InfoHub Logo

وڭتۇستىك قازاقستان وبلىسى تۇركىستان قالاسى مكقك «بولاشاق» ياسلي-باقشاسىنىڭ پسيحولوگى
مۇساحانوۆا اياگوز ابدۋللا قىزى

قايىرلى كۇن! قۇرمەتتى ۇستازدار! كوڭىل-كۇيىڭىز قالاي؟ مەن سىزدەرمەن ءقازىر پسيحولوگيالىق ترەنينگ جۇرگىزەمىن. 
ماقساتى: قاتىسۋشىلاردىڭ پوزيتيۆتىك كوڭىل-كۇيىن كوتەرۋ، جۇيكە جۇيەسىن دەمالدىرۋ، بىر-بىرىنە دەگەن قۇندىلىق، سەرگەكتىك، ادامگەرشىلىك قاتىناسىن قالىپتاستىرۋ جانە ۇجىمدى بىرىكتىرۋ. 

قاجەتتى قۇرال-جابدىقتار: جۇمساق ويىنشىق، ماركەر، ۆاتمان، ءجىپ، قايشى، جەلىم. 

پسيحولوگتىڭ كىرىسپە ءسوزى. 
بۇگىنگى ترەنينگكە قوش كەلدىڭىزدەر! بۇل پسيحولوگيالىق ترەنينگ سىزدەردىڭ ءبىر جىلعى وقۋ جىلى بويى جاقسى كوڭىل-كۇيدە جۇرۋلەرىڭىزگە ارنالعان. ءبىز، بۇگىن بالالاردىڭ ەرەكشەلىكتەرى جونىندە،  قيىندىقتارى جونىندە اڭگىمەلەسپەيمىز. 
شامامىز كەلگەنشە، جالپى ۇجىمدىق جاقسى كوڭىل-كۇي قالىپتاستىرۋعا تىرىسامىز. ول ءۇشىن ءبىز وزىمىزگە سەنىم مەن ءۇمىت ۇيالاتىپ، جىلى شىراي تانىتساق، بارلىعى ويداعىداي بولادى. وقۋ جىلىنىڭ ءساتتى ءوتۋى، ونى ءبىزدىڭ قانداي كۇيدە قارسى الاتىنىمىزعا بايلانىستى. 
شاتتىق شەڭبەرى: «تانىس بولايىق»

تانىسۋ ەرەجەسى: قاتىسۋشىلار شەڭبەر بويىمەن تۇرادى. ساعات ءتىلى بويىمەن ءارقايسىسى ءوز ەسىمىن اتاپ، ەسىمى جايلى، ەسىمىنە سايكەس مىنەز - قۇلقى جايلى قىسقاشا ايتىپ وتەدى. اركىمنىڭ تانىسۋى ءبىر - بىرىنە ۇقساماۋى ءتيىس.(مىس. تانىس بولايىق: مەنىڭ ەسىمىم ايسۇلۋ (بولار - بولماس باسىمدى يەمىن (ەكىنشى ءبىرى – يىلەدى ) ت. ب.) 

«كوڭىلدى مۋزىكا» ويىنى

ماقساتى: بويداعى شارشاۋدان، سترەسستەن ارىلۋ.

شارتى: شەڭبەر بويىمەن تۇرىپ، ءبىر - ءبىرىنىڭ يىقتارىنا قولدارىن قويادى. مۋزىكانىڭ ىرعاعىمەن شەڭبەردى اينالا وتىرىپ بيلەپ، يىققا اقىرىن ساۋساق قيمىلدارىمەن ماسساج جاسايدى. ويىن كەرى قايتالانىپ وتىرادى.

جۇرگىزۋشى: راحمەت، بۇل ءبىزدىڭ سەرگىتۋ جاتتىعۋىمىز بولاتىن. ترەنينگىمىزدىڭ كەلەسى بولىمىنە وتەمىز. ءبىرىنشى بولىمدە ءبىز «كەرەمەت» ءسوزىنىڭ ماعىناسىن ايقىنداۋعا تىرىستىق. تاقىرىبىمىزدى ودان ءارى اشۋ ءۇشىن كەرەمەت دەگەن ۇعىمدى بالالاردىڭ كوزىمەن (وقۋشىلاردىڭ) تۇسىنۋگە تىرىسىپ كورەمىز.
سەرگىتۋ ويىنى. «سۇراق-جاۋاپ». 
جۇرگىزۋشى دوپتى كەز-كەلگەن قاتىسۋشىعا لاقتىرا وتىرىپ، سۇراق قويادى، جاۋاپ بەرگەننەن كەيىن دوپتى قايتادان جۇرگىزۋشىگە كەرى لاقتىرادى. 
مىسالى: 
جۇرگىزۋشى: بۇگىن ءسىزدىڭ كوڭىل-كۇيىڭىز قانداي؟ 
قاتىناسۋشى: كوڭىل-كۇيىم شايداي اشىق. 
جۇرگىزۋشى: شايداي اشىق تاعى نە بولادى؟ 
قاتىناسۋشى: كۇن. 
جۇرگىزۋشى: كۇن تاعى قانداي بولادى؟ 
قاتىناسۋشى: ءساتتى. 

سەرگىتۋ ويىنى «بۇگىن مەنىڭ توپتا كورگەنىم.........» 
جۇرگىزۋشى: قاتىناسۋشىلاردىڭ وڭ جاعىندا تۇرعان كورشىسىنە قاراپ بايقاعان وزگەرىستەرىن سول ادامعا ايتۋدى ۇسىنادى. ءاربىر قاتىناسۋشى «بۇگىن مەن بۇل توپتا كورگەنىم، كورشىمنىڭ.........». 

1. جاتتىعۋ «جاعداياتتان شىعۋ» 
ماقساتى: لوگيكالىق ويلاۋ ارقىلى كەز- كەلگەن جاعدايدان شىعا ءبىلۋ. 
نۇسقاۋ. بۇل ويىنعا ءوز ەركىمەن ماعان 3 ادام كەرەك. قالعاندارى باقىلاۋشىلار بولادى. 
ويىننىڭ ءمانى: ءۇش دوس ءبىر جەردە كەزدەسۋ تۋرالى كەلىسۋ كەرەك. ءبىراق ولاردىڭ ءبىرى-ساقاۋ، ءبىرى-سوقىر، ەندى ءبىرى –ساڭىراۋ. كەزدەسەتىن جەردى تەك ساقاۋ عانا بىلەدى. ول ءوزىنىڭ دوستارىنا قايدا قاشان بارۋ كەرەكتىگىن ءتۇسىندىرۋ كەرەك. 
تالداۋ: 
جاعداياتتان شىعۋ وڭاي بولدى ما؟ 
سەن وسى كەزدەسۋدى قالاي تۇسىندىرەر ەدىڭ؟ 

2. جاتتىعۋ «ءبىر كۇننىڭ قورىتىندىسى». 
نۇسقاۋ: جايلانىپ وتىرىڭىز. ءبىز ءقازىر بىر-بىرىمىزگە جۇمساق ويىنشىقتى بەرەمىز، ءوزىمىزدىڭ وتكەن ترەنينگتەن العان اسەرىمىزدى ايتا وتىرىپ، بىر-بىرىمىزگە تىلەك تىلەيمىز. ءبىر كىسى سويلەپ وتىرعاندا، باسقالارىن مۇقيات تىڭداۋ، ءسوزدى بولمەۋ، ارىپتەستەرىن قۇرمەتتەۋدى سۇرايمىن. 
تالداۋ: 
وتكەن ترەنينگ سىزگە نە وزگەرىس الىپ كەلدى؟ 
بۇگىنگى جاتتىعۋدان قانداي اسەر الدىڭىز؟ 
وزىڭىزگە قانداي جاڭالىق اشتىڭىز؟ 
كەلەشەكتە قولدانۋعا وزىڭىزبەن نەنى الىپ كەتەسىز؟ 

قورىتىندى. 
بۇگىنگى ترەنينگكە بەلسەندى قاتىسقاندىرىڭىزعا كوپ راحمەت. 
سىزدەرگە شىعارماشىلىق تابىس تىلەيمىن.

---