tengrinews.kz
مۇناي باعاسى اقش پەن يران كەلىسسوزدەرىنىڭ ۇزىلۋىنە بايلانىستى كۇرت ءوستى
اقش پەن يران اراسىنداعى ەكىنشى كەزەڭ بەيبىت كەلىسسوزدەردىڭ ءۇزىلۋى الەمدىك مۇناي نارىعىنا كەرى اسەرىن تيگىزدى. بۇل تۋرالى Euronews-كە سىلتەمە جاساپ Tengrinews.kz حابارلادى.
تاياۋ شىعىستاعى مۇناي وڭدەۋ زاۋىتتارىنا جاسالعان شابۋىلداردىڭ تۇراقتى قاۋپىنەن بولەك، ورمۋز بۇعازىنىڭ جابىلۋى نارىق ءۇشىن باستى ماسەلە بولىپ قالۋدا.
دۇيسەنبى، 27 ساۋىردە Brent ماركالى مۇناي باعاسى شامامەن ءۇش پايىزعا ءوسىپ، باررەلىنە 108 دوللارعا جەتتى. بۇل اپتالىق ءوسىمدى 13 پايىزعا جەتكىزدى.
سەنبى كۇنى دونالد ترامپ اقش يران يسلام رەسپۋبليكاسىنىڭ وكىلدەرىمەن كەلىسسوز جۇرگىزۋگە اسىقپايتىنىن مالىمدەدى. سەبەبى، تەگەران ولاردىڭ تالاپتارىن ورىنداماعان. اقش پرەزيدەنتىنىڭ ايتۋىنشا، ەلدى كىم باسقاراتىنى جانە كىممەن كەلىسسوز جۇرگىزۋ كەرەكتىگى بەلگىسىز.
يراننىڭ زىمىراندىق شابۋىلدارىنا بايلانىستى تانكەرلەر ءالى كۇنگە دەيىن ورمۋز بۇعازىنان وتۋدەن باس تارتۋدا. بۇرىن بۇل بۇعاز ارقىلى الەمدىك شيكى مۇناي جەتكىزىلىمىنىڭ بەستەن ءبىرى وتەتىن.
بۇل تۋرالى Infohub.kz اقپارات اگەنتتىگى حابارلايدى.
-
اتىراۋ قالاسىنىڭ كەيبىر اۋداندارىندا 29 ساۋىردە گازبەن جابدىقتاۋدا ۋاقىتشا ءۇزىلىس بولادى. سەبەبى – گاز قۇبىرلارىندا جۇرگىزىلەتىن جوندەۋ جۇمىستارى.
-
الماتى تۇرعىنىنىڭ جەلتوقسان وقيعالارىنا قاتىسۋشىلاردى قورلاعان سوزدەرى قوعامدا ۇلكەن رەزونانس تۋدىردى. بۇل جاعداي تەك قازاقتىلدىلەردى عانا ەمەس، ءورىستىلدى ازاماتتاردى دا بەيجاي قالدىرمادى.
