InfoHub Logo

موڭكە بي ءتۇس كورىپ، ونى سىرىم باتىرعا جورىتپاق بولادى.

– ءبىر جولى بايگەگە 40 ات قوستىم، بىرەۋى دە بايگەدەن كەلمەدى، 30 ات قوستىم – بىرەۋى دە كەلمەدى، 5 ات قوستىم، تورتەۋى بايگەدەن كەلمەدى دە، بىرەۋى عانا مارەگە امان جەتتى. امان جەتكەنى سول، كەلە سالا پىشاققا ىلىكتى. الگى اتتىڭ ءىشىن جارىپ جىبەرگەنىمدە، قاسقىر شىقتى، قاسقىردى جارعاندا تۇلكى شىقتى. تۇلكىنى جارعاندا، قويان شىقتى. وسىنى جورىپ بەرشى، – دەيدى موڭكە بي.

سىرىم ءتۇس جورۋدىڭ جولىن موڭكەنىڭ ۇزاتىلىپ كەتكەن قىزىنا بەرۋدى ۇيعارادى. قىز ءتۇستىڭ جايىن بىلگەن سوڭ سىرىمعا:

- ءتۇستى جەزدەڭە جورىتپا، جيەنىڭە جورىتپا، ايەلگە جورىتپا دەگەن ءسوز بار ەدى. سوندا دا ايتايىن، - دەيدى. ءتۇس – ادال ءتۇس، قيالي ءتۇس، شايتاني ءتۇس دەپ ۇشكە بولىنەدى. مۇنى قاي تۇسكە جاتقىزارىمدى بىلمەيمىن، ءبىراق ونىڭ شەشۋى مىناداي: «40 ات دەگەنىمىز – مۇسىلماننىڭ 40 پارىزى ورىندالماي قالاتىن زامان بولادى ەكەن. 30 اتتىڭ بايگەدەن كەلمەي قالاتىنى – 30 كۇن ورازا ۇستامايتىن زامان تۋادى ەكەن. 5 اتتىڭ تورتەۋى كەلمەي، بىرەۋى كەلگەنى – بەس ۋاقىت ناماز قازا بولىپ، ونى بىرەۋ وقىپ، بىرەۋ وقىمايتىن كەز كەلەدى ەكەن. قاسقىردىڭ شىققانى – كىسىنىكىن تارتىپ الىپ، ۇرلاپ جەيتىن زورلىقشىلار زامانىنىڭ تۋاتىنى شىعار. تۇلكى شىققانى – الداۋشى مەن ارباۋشى كوبەيەتىن، تۇلكىدەي بۇلاڭداعان زاماننىڭ كۇتىپ تۇرعانى شىعار. قويان شىققانى – ۇرپاق ۇرەيلەنىپ وسەتىن، كولەڭكەسىنەن قورقىپ جۇرەتىن زامان بولار»، - دەپ جورىپ بەرىپتى.

وسىنى ايتىپ بولعاننان كەيىن موڭكە ءبيدىڭ قىزى:

- ماعان ءتۇس جورىتقاندارىڭىز قاتە بولدى، كۇندەردىڭ كۇنىندە ايەل بيلەگەن زامان كەلەدى. ول زاماندا ايەلدەن ۇيات كەتەدى، ەركەكتەن نامىس قاشادى، مەنىڭ ءۇش رەت شاقىرعاندا زورعا كەلۋىمنىڭ سىرى وسىندا ەدى، - دەپتى.

 

• موڭكە ءبيدىڭ بولجامى
• موڭكە ءبيدىڭ بولجامى 2

---