InfoHub Logo

امەريكالىق مانەرلەپ سىرعاناۋشى يليا مالينين 2026 جىلعى قىسقى وليمپيادا ويىندارىنىڭ قورىتىندىسى بويىنشا "ءادىل ويىن" (Fair Play) سىيلىعىمەن ماراپاتتالدى. بۇل ماراپات وعان جەكە جارىستاعى ونەرىنەن كەيىن كورسەتكەن سپورتتىق رۋحى ءۇشىن بەرىلدى.

بۇل تۋرالى Infohub.kz اقپارات اگەنتتىگى حابارلايدى.

وليمپياداداعى تاماشا ءسات

مالينين جارىستىڭ باستى ءفاۆوريتى سانالعانىمەن، ەركىن سىرعاناۋدا بىرنەشە قاتەلىك جىبەرىپ، سەگىزىنشى ورىنعا يە بولدى. جارىس ناتيجەسى جاريالانعاننان كەيىن، سپورتشى دەرەۋ التىن مەدال يەلەنگەن قازاقستاندىق ميحايل شايدوروۆقا بارىپ، ونى جەڭىسىمەن جىلى قۇتتىقتادى. بۇل ءسات ناعىز وليمپيادالىق رۋحتىڭ ۇلگىسى رەتىندە باعالاندى.

سىيلىقتىڭ ءمانى

وليمپيادانىڭ رەسمي سايتىندا: "كوماندالىق ءتۋرنيردىڭ چەمپيونى بولعان مالينين جەكە جارىستا جۇلدەگەرلەر قاتارىنا كىرمەسە دە، ءوزىنىڭ جەكە وكىنىشىن ۇمىتىپ، التىن مەدال يەگەرى ميحايل شايدوروۆتى قۇتتىقتادى"، – دەلىنگەن.

"ءادىل ويىن" سىيلىعى حالىقارالىق ءادىل ويىن كوميتەتى (CIFP) مەن حالىقارالىق وليمپيادا كوميتەتى (موك) بىرلەسىپ تاعايىنداعان. بيىلعى ماراپاتتاۋشىنى بۇكىل الەمدەگى جانكۇيەرلەردىڭ رەكوردتىق داۋىس بەرۋى انىقتادى.

سپورتشىنىڭ پىكىرى

مالينين كەيىن ءوز ارەكەتىن بىلايشا ءتۇسىندىردى: "ميحايلدى قۇتتىقتاۋىم ونىڭ ناتيجەسىنە ەمەس، سپورتشى رەتىندە ءبىز وتەتىن جالپى جولعا قاتىستى بولدى".