InfoHub Logo

مەملەكەت جانە قوعام قايراتكەرى، قازاقستان ۇلتتىق عىلىم اكادەمياسىنىڭ اكادەميگى مىرزاتاي جولداسبەكوۆ ەلوردانىڭ العاشقى قالىپتاسۋ كەزەڭىندەگى ەستەلىكتەرىن ءبولىستى.

بۇل تۋرالى Infohub.kz اقپارات اگەنتتىگى حابارلايدى.

عالىمنىڭ ايتۋىنشا، ول 2000 جىلى ارنايى شاقىرتۋمەن استاناعا كەلگەن. سودان بەرى شيرەك عاسىرعا جۋىق ۋاقىت ىشىندە قالانىڭ قالاي بوي كوتەرگەنىنە كۋا بولعانىن ايتادى. مىرزاتاي جولداسبەكوۆ بۇل تۋرالى استانا قالاسى اكىمدىگىنىڭ "رۋحانيات" كوممۋنالدىق مەملەكەتتىك مەكەمەسىنە بەرگەن سۇحباتىندا اڭگىمەلەگەن.

ەلوردانىڭ تۋعان كۇنى تۋرالى ەستەلىكتەر

سۇحبات بارىسىندا اكادەميك نۇرسۇلتان نازاربايەۆتىڭ ەلوردانى دامىتۋ جولىنداعى ەڭبەگى مەن سول كەزەڭدەگى جۇمىس قارقىنى تۋرالى وي قوزعادى.

"جاعالاۋدا "پيونەر ءۇيى" دەگەن بار، باسقا باراتىن جەر جوق. سول جىلى پرەزيدەنت مەملەكەت قىزمەتىندەگى، ەلگە ەڭبەگى سىڭگەن دارەجەلى ادامنىڭ ءبارىن شاقىردى. استانانىڭ كەلەشەگى تۋرالى اڭگىمە قوزعادى. سول جاعالاۋدا تۇك جوق. جىلان جالاعانداي… سول جەردە تۇرىپ، نۇرەكەڭ "اناۋ بولادى، مىناۋ بولادى" دەپ، ءبارىن جىرداي قىلىپ ايتتى. ىشىمنەن ويلادىم: "ءسوز دەگەن ايتىلا بەرەدى ەكەن عوي. كىم ىستەيدى ونىڭ ءبارىن؟ قاشان بولادى بۇل؟" دەپ. ال، ءقازىر قاراپ وتىرساڭ، قالا ءوسىپ بارادى. ستاتيستيكاعا قاراپ وتىرسام، 2 ملن-نان اسىپتى استانانىڭ حالقى. بۇدان بۇرىن، تاس ءۇي سالعاندى كوردىك. زاۋىت سالعاندى كوردىك. ال، قالا سالعاندى، ونىڭ ىشىندە استانا سالعاندى كورگەنىمىز جوق! بۇل عاسىردا ءبىز سياقتى استانا سالعان مەملەكەت جوق! سول جاعالاۋدا ءقازىر كۇنى-تۇنى ادام! جاستاردىڭ جۇرگەن جەرى – ويىن-كۇلكى، توي! بۇل – جاقسىلىقتىڭ بەلگىسى"، – دەگەن ەدى مىرزاتاي جولداسبەكوۆ.