tengrinews.kz
مۇناي باعاسى تاعى دا شارىقتاپ، باررەلى 85 دوللاردان استى
الەمدىك مۇناي باعاسى اقش پەن ءيزرايلدىڭ يرانعا قارسى اسكەري وپەراسياسىنان كەيىن كۇرت ءوستى. Brent ماركالى مۇنايدىڭ باعاسى 2024 جىلدىڭ شىلدەسىنەن بەرى العاش رەت باررەلىنە 85 دوللاردان استى.
بۇل تۋرالى Infohub.kz اقپارات اگەنتتىگى حابارلايدى.
لوندونداعى ICE بيرجاسىندا Brent ماركالى مۇنايدىڭ مامىر ايىنداعى فيۋچەرستەرىنىڭ قۇنى 4،45 پايىزعا ءوسىپ، 85 دوللاردان استى. بۇل تۋرالى استانا ۋاقىتىمەن 10:57-دەگى ساۋدا مالىمەتتەرى كورسەتتى.
WTI ماركالى مۇنايدىڭ ءساۋىر ايىنداعى فيۋچەرستەرىنىڭ قۇنى 7،66 پايىزعا ءوسىپ، 80،38 دوللارعا جەتتى.
قازاقستانداعى مۇناي باعاسىنىڭ ءوسۋى: بيۋدجەتكە پايدا، ءبىراق ەكونوميكاعا تاۋەكەل
بۇعان دەيىن مۇناي-گاز سالاسىنىڭ ساراپشىسى اسقار يسمايلوۆ مۇناي باعاسىنىڭ ءوسۋى قازاقستان بيۋدجەتىنە قوسىمشا تابىس اكەلىپ، ۇلتتىق قوردى نىعايتىپ، ساۋدا بالانسىن جاقسارتىپ، تەڭگە باعامىن قولدايتىنىن اتاپ وتكەن بولاتىن.
الايدا، مۇناي نارىعىنداعى جوعارى قۇبىلمالىلىق ەكونوميكا ءۇشىن تاۋەكەلدەر تۋدىرادى. باعانىڭ اۋىتقۋى ينفلياسياعا، ينۆەستيسيالارعا جانە قارجى نارىقتارىنا اسەر ەتۋى مۇمكىن. ەكونوميكانىڭ مۇناي تابىسىنا تاۋەلدىلىگى قازاقستاندى سىرتقى سوققىلار مەن الەمدىك باعانىڭ كۇرت وزگەرۋىنە سەزىمتال ەتەدى.
2026–2028 جىلدارعا ارنالعان بيۋدجەتتە مۇناي باعاسى 60 دوللار، ال تەڭگە باعامى 540 تەڭگە بولىپ ەسەپتەلگەن. بۇل ەكسپورتتان تۇسەتىن كىرىستەردى، الەۋمەتتىك تولەمدەردى جانە بيۋدجەتتىك باعدارلامالارعا ارنالعان شىعىنداردى ەسەپتەۋ ءۇشىن قولدانىلادى.
-
قازاقستان ۇكىمەتى سىرتقى ساۋدا جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ (ۆسك) شەشىمدەرىن جاريالادى. بۇل شەشىمدەر سيىر ەتى ەكسپورتى، جۇمىرتقا يمپورتى جانە انالىق مال باسىن ساقتاۋعا باعىتتالعان.
-
Global oil prices have climbed above $85 per barrel for Brent crude، marking a significant increase driven by geopolitical events and impacting Kazakhstan's economy.
