InfoHub Logo

قازاقستاندىق تانىمال ءانشى مەرۋەرت تۇسىپبايەۆا ونەردەگى وزەكتى ماسەلەگە قاتىستى پىكىرىن ءبىلدىرىپ، ەكى ءىرى تەلەارنانىڭ – «قازاقستان» مەن «حاباردىڭ» ەفيرىنەن ءوزىنىڭ جوبالارىنىڭ 2025-2026 جىلدارى الىنىپ تاستالعانىن ايتتى. بۇل جاڭالىق ءانشىنىڭ بۇعان دەيىن باق-تا تاراعان ارىپتەسى الماس كىشكەنبايەۆتىڭ «قارا تىزىمگە» ىلىنگەنى تۋرالى اقپاراتتى راستاي تۇسكەندەي بولدى.

بۇل تۋرالى Infohub.kz اقپارات اگەنتتىگى حابارلايدى.

تەلەارنالاردىڭ «قارا ءتىزىمى»

ءانشى بۇل جاعدايعا جاس انشىلەر سياقتى ەمەس، سالماقتى قارايتىنىن ايتتى. «مەن جاس ءانشى ەمەسپىن عوي، سوندىقتان مۇنى سابىرمەن قابىلدادىم. جاستار شىقسىن، قۇدايعا شۇكىر. مەن قاتتى ۋايىمداعان جوقپىن»، – دەدى ول.

الايدا، دايىن جوبالاردىڭ ەفيرگە شىقپاعانىنا ءانشىنىڭ كوڭىلى تولمادى. ونىڭ ايتۋىنشا، «حابار» تەلەارناسى ارنايى شاقىرىپ، بەس ءاننىڭ بەينەبايانىن تۇسىرگەن. تۇسىرىلىمگە 8-9 وپەراتور جۇمىلدىرىلىپ، بىرنەشە ساحنالىق وبرازدار دايىندالعان.

«ەڭبەك زايا كەتتى»

«بەس ءان ءتۇسىرىلدى، ۇلكەن كوماندا جۇمىس ىستەدى. قانشاما ەنەرگيا، ەڭبەك، ۋاقىت كەتتى – ناتيجەسىندە ەشتەڭە بولمادى. ەفيرگە شىقپادى»، – دەپ اعىنان اقتارىلدى ءانشى.

سونىمەن قاتار، «تانشولپان» باعدارلاماسىنا ارناپ جازىلعان ءانىنىڭ دە كورسەتىلمەگەنىن جەتكىزدى. باعدارلاما جۇرگىزۋشىسىنە حابارلاسقانىمەن، ناقتى جاۋاپ الا الماعانىن ايتتى.

شىعارماشىلىق جولى جانە اۋديتورياعا دەگەن ريزاشىلىعى

مەرۋەرت تۇسىپبايەۆا شىعارماشىلىق جولىن جالعاستىرا بەرەتىنىن جانە ءوز اۋديتورياسىنا العىس بىلدىرەتىنىن اتاپ ءوتتى.

«ەڭ باستىسى – حالقىم امان بولسىن. وقىرماندارىم دا امان بولسىن. باياناۋىل تاريحىندا بولماسا دا، مەنىڭ اتىم قالادى»، – دەپ تۇيىندەدى ءانشى.

بۇل ماسەلەگە قاتىستى تەلەارنالاردان رەسمي پىكىر ازىرگە تۇسكەن جوق.