InfoHub Logo

ق ر ءبىلىم جانە عىلىم ءمينيسترى اسحات ايماعامبەتوۆ بيىل مەكتەپ تۇلەكتەرى ءۇشىن قانداي ارتىقشىلىقتار بار ەكەنىن ايتتى.

«بيىلعى مەكتەپ تۇلەكتەرى ءۇشىن ۇبت-عا دايىندالۋ ءۇشىن جاقسى جاعداي جاسالدى. بىرىنشىدەن، ولاردا ۇيدە وتىرىپ دايىندالۋ مۇمكىندىگى بولدى. ەكىنشىدەن، بازاداعى سۇراقتار. ۇشىنشىدەن، قورىتىندى اتتەستاسيادان بوساتىلعاندىقتان، نازارىن تەست تاپسىراتىن پاندەرگە عانا اۋدارۋعا مۇمكىندىكتەرى بار»، — دەيدى اسحات ايماعامبەتوۆ Instagram-داعى تىكەلەي ەفيردە.

ول جوو-عا تۇسكەن كەزدە اتتەستات باعاسىن نەگىزگە الۋ كەرەك دەپ سانايتىندارعا جاۋاپ ايتتى.

«بۇلاي بولۋى مۇمكىن ەمەس. ءبىز مۇنى مۇلدە قولدامايمىز، سەبەبى مەملەكەتتىك گرانت كونكۋرستىق نەگىزدە. بۇل جەردە گرانت الاتىن ادامعا وبەكتيۆتى تۇردە قاراۋ كەرەك. ەكىنشىدەن، ءبىر مەكتەپتە العان «5» دەگەن باعا مەن ەكىنشى مەكتەپتەگى «5» دەگەن باعا مۇلدە ەكى ءتۇرلى. وبەكتيۆتىلىك بولۋى ءۇشىن ۇبت ءوتۋى كەرەك. بيىل قاڭتار ايىندا 11-سىنىپ وقۋشىلارى تەست تاپسىرىپ كوردى. قازىرگى ۋاقىتتا سايتتا ۇبت سۇراقتارى بويىنشا 70 نۇسقا دايىندادىق. ونىڭ ءبارى — تەگىن. مۇنىڭ ءبارى مەكتەپ تۇلەكتەرىنە ۇبت-عا جاقسىلاپ دايىندالۋعا مۇمكىندىك بەرەدى»، — دەيدى ول.

---