InfoHub Logo

مەشىتتە اياعىن بالالارعا ۋقالاتقان يمام ءابدۋجاپپار سمانوۆقا قمدب ەسكەرتۋ جاسادى،-دەپ حابارلايدى Infohub.kz.

تۇركىستان وبلىسى، سارىاعاش اۋدانىنداعى ساتىبالدى ءابىش ۇلى اتىنداعى مەشىتتىڭ يمامى ءابدۋجاپپار سمانوۆتىڭ ارەكەتى قوعامدا قىزۋ تالقىلانۋدا. جەلىدە تاراعان ۆيدەودا يمامنىڭ بالالارعا اياعىن ۋقالاتىپ وتىرعانى كورىنىپ، بۇل جاعداي قوعامدا نارازىلىق تۋعىزدى.

قازاقستان مۇسىلماندارى ءدىني باسقارماسى (قمدب) بۇل وقيعاعا بايلانىستى رەسمي مالىمدەمە جاساپ، يمامنىڭ ارەكەتىن ادەپكە قايشى دەپ باعالادى. ۇيىم مەشىتتىڭ عيبادات ءۇيى، رۋحاني ورتالىق جانە يمان مەكتەبى ەكەنىن باسا ايتتى. وسى سەبەپتى مەشىتتە ادەپ پەن قۇرمەت ساقتالۋى ءتيىس ەكەنىن ەسكەرتتى.

قمدب اتالعان يمامعا رەسمي ەسكەرتۋ جاساپ، مەشىت قىزمەتكەرلەرىن مىنەز-قۇلىق نورمالارىن قاتاڭ ۇستانۋعا شاقىردى.