InfoHub Logo

اشىلى اۋىلىنىڭ قىستاعىندا بىرەۋ كەلىن ءتۇسىرىپتى. جاڭادان تۇسكەن كەلىن باسىنا شىتىن تارتپاي ۇنەمى جالاڭ باس جۇرەدى ەكەن. ءبىر كۇنى سول ۇيگە سانجىنىڭ قۇم جيەگىنەن ءبىر شال كەلە جاتىپ، ىزدەگەن ادامنىڭ قاي جەردە ەكەنىن ۇعىسۋعا ۇيگە تۇسسە، ۇيدە ءبىر بويجەتكەن قىز بەن كەمپىر عانا وتىرسا كەرەك. امان-سالەمنەن سوڭ، ىزدەگەن ادامنىڭ ءجونىن سۇراپ جايلانا شايعا وتىرادى. شالەكەڭ ءوزىنىڭ ۇلىنىڭ ءالى ۇيلەنە الماعانىن ويلاپ «مىنا قىزعا بالاما قۇدالىق سويلەسە كەتەيىن» دەپ كەمپىردەن:

— مىنا بالاڭىزدىڭ باسى بوس پا؟ قۇدالاسقان جەرى بار ما؟ — دەيدى.

— ويباي كوتەك! نە دەيسىز، بۇل مەنىڭ كەلىنىم، — دەيدى كەمپىر.

سوندا شال:

— «بۇرىنعىنىڭ قويى ماڭىراپ كەلۋشى ەدى، ەندىگىنىڭ قويى اۋزىن اشىپ كەلەتىن بولعان با؟» دەگەن ەكەن ءبىر ساڭىراۋ شال. سول سەكىلدى بۇرىنعىنىڭ كەلىنى جەلەك جامىلۋشى ەدى، ەندىگىنىڭ كەلىنى جالاڭ باس جۇرەتىن بولعان با؟ قىزى قايسى؟ كەلىنى قايسى؟ ايىرعىسىز. كەلىنىڭىزدى قىزىڭىز ەكەن دەپ قۇدالىق سويلەسە جازداپپىن. ايىپقا بۇيىرا كورمەڭىز! — دەپتى.

---