InfoHub Logo

ناعىز قازاق جىگىتى
(سايىس)

ماقساتى:
1. اتا سالتىن ناسيحاتتاي وتىرىپ، ناعىز قازاق جىگىتىنىڭ بويىنداعى قاسيەتتەرىمەن تانىستىرۋ.
2. ءار بالانىڭ بويىنداعى قابىلەتتەرىن: ويلاۋ، ءار ءتۇرلى جاعدايلاردان شىعا ءبىلۋ، ونەرىن كورسەتۋ، تاپقىرلىق، ساحنا مادەنيەتىن قالىپتاستىرۋ، دامىتۋ.
3. اتا سالتىن ارداقتايتىن، ءوز ەلىن سۇيەر ناعىز قازاق جىگىتىنىڭ قاسيەتتەرىن بويىنا سىڭىرە بىلەر ۇرپاقتى تاربيەلەۋ.
كورنەكىلىكتەرى:
«ناعىز قازاق جىگىتى - 2013» تاقىرىبى، ماقال - ماتەلدەر، گۇلدەر، شارلار قاجەتتى قۇرال - جابدىقتار، جانە ت. ب.
بايقاۋعا قاتىسۋشىلار: 9 - 10 سىنىپتار وقۋشىلارى

I - جۇرگىزۋشى:
قۇرمەتتى ۇستازدار، وقۋشىلار! بۇگىن بىزدە «ناعىز قازاق جىگىتى» اتتى بويىنا ءورشىل رۋحى بار، پاراساتتى جىگىتتەر سايىسى وتپەكشى.
II - جۇرگىزۋشى: ناعىز كاۋسار جىگىتى،
ناعىز قايسار جىگىتى،
ناعىز بۇلبۇل جىگىتى،
ناعىز ءدۇلدۇل جىگىتى،
انىقتايتىن كەز كەلدى!

I - جۇرگىزۋشى: ۋا، حالايىق، حالايىق،
مۇندا نازار سالايىق!
اتا جولىن جالعاماق
ەل ءداستۇرىن قولداماق
ەل نامىسىن قورعاماق،
ۇلدار شىقسىن ورتاعا،
بۇگىن سۇلتان اتانباق! –
دەي وتىرىپ، ورتاعا «ناعىز قازاق جىگىتى» بايقاۋىنا قاتىسۋشى سايىپقىراندارىمىزدى شاقىرايىق! قارسى الىڭىزدار! (سايىسكەرلەر ورتاعا شىعادى)

II - جۇرگىزۋشى: «ناعىز قازاق جىگىتى» بايقاۋىنا قاتىسۋشى سايىپقىرانداردىڭ اقىل - پاراساتى مەن ونەرىنە، قايراتى مەن كۇشىنە باعا بەرۋشى قازىلار القاسىمەن تانىس بولىڭىزدار! (قازىلار القاسى تانىستىرىلادى)

I - جۇرگىزۋشى: جىگىتتەر، ويىن ارزان، كۇلكى قىمبات،
ەكى ءتۇرلى نارسە عوي سىر مەن سىمبات.
ارزان، جالعان كۇلمەيتىن، شىن كۇلەرلىك،
ەر تابىلسا، جارايدى قىلسا سۇحبات – دەي وتىرىپ، «ناعىز قازاق جىگىتى» بايقاۋىن ادەمى ءبىر انمەن باستاساق دەيمىز.

ءان «تۋعان جەر» ورىندايتىن 8 ب سىنىپ وقۋشىسى ەسقالييەۆ جامبىل

II - جۇرگىزۋشى: قايسىسى ءانشى، كىم ءبيشى،
تالابىنا قارايىق.
كىمدەر زەرەك، كىم جىلدام،
تالانتتارىن تابايىق! -
دەپ، ونەر سۇيەر قاۋىم بۇگىنگى سايىستىڭ بارىسىمەن تانىستىرىپ وتەيىن:
I. ءبولىم «تەگىمدى مەنىڭ سۇراساڭ...» ءوزىن تانىستىرۋ.
II. ءبولىم «جىگىتكە جەتى ونەر از، جەتپىس ونەر كوپ ەمەس» ونەر سايىسى
III. ءبولىم «اقىلىنا كۇشى ساي» قول كۇرەسى سايىسى
IV. ءبولىم «ساقيدان تاڭداپ العان ساڭلاعىم» تاقىرىبىندا (قىزعا ءسوز سالۋ، ادەبي جانر تۇرىندە عاشىقتىق سەزىمىن ءبىلدىرۋ)
V. ءبولىم «قۇپيا تاپسىرما»- (كونۆەرتكە جاسىرىلعان تاپسىرمانى ورىنداۋ)

I - جۇرگىزۋشى: اقىل - كوركى بويلارىندا جەتەدى،
ءالى تالاي سىناقتاردان وتەدى.
مىنا وتىرعان بارشاڭىزدى وزىمەن
تەز ارادا تانىستىرىپ وتەدى -
دەپ، «تەگىمدى مەنىڭ سۇراساڭ...» ءوزىن تانىستىرۋ سايىسىن باستايىق.
(سايىسكەرلەر وزدەرىن تانىستىرادى)

II - جۇرگىزۋشى: «تەگىمدى مەنىڭ سۇراساڭ» اتتى ءبولىمى بويىنشا سايىسكەرلەرىمىزدىڭ باعاسىن سۇرايمىز.
ءى - جۇرگىزۋشى: پاراساتتى ەر جىگىت،
اقىلىمەن ءار ءىس بىلەدى.
ونەرىڭ باردا جىگىتتەر،
توقتالىپ ءسىرا، ىركىلمە.
جۇرت قاراسىن قىزىعىپ،
«بارەكلەدى!» دەپ شىركىنگە، - دەي وتىرىپ، سايىسىمىزدىڭ «جىگىتكە جەتى ونەر از، جەتپىس ونەر كوپ ەمەس» ءبولىمىن باستايمىز. سايىسكەرلەرىمىز ءوز ونەرىن كورسەتەدى.
قازىلار القاسىنان سايىسكەرلەرىمىزدىڭ ءوز ونەرىنىڭ باعالارىن سۇرايمىز.

ءىى - جۇرگىزۋشى: ەي، ەر جىگىت، ەر جىگىت
ەي، ءور جىگىت، ءور جىگىت.
اتىڭا ەرىك بەر، جىگىت
كۇشىڭدى كورسەت، ەر جىگىت -
دەي وتىرىپ، سايىسىمىزدىڭ «اقىلىنا كۇشى ساي» دەپ اتالاتىن ءبولىمىن باستايمىز. بۇل بولىمدە جىگىتتەردىڭ مىقتىلىعىن انىقتاۋ ماقساتىندا «قول كۇرەس» وتكىزىلەدى.

سايىسكەرلەرىمىزدىڭ «قول كۇرەسىنىڭ باعالارىن سۇرايمىز.
ءى - جۇرگىزۋشى: «ساقيدان تاڭداپ العان ساڭلاعىم» تاقىرىبىندا (قىزعا ءسوز سالۋ، ادەبي جانر تۇرىندە عاشىقتىق سەزىمىن ءبىلدىرۋ)
سايىسكەرلەرىمىزدىڭ باعالارىن سۇرايمىز.
ءىى - جۇرگىزۋشى: «قۇپيا تاپسىرما» (كونۆەرتكە جاسىرىلعان تاپسىرمانى ورىنداۋ) بارلىق سايىسكەرلەرىمىزدى ورتاعا شاقىرامىز.
ءى - جۇرگىزۋشى: كىمدەر جۇيرىك، ونەرپاز بىلەيىكشى،
سۇلتانى دەپ مەكتەپتىڭ جۇرەيىكشى.
قازىلارعا تەك قانا ادىلدىكتى،
ال جىگىتتەرگە ساتتىلىك تىلەيىكشى.
قورىتىندى باعانى قازىلار القاسى اقىلداسىپ شەشكەنشە مۋزىكالىق سالەم جولدايمىز.
ءان «مەن قازاقپىن» ورىندايتىن جاقسىلىقبايەۆ ايدارحان.
«قارا جورعا» ءبيى 5ب سىنىپ وقۋشىلارى.
ءىى - جۇرگىزۋشى: «جۇزدەن - جۇيرىك» كۇشىمەن
«مىڭنان - تۇلپار» شىقتى شىڭ
جىگىتتەردىڭ ىشىنەن
شىققان سۇلتان مىقتىسىڭ!
قازىلاردىڭ شەشىمىمەن مەكتەبىمىزدىڭ «جىگىت سۇلتانى» جاريالاندى.
ءى - جۇرگىزۋشى: قۇتتىقتايىق ال ەندى،
سۇلتان بولعان بالانى.
ورگە ءجۇزىپ ونەرى،
تاۋعا ورلەسىن تالابى.
قۋانىشتى جانارى،
شوقتاي بولىپ جانادى.
ءىى - جۇرگىزۋشى: وسىمەن سايىسىمىز ءوز مارەسىنە جەتتى. كەلەسى كەزدەسكەنشە قوش ساۋ بولىڭىزدار!