمىز
انا ءبىزدىڭ گۇلىمىز
ۇلاندى انا قۋانتىپ
ۇزاق ءومىر ءسۇرىڭىز!
****
سەگىزىنشى ناۋرىز كەلدى
شاتتىق سەزىم اپ كەلدى
قۋانىشتى كۇندە ەندى
قۇتتىقتايمىن سىزدەردى!
****
ءۇن قاتاسىڭ بال تىلمەن
ەركەلەيمىن ءار كۇن مەن
قۇتتىقتايمىن اناشىم
سەگىزىنشى ناۋرىزىڭمەن!
****
مەن نە كەرەك
ءبارىن ىزدەپ تاباسىڭ
اينالايىن اناشىم
جۇمىسىڭا باراسىڭ
قايتىپ مەنى كورگەندە
شىن ساعىنىپ قالاسىڭ
ءان: «اياۋلى اناشىم»

تاقپاقتار:
دوستىقتى ءبىز ويلايمىز
بىرگە كۇلىپ وينايمىز
مەرەكەدە قىزدارعا
دوستىق جىرىن ارنايمىز
*****
ۇزدىك وقىپ ساباعىن
بارىمىزگە جاعاتىن
كەيدە قىرسىقسا
ءتۇيىپ الار قاباعىن
****
مەرەكەدە كوكتەمگى
جارقىرايدى كوكتەگى بايقايمىز ەركەلىگىن كوكتەگى
ويىن: كىم جىلدام؟
ەكى انا شىعىپ بالارى ازىرلەگەن داستارحان باسىنا كەلەدى. 1 مينۋتتا ءبىر كارتوپ ارشىپ، ونى جەپ ۇلگەرۋ كەرەك.
ءان: «مەرەكەڭمەن» جۇرگىزۋشىنىڭ ءسوزى: مىنە، قۇرمەتتى ابزال جاندى انالار، اجەلەر. سىزدەردى تاعى كوكتەمنىڭ العاشقى مەرەكەسىمەن قۇتتىقتاي وتىرىپ. بۇلدىرشىندەردىڭ دايىنداعان گۇل شوعىن قابىل الىڭىزدار. كوڭىل قويىپ تىڭداعاندارىڭىزعا راحمەت!