InfoHub Logo

1، 2، 3-كۋرس ستۋدەنتتەرىنىڭ سەسسياسىنا قاتىستى ءار جوو ءوزى شەشىم قابىلداۋى كەرەك. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ Instagram جەلىسىندەگى تىكەلەي ەفير بارىسىندا ايتتى.

«جوو-عا تۇسكىسى كەلەتىن تۇلەكتىڭ ءبارى ۇبت تاپسىرۋى كەرەك. ءۇش جىل بۇرىن اتتەستات الۋ ءۇشىن جانە جوو-عا ءتۇسۋ ءۇشىن ۇبت تاپسىرعان. ال ءقازىر ۇبت تەك جوو-عا ءتۇسۋ ءۇشىن تاپسىرىلادى. كەيبىر ماماندىققا ءتۇسۋ ءۇشىن ۇبت-دان بولەك شىعارماشىلىق ەمتيحان تاپسىرۋ كەرەك بولادى. بۇعان قاتىستى كوپ ماسەلە بولمايدى، جوو-نىڭ بارىنە ەسكەرتىلدى»، — دەيدى ءبىلىم جانە عىلىم ءمينيسترى اسحات ايماعامبەتوۆ.

ول ءار جوو ستۋدەنتتەر سەسسيانى قالاي تاپسىراتىنىن ءوزى شەشەتىنىن ايتتى.

«ءبىلىم جانە عىلىم مينيسترلىگى ءبىز ءۇشىن شەشىم قابىلداۋى كەرەك دەپ ويلايتىندار بار. 1، 2، 3-كۋرس ستۋدەنتتەرىنىڭ سەسسياسىنا قاتىستى ءار جوو ءوزى شەشىم قابىلداۋى كەرەك. جوو-نىڭ ءبىرى سەسسيانى جازدا وتكىزەمىز دەپ شەشسە، ەندى ءبىرى اعىمداعى باعا قورىتىندىسى نەگىزگە الىنادى دەپ شەشتى. ال 4-كۋرس ستۋدەنتتەرى كەشەندى ەمتيحان تاپسىرىپ، ديپلومدارىن مىندەتتى تۇردە قورعايدى»، — دەيدى ول.

سونداي-اق، مينيستر قاشىقتىقتان وقۋ جۇيەسىنە كوشۋىمىز ءبىلىم گرانتىنىڭ كوبەيۋىنە اسەر ەتپەيتىنىن جەتكىزدى

«قاشىقتىقتان وقۋ جۇيەسىنە كوشۋىمىز ءبىلىم گرانتىنىڭ كوبەيۋىنە اسەر ەتپەيدى. كوللەدجدەردە ءبىلىم گرانتىن كوبەيتۋ تۋرالى جوسپارىمىز بار، سەبەبى جىل سايىن ارنايى ءبىلىم بەرۋ سالاسىن كوبىرەك قامتيمىز»، — دەيدى ءبىلىم جانە عىلىم ءمينيسترى اسحات ايماعامبەتوۆ.

---