كوبەلەكتەن الىنعان ساباق
جولدان ءوتىپ بارا جاتقان كەزدەيسوق بىرەۋ جىبەك پىللاسىندەگى كىشكەنتاي تەسىكتى، سول تەسىكتەن شىقپاق بولىپ تىرىسىپ جاتقان كوبەلەكتى كورىپ، ۇزاق ۋاقىت باقىلاپ قاراپ تۇرىپتى.ءبىرتالاي ۋاقىت ءوتىپ، كوبەلەك كۇرەسە الماي قالعانداي بولدى، ال كىشكەنە تەسىك سول كۇيىندە ەدى، ۇلكەيگەن جوق. كوبەلەك قولدان كەلگەنىنشە بارىنشا تىرىسقانداي جانە بۇدان بىلاي ەشتەڭەگە شاماسى كەلمەي قالعانداي بولىپ كورىندى. وسىنى باقىلاپ تۇرعان ادام كوبەلەككە جاردەمدەسكىسى كەلىپ، قولىنا باكى الىپ ءپىللانى كەسىپ، كىشكەنە تەسىكتى كەڭەيتتى. كوبەلەك بىردەن سىرتقا شىقتى. ءبىراق ونىڭ دەنەسى ءالسىز، قۋاتى جوق، قاناتتارى قاتايماعان، ءوزى دە زورعا جىلجيتىن ەدى. ادام كوبەلەكتىڭ قيمىلىن باقىلاپ تۇرىپ، سالدەن سوڭ-اق كوبەلەكتىڭ قاناتى قاتايىپ، ۇشىپ كەتەر دەپ ويلادى. ءبىراق ولاي بولمادى. كوبەلەك ءوزىنىڭ ءالسىز دەنەسىن جەر باۋىرلاپ سۇيرەتىپ ءجۇرىپ، قاناتى جەتىلمەگەن كۇيدە قالعان ءومىرىن وتكىزدى. ول سول بويى ۇشا المادى. ولاي بولۋىنىڭ سەبەبى: ادام كوبەلەككە جاردەم بەرگىسى كەلىپ، كوبەلەك ءوزى كەڭەيتىپ، ىشىنەن ۇشىپ شىعۋعا ءتيىس كىشكەنە تەسىكتى كەڭەيتتى، كوبەلەكتىڭ دەنەسىندەگى سۇيىقتار ونىڭ قاناتىن قاتايتۋعا جۇمسالاتىن ەدى، ولاي بولماي قالدى. سولاي بولعاندا عانا كوبەلەك ۇشىپ كەتەتىن ەدى. جاراتىلىس سولاي: كوبەلەك كىشكەنە تەسىكتى كەڭەيتىپ، ۇشىپ شىعۋعا كۇش سالۋ ارقىلى ابدەن شىڭدالعان، ەركىن ومىرگە ءازىر قالپىندا شىعاتىن ەدى.
ومىردە بىزگە دە ناق وسىنداي كۇش سالۋعا تۋرا كەلەتىن كەزدەر بار. كىم ءومىر ءسۇرۋى ءتيىس بولسا، جولىندا كەدەرگىلەر بولادى. كەدەرگى بولماسا ءبىز كوپ نارسەدەن قۇر قالار ەدىك، ەشۋاقىتتا قازىرگىدەي كۇشتى بولا الماس ەدىك. ءبىز ەشۋاقىتتا بيىككە سامعاي الماس ەدىك.
مەن ومىردەن كۇش سۇراپ ەدىم، ال ءومىر مەنى كۇشتى ەتۋ ءۇشىن قيىندىقتار بەردى.
مەن ومىردەن اقىل سۇراپ ەدىم، ال ءومىر ماعان شەشىلۋى ءتيىس پروبلەمالار بەردى.
مەن ومىردەن بايلىق سۇراپ ەدىم، ال ءومىر ماعان جۇمىس ىستەسىن دەپ مي مەن قۋات بەردى.
مەن ومىردەن ۇشۋ مۇمكىندىگىن سۇراپ ەدىم، ال ءومىر ماعان جەڭسىن دەپ كەدەرگىلەر بەردى.
مەن ومىردەن ماحاببات سۇراپ ەدىم، ال ءومىر ماعان ولاردىڭ پروبلەمالارىن شەشۋگە جاردەم بەرسىن دەپ ادامدار بەردى.
مەن يگىلىكتەر سۇراپ ەدىم، ءومىر ماعان مۇمكىندىكتەر بەردى.
مەن سۇراعاندارىمنىڭ ىشىنەن ەشتەڭە دە الا المادىم...
ءبىراق مەن وزىمە كەرەكتىلەردىڭ ءبارىن الدىم.
قورقىنىشسىز ءومىر ءسۇر، كەدەرگىلەردى باتىلدىقپەن كۇتىپ ال جانە ولاردى جەڭە الاتىنىڭدى دالەلدە.
You Might Also Like
-
كوشپەلىلەر نەمەسە كوشپەلى قوعام، كوشپەلى وركەنيەت دەگەنىمىز — نەگىزگى كاسىبى مال شارۋاشىلىعى بولىپ، كۇنكورىسىنىڭ كوزى مال ونىمدەرىنەن تۇراتىن، بەلگىلى ءبىر قالىپتاسقان جۇيەمەن كوشىپ-قونىپ ءتىرش...
