Photo: Ayazhan (https://www.pexels.com/@ayazhan-3173683) / Pexels
تۇركيادا تۋۋ كورسەتكىشىن ارتتىرۋ ءۇشىن قازاقستاننىڭ تاجىريبەسىن قولدانۋ ۇسىنىلدى
تۇركيادا تۋۋ كورسەتكىشىنىڭ ازايۋىنا بايلانىستى دەموگرافيالىق داعدارىس ءقاۋپى ءتونىپ تۇر. بۇل ماسەلەنى شەشۋ جولدارىن ىزدەگەن ەلدە، تۇركيا ۇلتتىق قورعانىس ۋنيۆەرسيتەتىنىڭ رەكتورى ەرحان افوندجۋ قازاقستاننىڭ كوپ بالالى انالاردى قولداۋ تاجىريبەسىن ۇلگى ەتۋدى ۇسىندى.
بۇل تۋرالى Infohub.kz اقپارات اگەنتتىگى حابارلايدى.
انالارعا مەملەكەتتىك قولداۋ
پروفەسسور افوندجۋدىڭ ايتۋىنشا، ءۇش بالاسى بار انالارعا مەملەكەت تاراپىنان جالاقى تولەپ، زەينەتاقى تاعايىنداۋ قاجەت. ول بۇل شارالاردىڭ تۇركياداعى تۋۋ كورسەتكىشىن ارتتىرۋعا وڭ ىقپال ەتەتىنىنە سەنىمدى.
«قازاقستان بۇعان دەيىن مۇنداي تاجىريبەنى قولدانعان جانە ول وتە جاقسى ناتيجەلەر كورسەتتى»، - دەدى افوندجۋ.
تۇركياداعى دەموگرافيالىق احۋال
تۇركيادا تۋۋ كورسەتكىشى سوڭعى جىلدارى ايتارلىقتاي تومەندەگەن. ەگەر بۇرىن ايەل باسىنا شاققاندا 2،40 بالا بولسا، ءقازىر بۇل كورسەتكىش 1،40-قا دەيىن ازايعان. ماماندار مۇنىڭ سەبەبىن قالالانۋ، ءومىر ءسۇرۋ قۇنىنىڭ ءوسۋى جانە وتباسىعا دەگەن كوزقاراستىڭ وزگەرۋىمەن بايلانىستىرادى.
«قوعامدا كوپ بالالى بولۋدىڭ جامان ەكەندىگى تۋرالى پىكىر قالىپتاسا باستادى»، - دەپ اتاپ ءوتتى افوندجۋ.
مەملەكەتتىك شارالار
تۇركيادا بۇل ماسەلە بىرنەشە جىلدان بەرى كوتەرىلىپ كەلەدى. پرەزيدەنت رەجەپ تايىپ ەردوعان بۇل جاعدايدى «دەموگرافيالىق اپات» دەپ اتاپ، 2026-2035 جىلداردى «وتباسى جانە حالىق سانىنىڭ ونجىلدىعى» دەپ جاريالاپ، وتباسىن، نەكە مەن تۋۋدى قولداۋعا باعىتتالعان مەملەكەتتىك شارالاردى كۇشەيتۋ تۋرالى جارلىققا قول قويعان بولاتىن.
-
مەملەكەت جانە قوعام قايراتكەرى مىرزاتاي جولداسبەكوۆ ەلوردانىڭ العاشقى قالىپتاسۋ كەزەڭى تۋرالى ەستەلىكتەرىمەن ءبولىستى.
-
Rapper De Lacure was summoned by police after a story shared on a YouTube show caused public outcry. An investigation revealed his words were distorted.
