مىنانىڭ اكەسى مە، الدە بىرەۋدىڭ تەكەسى مە
كەش باتىپ بارا جاتقان مەزگىل بولسا كەرەك. الىس جولدان كەلە جاتقان ەكى جىگىت ءبىر زيراتتىڭ جانىنان ءوتىپ بارا جاتقاندا، بىرەۋى ەكىنشىسىنە: «مىناۋ مەنىڭ اكەمنىڭ زيراتى ەدى، ءتۇسىپ قۇران وقي كەتەيىك» دەپ اتتارىنان تۇسەدى. ولار زيراتتىڭ جانىنا تىزەرلەپ وتىرا قالىپ: «اعۋزۋ...» ەندى سوزاقتاتا بەرگەندە زيرات ىشىنەن «با-ا-اق» دەپ باقىرعان داۋىس شىعادى. ەكى جىگىت وقي باستاعان قۇراندارىن دوعارا سالا، اتتارىنا ءمىنىپ تۇرا قاشادى.
ولار ساسقالاقتاي بەزىپ كەلە جاتقاندا، اناداي جەردە كەلە جاتقان بىرەۋ كولدەنەڭدەي تۇرا قالىپ:
— ەي، جىگىتتەر، كەسكەگى بار، قۇرتتاعان اق تەكە كورگەن جوقسىڭدار ما؟ — دەپ ايعايلاپتى. سوندا ولگەن اكەسىنە قۇران وقىعان جىگىتتىڭ جولداسى:
— ەي، مىنانىڭ اكەسى مە، الدە بىرەۋدىڭ تەكەسى مە، ايتەۋىر زيراتتىڭ ىشىندە بىردەڭە باقىرىپ جاتىر، — دەپ جاۋاپ بەرىپتى.
You Might Also Like
-
تۋىسشىلاي قىرعا شىققان قالالىق ءبىر ايەل سول اۋىلداعى ايەلدەرمەن اڭگىمە دۇكەنىن قۇرىپ وتىرعاندا، ءبىر تانىس حانزۋ ايەل ۇيگە كۇرەك، داعار سەكىلدى ەگىستىك سايماندارىن سۇراپ كەلىپتى. وتىرعانداردىڭ بىردە...
-
ءبىر شال بالاسىن ەرتىپ جولاۋشىلاپ قۇداسىنىڭ ۇيىنە بارادى. قۇداسى مال سويىپ، ەت اسادى، ەت ءپىسىپ تاباق الدىعا كەلەدى. شال باستى الىپ كەسكەندە، بالاسى جامباستى جۇلىپ الىپ كەسە باستاپتى. اكەسىنىڭ اشۋى ك...
