InfoHub Logo

قازاقستاندا جۇرگىزۋشى كۋالىگىن ونلاين اۋىستىرۋ مۇمكىندىگى ەنگىزىلدى. بۇل قىزمەت قۇجاتتىڭ جارامدىلىق مەرزىمى وتكەندە، جوعالعاندا، ۇرلانعان جاعدايدا نەمەسە جەكە مالىمەتتەر وزگەرگەندە قولجەتىمدى. قۇجات ءۇش جىل بۇرىن بەرىلگەن بولۋى شارت.

eGov Mobile ارقىلى جۇرگىزۋشى كۋالىگىن اۋىستىرۋ ءۇشىن كەلەسى قادامداردى ورىنداڭىز:

1. eGov Mobile ءموبيلدى قوسىمشاسىندا اۆتوريزاسيادان ءوتىڭىز.
2. "قىزمەتتەر" بولىمىنەن "جۇرگىزۋشى جانە كولىك" ساناتىن تاڭداڭىز.
3. "جۇرگىزۋشى كۋالىگىن بەرۋ" قىزمەتىن باسىڭىز.
4. دايىن قۇجاتتى الاتىن حقكو بولىمشەسىن تاڭداڭىز.
5. جۇرگىزۋشى كۋالىگىن اۋىستىرۋ سەبەبىن كورسەتىپ، ءوز فوتوڭىزدى جۇكتەڭىز.
6. قولتاڭبا ۇلگىسىن جۇكتەپ، بايلانىس ءنومىرىڭىزدى ەنگىزىڭىز.
7. مەملەكەتتىك باجدى تولەڭىز (4 915 تەڭگە).
8. ءوتىنىمدى Face/Touch ID كومەگىمەن راستاڭىز.

ءوتىنىمىڭىزدىڭ ناتيجەسى "حابارلامالار" بولىمىندە قولجەتىمدى بولادى.

سونىمەن قاتار، جۇرگىزۋشى كۋالىگىن Kaspi.kz ءموبيلدى قوسىمشاسى ارقىلى دا اۋىستىرۋعا بولادى. بۇل ءۇشىن قوسىمشاداعى "مەملەكەتتىك قىزمەتتەر" بولىمىنەن "جۇرگىزۋشى كۋالىگىن اۋىستىرۋ" قىزمەتىن تاڭداپ، قاجەتتى قادامداردى ورىنداڭىز.

بۇل جاڭاشىلدىقتار ازاماتتارعا ۋاقىت ۇنەمدەۋگە جانە قىزمەتتەردى ىڭعايلى تۇردە الۋعا مۇمكىندىك بەرەدى.