InfoHub Logo

قازاقستاننىڭ سىرتقى ساۋدا جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسياسى (سۆك) سيىر ەتى ەكسپورتى، جۇمىرتقا يمپورتى جانە انالىق مال باسىن ساقتاۋ بويىنشا ماڭىزدى شەشىمدەر قابىلدادى. بۇل تۋرالى ۇكىمەتتىڭ باسپا ءسوز قىزمەتى حابارلادى.

بۇل تۋرالى Infohub.kz اقپارات اگەنتتىگى حابارلايدى.

كارتوپ ەكسپورتتاۋعا تىيىم سالىنبايدى

ىشكى نارىقتاعى باعانىڭ تۇراقتالعانى جانە جەتكىلىكتى قورلاردىڭ بار ەكەنى ەسكەرىلىپ، كارتوپ ەكسپورتتاۋعا ۋاقىتشا شەكتەۋ قويۋدىڭ قاجەتى جوق دەگەن شەشىم شىقتى.

سيىر ەتىن ەكسپورتتاۋشىلارعا جەڭىلدىكتەر

سۆك سيىر ەتىن ەكسپورتتاۋ كۆوتالارىن الۋ شارتتارىن جەڭىلدەتۋدى بەكىتتى. بۇعان دەيىن بۇل شارتتاردا كەمىندە 5 مىڭ باس مال بورداقىلاۋ الاڭىنىڭ جانە جەكە ەت كومبيناتىنىڭ بولۋى تالاپ ەتىلگەن ەدى. بۇل شەشىم ءىرى قارا مال سانىن 7،9 ميلليوننان 12 ميلليون باسقا دەيىن كوبەيتۋدى جانە قازاقستاندىق سيىر ەتىنىڭ ەكسپورتتىق الەۋەتىن كەڭەيتۋدى كوزدەيتىن مال شارۋاشىلىعىن دامىتۋدىڭ كەشەندى جوسپارىمەن كەلىسىلگەن. اۋىل شارۋاشىلىعى مينيسترلىگى كۆوتالاردى ءبولۋ ەرەجەلەرىنە ءتيىستى وزگەرىستەر ەنگىزەدى.

سونىمەن قاتار، انالىق مال باسىن ساقتاۋ جانە وتاندىق وڭدەۋ كاسىپورىندارىن شيكىزاتپەن قامتاماسىز ەتۋ ماقساتىندا، ءىرى جانە ۇساق مالدىڭ انالىق باسىن، سونىڭ ىشىندە ەاەو ەلدەرىنە ەكسپورتتاۋعا تىيىم سالۋ مەرزىمى ۇزارتىلدى.

تاۋىق جۇمىرتقاسىن التى ايعا يمپورتتاۋعا تىيىم

اۋىل شارۋاشىلىعى مينيسترلىگى ەاەو ەلدەرىن قوسا العاندا، تاۋىق جۇمىرتقاسىن التى اي مەرزىمگە يمپورتتاۋعا تىيىم سالادى. قازاقستاندا 70 قۇس فابريكاسى جۇمىس ىستەيدى، ونىڭ 34ء-ى جۇمىرتقا وندىرۋگە، 29-ى ەت وندىرۋگە جانە 7ء-ۋى اسىل تۇقىمدى وندىرۋگە ماماندانعان. 2025 جىلى تاۋىق جۇمىرتقاسىن ءوندىرۋ 2،4 پايىزعا ءوسىپ، 4 568،5 ميلليون داناعا جەتتى، بۇل ىشكى نارىقتى 98 پايىزعا قامتاماسىز ەتەدى.

ەستەرىڭىزگە سالا كەتەيىك، 2025 جىلدىڭ ءساۋىر ايىندا اۋىل شارۋاشىلىعى مينيسترلىگى تاۋىق جۇمىرتقاسىن اكەلۋگە التى ايعا ۋاقىتشا تىيىم سالعان بولاتىن. 2025 جىلدىڭ جەلتوقسانىندا بۇل تىيىم ءبىر ايعا ۇزارتىلدى.