InfoHub Logo

مينيستر ستۋدەنتتەردى اسكەرگە الىپ كەتپەۋ ءۇشىن قورعانىس مينيسترلىگىنە ۇسىنىس جاسادى،دەپ حابارلايدى ينفوحاب.كز.

قازاقستاندا تالاپكەرلەردى اسكەري بورىشىن وتەۋگە شاقىرۋ مەن جوعارى وقۋ ورىندارىنا قابىلداۋ مەرزىمدەرىنىڭ سايكەس كەلمەۋى ءبىرقاتار تۇيتكىلدەرگە سەبەپ بولىپ وتىر. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى.

ءمينيستردىڭ سوزىنشە، قازىرگى تاڭدا كەيبىر جاستار ءالى ۇبت ناتيجەسىن كۇتپەي جاتىپ اسكەرگە شاقىرىلىپ كەتۋدە. بۇل ولاردىڭ جوعارى ءبىلىم الۋعا دەگەن مۇمكىندىگىن شەكتەيدى.

«جوو-عا قابىلداۋ مەن اسكەرگە شاقىرۋ مەرزىمدەرى ۇيلەسپەيدى. جاقىندا نازاربايەۆ ۋنيۆەرسيتەتىنە تاپسىرىپ جاتقان ءبىر تالاپكەردىڭ كوشەدەن ۇستاپ، اسكەرگە الىپ كەتكەن جاعدايى بولدى. مۇندايعا جول بەرۋگە بولمايدى»، — دەدى ساياسات نۇربەك ءماجىلىس كۋلۋارىندا.

وسى ماسەلەنى شەشۋ ماقساتىندا مينيستر قورعانىس مينيسترلىگىنە رەسمي ۇسىنىس جولداعانىن مالىمدەدى. ول تالاپكەرلەردىڭ ۇبت ناتيجەلەرى تولىق شىققانعا دەيىن، ياعني شىلدەنىڭ سوڭىنا دەيىن اسكەرگە شاقىرۋدى ۋاقىتشا توقتاتۋ باستاماسىن ۇسىنعان.

«بىزدە ۇبت 7 شىلدەگە دەيىن وتەدى. ناتيجەلەر شىلدە سوڭىندا بەلگىلى بولادى. سول كەزدە عانا تالاپكەر ناقتى “مەن ستۋدەنتپىن” دەپ ايتا الادى. وسى كەزەڭگە دەيىن كۇتۋ قاجەت. ءقازىر بۇل ۇسىنىس قورعانىس مينيسترلىگىمەن تالقىلانىپ جاتىر»، — دەپ ناقتىلادى ۆەدومستۆو باسشىسى.

مينيستر بۇل وزگەرىس ءبىلىم الۋعا ۇمتىلعان جاستاردىڭ قۇقىعىن قورعاپ، ادىلدىك ورناتۋعا باعىتتالعانىن باسا ايتتى.