InfoHub Logo

ءبىلىم بەرۋ سالاسى: تانىم
ۇيىمداستىرىلعان وقۋ ءىس - ارەكەتى: اينالامەن تانىستىرۋ
ۇيىمداستىرىلعان وقۋ ءىس - ارەكەتىنىڭ تاقىرىبى: «نان داستارحانعا قالاي كەلەدى؟»
ۇيىمداستىرىلعان وقۋ ءىس - ارەكەتىنىڭ ماقساتى: ءدان تۇقىمىمەن تانىسۋ، بيدايدان نان جاسالاتىنىن ايتا وتىرىپ، داستارحانعا جەتكەنگە دەيىنگى ىستەلەتىن ەڭبەك مازمۇنىمەن، قولدانىلاتىن تەحنيكالاردىڭ اتتارىمەن تانىستىرۋ. ۇلكەندەردىڭ ەڭبەگىن باعالاي بىلۋگە تاربيەلەۋ.
دامىتۋشىلىق ماقساتى: بالالاردىڭ اقىل - وي بەلسەندىلىگىن ارتتىرۋ. ولەڭ، ناقىل ءسوز، ماقال - ماتەل ارقىلى ءتىل بايلىعىن دامىتۋ.
تاربيەلىك ماقساتى: بەرىلگەن تاپسىرمانى ورىنداۋعا، ەڭبەكقورلىققا تاربيەلەۋ، ناقىل سوزدەردىڭ تاربيەلىك ءمانىن تۇسىنۋگە تالپىندىرۋ.
جاڭا سوزدەر: ناۋبايحانا، ديىرمەن، كومباين، ديحان، ەليەۆاتور.
ءادىس - تاسىلدەر: ءتۇسىندىرۋ، سەرگىتۋ، ويىن، اڭگىمەلەۋ، سۇراق - جاۋاپ.
كورنەكى قۇرالدار: ەڭبەك ادامدارىنىڭ سۋرەتتەرى، نان تۇرلەرىنىڭ سۋرەتتەرى، نان، باۋىرساق، ويىنعا ديداكتيكالىق قۇرالدار، ۇن، سمايليك.
ءپانارالىق بايلانىس: ءتىل دامىتۋ، بەينەلەۋ، ساۋات اشۋ.

ساباق بارىسى: ۇيىمداستىرۋ.
شاتتىق شەڭبەر: جاڭبىر، جاڭبىر جاۋاسىڭ،
جانىمىزعا داۋاسىڭ.
ءبىز وينايتىن اۋلانىڭ،
تازارتاسىڭ اۋاسىن.
- بالالار كوڭىل - كۇيلەرىڭ قالاي؟
- ولاي بولسا كوڭىلدى بولعاندا نە ىستەيسىڭدەر؟
- قول شاپالاقتايمىز.
- رەنجىگەندە، قاباق تۇيەمىز.(بالالار قاباقتارىن تۇيەدى)
- قورىققاندا، كوزىمىزدى جۇمامىز(بالالار كوزدەرىن جۇمادى)
- قۋانعاندا، كۇلەمىز.
- ەندەشە، بالالار، قازىرگى كوڭىل - كۇيلەرىڭدى الدارىڭداعى سمايليك ارقىلى كورسەتىڭدەر.
- جارايسىڭدار، بارلىعىمىزدىڭ كوڭىل - كۇيىمىز جاقسى ەكەن، ولاي بولسا وقۋ ءىس - ارەكەتىمىزدى باستايمىز.
- بالالار، الدارىڭداعى سۋرەتتەردەن، تاقتاداعى كورنەكىلىكتەردەن بايقاپ وتىرعان بولارسىزدار، بۇگىن نە تۋرالى ايتايىن دەپ تۇرعانىمىزدى.
- دۇرىس ايتاسىڭدار، بالالار.
- مىنە، ءبىزدىڭ الدىمىزدا داستارحان جايۋلى تۇر. ونىڭ ۇستىندە نانداردى كورىپ تۇرسىڭدار. ەندى ءبىز وسى داستارحانعا نان قالاي كەلەتىنىن مىنا سۋرەتتەردەن كورەتىن بولامىز.
- كوكتەمدە مىنا سۋرەتتەگى تراكتورلار جەردى جىرتىپ، جەرگە مىناداي بيداي ءدانىن سەبەدى. (بالالارعا بيدايدى كورسەتەمىز)
- ديحانشىلار جاز بويى ەگىلگەن داندەردى سۋارىپ، كۇتىپ - باپتايدى. (ديحان سوزىنە تۇسىنىك بەرىپ كەتەمىز)
- كۇز بولعاندا جايقالىپ، بيداي ءوسىپ شىعادى. ءوسىپ شىققان بيدايدى كومباينشىلار ورىپ، ماشينالارعا سالىپ بەرەدى. (كومباين سوزىنە توقتالىپ كەتۋ)
- كولىكتەر ونى ەليەۆاتورعا تاسيدى. ەليەۆاتوردا بيدايدى جىلداپ ساقتاۋعا بولادى. (ەليەۆاتور سوزىنە توقتالۋ)
- قاجەت بيدايدى ديىرمەنگە اپارىپ، ودان ۇن جاساپ شىعارادى. (ديىرمەن سوزىنە توقتالۋ) بالالارعا ۇندى كورسەتەمىز.
- دايىن بولعان ۇننان ناۋبايحانالاردا ءتۇرلى نان ونىمدەرىن شىعارادى.
- مىنە، بالالار، ءبىزدىڭ داستارحانىمىزعا نان وسىنداي كوپ ەڭبەكتىڭ ارقاسىندا كەلەدى ەكەن.
تاقتاداعى ۇننان جاسالعان ونىمدەر تۋرالى سۋرەتتەرگە توقتالۋ.

ديداكتيكالىق ويىن: «قايسىسى ارتىق؟»
ويىننىڭ شارتى: بەرىلگەن سۋرەتتەردىڭ ىشىنەن نان ونىمدەرىنە جاتپايتىن تاعام تۇرلەرىن شىعارىپ تاستاۋلارى كەرەك.
اينالامەن تانىستىرۋ الىپپە - داپتەرىنەن بەرىلگەن تاپسىرمانى ورىنداۋ.

ديداكتيكالىق ويىن: «دۇرىس ورنالاستىر»
ويىننىڭ شارتى: ۇن، بيداي، نان سۋرەتتەرى بەرىلەدى. سۋرەت استىنداعى ءسوزدى وقىپ، رەتىمەن ورنالاستىرۋلارى كەرەك.

سەرگىتۋ ءساتى: كوكتەمدە جەردى جىرتامىز،
تەگىستەيمىز تىرمالاپ.
داندەردى وعان ەگەمىز،
جايقالىپ ەگىن شىقسىن دەپ.
كۇز بولعاندا ورامىز،
نانعا بىزدەر تويامىز.(قيمىلمەن كورسەتۋ)
جۇمباق جاسىرۋ: ۇزىن مۇرتتى سارىلار
قوينىندا ءدانى بار. (بيداي)
بالالارعا بيدايدىڭ سۋرەتىن سالعىزۋ.
تىيىم سوزدەر: 1. ناندى ءبىر قولمەن ۇزبە.
2. ناندى، داستارحاندى باسپا.
3. ناندى توڭكەرىپ تاستاما.
4. ناندى اياققا باسپا.
ماعىنالارىن ءتۇسىندىرۋ.

ديداكتيكالىق ويىن: «تەز ويلا»
ويىننىڭ شارتى: ماماندىق تۇرلەرى اتالادى. سولاردىڭ ىشىنەن تاقىرىپقا ساي ماماندىق يەلەرى اتالسا بالالار قول شاپالاقتاۋلارى كەرەك. مىس. ءمۇعالىم، ەگىنشى، دارىگەر، كومباينشى، تراكتوريست، ناۋبايحاناشى، ەسەپشى، ديحانشى، ت. ب.
بارلىعىمىز بىرگە. نان قوقىمىن شاشپاڭدار،
جەردە جاتسا باسپاڭدار.
تەرىپ الىپ قاستەرلەپ،
تورعايلارعا تاستاڭدار.

قورىتىندى.
- بالالار، بۇگىنگى وقۋ ءىس - ارەكەتى بارلىعىڭا تۇسىنىكتى بولدى ما؟ ەگەر بارلىعىڭا ۇناسا، قولدارىڭداعى سمايليكتى كوتەرەمىز.
- راحمەت، بالالار، جارايسىڭدار!