مينيستر ەكى اياعىنان ايىرىلعان قىز بالاعا قانداي جاردەماقى بەرىلەتىنىن ايتتى
ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ەكى اياعىنان ايىرىلعان الۋا ەسىمدى قىز بالاعا مەملەكەت تاراپىنان قانداي كومەك كورسەتىلەتىنىن مالىمدەدى.
ءمينيستردىڭ سوزىنشە، ءبىرىنشى توپتاعى مۇگەدەكتىگى ءۇشىن تاعايىندالاتىن جاردەماقى كولەمى 100 مىڭ تەڭگەدەن اسادى. ال قىزدىڭ اناسىنا، مۇگەدەكتىگى بار بالانى تاربيەلەپ وتىرعانى ءۇشىن 78 مىڭ تەڭگە كولەمىندە اي سايىنعى تولەم قاراستىرىلعان. سونىمەن قاتار، اناسى كوپبالالى وتباسى رەتىندە قوسىمشا الەۋمەتتىك جاردەماقىلار الىپ وتىر.
«ونىڭ اناسىمەن تىكەلەي سويلەستىك. قىزدى پروتەزدەۋ، وڭالتۋ قىزمەتتەرى — بارلىعى مەملەكەت ەسەبىنەن جۇرگىزىلەدى. ەگىندىكول اۋداندىق ەمحاناسىندا تىركەلگەن قىز بالاعا ارنايى جەكە وڭالتۋ باعدارلاماسى ازىرلەنەدى»، — دەدى مينيستر ءماجىلىس كۋلۋارىندا تىلشىلەرگە بەرگەن سۇحباتىندا.
سۆەتلانا جاقىپوۆانىڭ ايتۋىنشا، قازىرگى تاڭدا مينيسترلىك ءتيىستى نورماتيۆتىك اكتىلەرگە وزگەرىستەر ەنگىزىپ جاتىر.
«الۋاداعىداي امپۋتاسيا جاعدايلارىندا ءومىر بويىنا مۇگەدەكتىگىن راستاۋ قاجەتتىلىگىن جوياتىن باپ قوسىلۋدا. بۇل ادامعا قايتا-قايتا كوميسسيادان وتۋگە ءماجبۇر بولماۋى ءۇشىن جاسالىپ وتىر»، — دەدى ۆەدومستۆو باسشىسى.
You Might Also Like
-
شىمكەنتتە تەگىن بالمۇزداق تاراتقان كاسىپكەر 5 تاۋلىككە قامالدى،دەپ حابارلايدى ينفوحاب ءتىلشىسى.
-
«ورداباسى» فۋتبول كلۋبى 2،3 ميلليارد تەڭگە جىمقىردى دەگەن كۇدىككە ءىلىندىقارجى شەنەۋنىكتەر مەن شەتەلدىك لەگيونەرلەرگە زاڭسىز بونۋستار رەتىندە تاراتىلعان بولۋى مۇمكىن
