InfoHub Logo

ءمۇعالىمنىڭ جاۋاپتى مىندەتى – ول ادامدى قالىپتاستىرۋ. بۇگىنگى تاڭداعى وسكەلەڭ ۇرپاقتى تاربيەلەپ، ءوسىرۋ – مۇعالىمدىك قىزمەتكە ارتىلعان ۇلكەن مىندەت. مۇعالىمدىك قىزىعى مەن قيىندىعى قاتار جۇرەر، مول ەڭبەكتى، ۇلكەن شىدامدىقتى تالاپ ەتەتىن قىزمەت. كىشكەنتاي كۇنىمنەن اياعىما بيىك وكشە تۋفلي كيىپ الىپ، وزىمنەن كىشىلەرگە ساباق وقىتىپ، ءمۇعالىم بولۋدى ارماندايمىن. بالا بويىندا ءبىلىم ءنارىن سەبەتىن، ادامگەرشىلىك ءدانىن ەگەتىن باستى تۇلعا - ۇستاز. ادام جانىن نۇرلاندىرار ۇعىمىنىڭ ۇلىسى – ۇستاز. ەلباسىمىز ن. نازاربايەۆ حالقىمىزدىڭ بولاشاعى تۋرالى تەرەڭنەن تولعاي، «مەملەكەتىمىزدىڭ ەڭ باستى دۇنيەسى تەك قانا تابيعي بايلىق ەمەس، سونىمەن قاتار ءجاسوسپىرىم ۇرپاعى، ويتكەنى ولار- ءبىزدىڭ ۇلتىمىزدىڭ بولاشاق ايناسى» دەگەن. ولاي بولسا، جاس ۇرپاققا ءبىلىم مەن تاربيە بەرەتىن ۇستاز – باعا جەتپەس بيىك تۇلعا.

ۇستازدىق ۇلى قاسيەت. ۇستاز – ءبىلىم نارىمەن سۋسىنداعان جان. اباي اتامىز «سەن دە ءبىر كىرپىش دۇنيەگە،كەتىگىن تاپ تا، بار قالان» دەپ ايتقانداي ءار وقۋشىعا ءبىلىم بەرىپ، وعان ومىرلىك باعىت سىلتەپ ومىرگە «كىرپىش» بولىپ قالانۋىنا زور ۇلەس قوسۋشى- ءمۇعالىم. ءبىلىمدى، ءتارتىپتى، تاربيەلى، يناباتتى،جانى تازا رۋحى بيىك، وتانشىل ادامدى، تۇلعانى قالىپتاستىرىپ، باپتايتىن ادامنىڭ ءوزى دە قانداي بولۋى كەرەك، ول كىم؟ ارينە، ول «ۇلى» دەگەن سوزبەن ايتاتىن ۇستاز، ءمۇعالىم. ەلباسىمىز نازاربايەۆ ن.ءا «ەلىمىزدىڭ ەرتەڭى بۇگىنگى جاس ۇرپاقتىڭ تاعدىرى ۇستازدىڭ قولىندا» -دەپ اتاپ كورسەتكەن.ماماندىقتىڭ ءبارى جاقسى دەسەك تە، ۇستاز ورنى ەرەكشە. ارينە، بالا جانىمەن بىتە قايناسقاننىڭ  ورنى – مەكتەپ.

ەلىمە ءوز ۇلەسىمدىت قوسۋ ماقساتىندا قازاق ءتىلى مەن ادەبيەتى ءپانىنىڭ ءمۇعالىمى بولۋدى تاڭدادىم. قازاق ءتىلى قاشاندا قۇدىرەتتى، قاسيەتتى ءتىل. ءتىل – عاسىردان عاسىرعا، زاماننان زامانعا جەتكىزەتىن حالىقتىڭ اسىل مۇراسى، سارقىلماس بايلىعى دەسەك، ادەبيەت-كوركەم شەجىرەسى، تاريحى. انا ءتىلىمىز بەن تۋعان ادەبيەتىمىزدىڭ مەرەيى ءۇشىن قىزمەت ەتىپ، ءتىلىمىزدى وزىنە لايىقتى شىڭىنا قوندىرۋعا ۇلەسىمدى قوسسام يگى ەدى. ەگەمەن ەلىمە ءوز ۇلەسىمدى قوسىپ، تاۋەلسىز مەملەكەتتىمنىڭ  ۇرپاعىن بىلىممەن سۋسىنداتىپ، ءبىلىمنىڭ بيىگىنەن كورسەتۋ-مەن ءۇشىن ۇلكەن باقىت. ادام ومىرىندە ماماندىق تاڭداۋدان قاتەلەسپەۋ كەرەك دەگەن ءسوز بار عوي، ول شىندىق. جۇمىسىڭدى اڭساپ بارۋ، قۋانىپ قايتۋ، ءوزىڭنىڭ نە بىتىرگەنىڭدى، ەندى نە ىستەيتىنىڭدى ءبىلۋ، بۇل — ماماندىعىن سۇيگەن ادامنىڭ ءىسى. ۇستاز - تەرەڭدە جاتقان كەندى اشىپ، ارمانسىزعا ارمان ۇيالاتىپ، قاناتسىزعا دارىن قاناتىن بىتىرەتىن عاجايىپ كۇش يەسى. مەن وسىنداي ماماندىق يەسى بولۋدى ماقتان تۇتامىن

«شورناق» جالپى ورتا مەكتەبىنىڭ
7«ءا» سىنىپ وقۋشىسى: جاقىپ ۇلجالعاس
جەتەكشىسى: جۋماگۋلوۆا راۋشان بورانبايەۆنا
 

---