www.newtimes.kz
مينيستر سپورتتان: شايدوروۆتىڭ باپكەرى اۋىسا ما؟
مانەرلەپ سىرعاناۋدان وليمپيادا چەمپيونى اتانعان ميحايل شايدوروۆتىڭ باپكەرى اۋىسادى دەگەن قاۋەسەتتەرگە قازاقستاننىڭ تۋريزم جانە سپورت ءمينيسترى ەربول مىرزابوسىنوۆ جاۋاپ بەردى.
بۇل تۋرالى Infohub.kz اقپارات اگەنتتىگى حابارلايدى.
باپكەر تاعدىرى – سپورتشىنىڭ ءوز قولىندا
ءمينيستردىڭ ايتۋىنشا، باپكەرلىك شتابقا قاتىستى شەشىمدى سپورتشىنىڭ كومانداسى وزدەرى قابىلدايدى. «باپكەر ماسەلەسى بويىنشا مەندە اقپارات جوق. بىزدە وليمپيادا چەمپيونى بار، ول ءوز ماقساتىنا جەتتى. ال باپكەردى تاڭداۋ – كوماندانىڭ ءوز ەركىندە»، – دەدى مىرزابوسىنوۆ.
ول الەكسەي ۋرمانوۆتىڭ سپورتشى رەتىندە، وليمپيادا چەمپيونى رەتىندە جانە جوعارى دەڭگەيدەگى شاكىرت تاربيەلەگەن ۇستاز رەتىندە ەرەكشە تاجىريبەسى بار ەكەنىن اتاپ ءوتتى. «ءوزى وليمپيادا چەمپيونى بولعان ادام، شاكىرتىنىڭ وليمپيادا تۇعىرىنان كورىنگەندە قانداي سەزىم بولاتىنىن بىلەدى»، – دەپ قوستى مينيستر.
شايدوروۆتىڭ جەڭىسى جانە وعان دەگەن قۇرمەت
ايتا كەتەيىك، استاناداعى سالتاناتتى قارسى الۋ راسىمىندە باپكەر الەكسەي ۋرمانوۆ وليمپيادالىق چەمپيون ميحايل شايدوروۆپەن بىرگە ساحناعا شىقپاعان ەدى. بۇل جاعداي كوپشىلىكتىڭ نازارىن اۋداردى.
قازاقستاندىق مانەرلەپ سىرعاناۋشى ميحايل شايدوروۆ 2026 جىلعى قىسقى وليمپيادا ويىندارىندا ەرلەر اراسىنداعى جارىستا التىن جۇلدەگەر اتاندى. ول 21 جاسىندا وليمپيادا چەمپيونى اتانىپ، ەل مەرەيىن اسىردى. قاسىم-جومارت توقايەۆ تا ميحايل شايدوروۆتى قۇتتىقتاپ، ونى «بارىس» وردەنىمەن ماراپاتتاۋ تۋرالى شەشىم قابىلدادى.
وليمپيادا چەمپيونى 24 اقپاننان 25 اقپانعا قاراعان ءتۇنى ەلورداعا ورالدى. سالتاناتتى شارا اياسىندا شايدوروۆقا ءۇش بولمەلى پاتەردىڭ سەرتيفيكاتى تابىستالدى.
-
37-لەتنيايا جەنششينا، وبۆينەننايا ۆ ۋبييستۆە مۋجا ۆ اكتوبە، بىلا وسۆوبوجدەنا پو امنيستيي پوسلە راسسموترەنيا دەلا و سەمەينوم ناسيليي.
-
شىمكەنتتەن شىققان جاس كاسىپكەرلەر نۇرباقىت پەن اقنيەت وتباسىلىق ءداستۇردى جاڭعىرتىپ، ۇلتتىق كيىم برەندىن قۇردى. پرەزيدەنتتىك شاكىرتاقىسىنان باستاپ، بۇگىندە ولاردىڭ بيزنەسى ايىنا ميلليونداعان تابىس اكەلۋدە.
