InfoHub Logo

ساباقتىڭ تاقىرىبى: ناشار كورشى
ساباقتىڭ ماقساتى: ءماتىن مازمۇنىمەن تانىسۋ؛ ادامدار اراسىنداعى قارىم-قاتىناستىڭ ارتۇرلىلىگىن بايقاۋعا مۇمكىندىك بەرۋ.
كۇتىلەتىن ناتيجەلەر:
پاندىك ناتيجە: ءماتىن مازمۇنىنداعى ماسەلەنى ءتۇسىنىپ، وعان وزىندىك باعا بەرۋگە، شىعارمانىڭ قۇندىلىعى مەن نەگىزگى ويى تۋرالى پىكىر بىلدىرۋگە جاعداي تۋعىزۋ.
جۇيەلى ءىس - ارەكەت ناتيجەسى: وزىندىك پىكىرلەرىن قالىپتاستىرۋ؛ سويلەۋ تىلدەرىن جەتىلدىرۋ.
تۇلعالىق ناتيجە: سىنىپتاستارىن، دوستارىن، قۇرداستارى مەن كورشىلەرىن قۇرمەتتەۋگە، باعالاي بىلۋگە ۇيرەتۋ.
ساباقتىڭ كورنەكىلىگى: ينتەراكتيۆتى تاقتا
ساباقتىڭ بارىسى:
ۇيىمداستىرۋ كەزەڭى.
ءۇي تاپسىرماسىنىڭ ورىندالعانىن تەكسەرۋ

ءى قىزىعۋشىلىقتى وياتۋ.
- سەن ءوز سىنىپتاستارىڭدى جاقسى تانيسىڭ با؟ پارتالاس كورشىڭ تۋرالى نە بىلەسىڭ؟ قىزىقتىرىپ جۇرگەن ساۋالداردىڭ بار ما؟
«بيوپوەما» ءادىسى ارقىلى ساۋالناما جۇرگىزۋ.
اتى:
سيپاتتايتىن 2 - 3 ءسوز:
جاقسى كورەتىن 2 - 3 زاتى:
باسىنان وتكىزگەن سەزىمى:
بولاشاقتان كۇتەتىن 2 - 3 زاتى:
دوستارى:
مەكەنجايى:
- سەندەر بۇگىن سىنىپتاستارىڭ، پارتالاس كورشىلەرىڭ جايلى ءبىراز اقپارات الىپ تانىستىڭدار. قالاي ويلايسىڭدار، وسىنىڭ ماڭىزدىلىعى بار ما؟
كەرەك دەرەك.
كورشى – قونىسى ورتاق، ەتەنە ارالاسىپ، كۇندەلىكتى جۇزبە - ءجۇز كەزدەسىپ، امان - ساۋلىق سۇراسىپ جۇرەتىن كىسىلەر. قازاق حالقى «كورشىنى قۇداي قوسادى» دەيدى. جاڭا ورىنعا كوشىپ كەلىسىمەن ەرۋلىك بەرىپ، قونىس تويىن جاساۋ داستۇرىندە دە ەڭ اۋەلگى نيەت – كورشى-قولاڭدارمەن تانىسۋ بولعان. «ادامنىڭ كۇنى اداممەن» دەمەكشى، كۇندەلىكتى ومىردە اركىم - اق كورشىنى قاجەتسىنەدى. ويتكەنى باسىڭا ءبىر ءىس تۋىپ قينالعاندا، ءبىر نارسە قاجەت بولعاندا، ەڭ الدىمەن كورشىلەردەن كومەك سۇراپ جاتامىز. كورشىمەن سىيلاستىق – ەلدىڭ سىيلاستىعىن، كورشىمەن تاتۋلىق – قوعامنىڭ تاتۋلىعىن بىلدىرەدى. تۋىستىعى بار نەمەسە ۇيلەرى ءبىر - بىرىنە جاقىندار «جاقىن كورشىلەر» دەپ اتالعان. قامشىنىڭ سابىنداي قىسقا عۇمىردا ەلمەن تاتۋ - ءتاتتى تىرشىلىك كەشىپ، جاقسى كورشى بولا ءبىلۋدىڭ ءوزى ۇلكەن سىن.
جاقسى كورشى بولا ءبىلۋ كوڭىلدىڭ ءارىن، تىرشىلىكتىڭ ءنارىن، ءومىردىڭ ءسانىن كەلتىرىپ، ادام جانىنا شۋاقتى سەزىم ۇيالاتادى. اينالاداعى ەل - جۇرتپەن جاراسىمدى سىيلاستىق ءومىر سۇرۋگە دەگەن قۇشتارلىقتى ارتتىرادى. كوپ جاعدايدا جاقسى كورشى تۋىستان دا ارتىق سانالعان. اتا - بابالارىمىز «الىس تۋىستان جاقىن كورشىڭ ارتىق»، «اعايىننىڭ اتى وزعانشا، كورشىنىڭ تايى وزسىن» دەگەن ەكەن. «اتىڭ جامان بولسا، ساتىپ قۇتىلارسىڭ، كورشىڭ جامان بولسا، ءقايتىپ قۇتىلارسىڭ؟!» دەپ، ومىرلىك تاجىريبەلەرىندە ءۇي الماي تۇرىپ، كىممەن كورشى بولاتىنىنا ءمان بەرگەن. ءدال وسى تۇستا «جاقسى كورشىگە قانداي ادام جاتادى؟» دەگەن سۇراق تۋىنداۋى مۇمكىن. ونىڭ جاۋابى كورشىلەردىڭ ءبىر - بىرىنە دەگەن ىستىق ىقىلاسى مەن پەيىلىندە.
داپتەرمەن جۇمىس رەتىندە قاجەتتى ناقىل سوزدەردى جازىپ الۋ.
- كورشىلەردىڭ جاقسىسى دا، جامانى دا بار ەكەنىن بىلىڭدەر. تۇرىك حالقىنىڭ ومىرىنەن مىسال رەتىندە «ناشار كورشى» ءماتىنىن وقىپ كورەيىك.

ءىى ماعىنانى تانۋ
ءماتىندى «ارالاسىپ كەتكەن وقيعالار» ءادىسى ارقىلى وقۋ.
ءماتىندى ءبىر بەت قاعازعا تەرىپ الىپ، بىرنەشە بولىككە (بولىمدەر بويىنشا) ءبولۋ كەرەك. ءار توپ سول قيىندىلاردى دۇرىس ورنالاستىرۋ ءۇشىن، وقۋشىلارعا ءار ءبولىمدى ءتۇسىنىپ وقۋعا تۋرا كەلەدى. قاي توپ ءبىرىنشى بىتسە، سول توپتىڭ جەڭىسكە جەتكەنى. سوڭىنان ءبىر وقۋشى ءماتىننىڭ مازمۇنىن ايتىپ شىعادى.
سوزدىك جۇمىسى جۇرگىزىلەدى.
- شىن مانىندە، تەكىننىڭ اكەسىنىڭ كورشىسى ناشار بولعانى ما؟
ويلان، جۇپتاس، توپتاس، ورتاعا سال.

ءىىى ويتولعاۋ
ماتىندەگى ناشار كورشىنى:
1 - توپ: قورقىنىشتى
2 - توپ: قۋانىشتى
3 - توپ: رەنىشتى
4 - توپ: كۇلدىرگىش ەتىپ سومداۋ ارقىلى ءماتىندى قويىلىمعا ازىرلەۋ

باعالاۋ: ءار توپتى سمايليكتەر ارقىلى باعالاۋ.
ۇيگە تاپسىرما: ءماتىندى وقۋ، مازمۇنداۋ، ءوز ۇيلەرىنىڭ وڭ جاق، سول جاق كورشىلەرى تۋرالى اڭگىمە جازۋ