Photo: Tracy Le Blanc (https://www.pexels.com/@tracy-le-blanc-67789) / Pexels
ءناسىپ وتەشقالييەۆانىڭ سوڭعى اۋديو جازباسى WhatsApp-تا تارادى
اتىراۋ وبلىسىندا ورىن العان قايعىلى وقيعاعا بايلانىستى ءناسىپ وتەشقالييەۆانىڭ سوڭعى اۋديو جازباسى WhatsApp-تا تارادى. بۇل جازبا قوعامدا ۇلكەن رەزونانس تۋدىردى.
بۇل تۋرالى Infohub.kz اقپارات اگەنتتىگى حابارلايدى.
جانات مولداشوۆا نە ايتتى؟
بەلگىلى جۋرناليست جانات مولداشوۆا الەۋمەتتىك جەلىدەگى پاراقشاسىندا اتىراۋ وبلىسىندا بولعان تراگەدياعا قاتىستى جاڭا ۆيدەو جاريالادى. جۋرناليست جازباسىندا قارا جامىلعان وتباسىنىڭ اۋىر قاسىرەتتەن ءالى ەس جيا الماي وتىرعانىن، ال جانگەلدين اۋىلىنىڭ تۇرعىندارىن ۇرەي بيلەگەنىن اتاپ ءوتتى.
"قارالى وتباسى مىنا جاۋىزدىقتان ەستەرىن جيا الماي جاتىر. جانگەلدين حالقى ۇرەيدە وتىر. اعايىن-تۋىس قاسكوي قىلمىسكەردى تەزىرەك قۇرىقتاۋدى تالاپ ەتەدى. "مارقۇمدار سارايدان قالاي تابىلدى؟ وعان دەيىن ءتىنتۋ جۇرگىزىلدى عوي" دەگەن سۇراقپەن مىڭداعان ادام مازالادى. وقيعا باستالعالى باسى-قاسىندا جۇرگەن، مارقۇم ماقسوت اعامىزدىڭ ءىنىسى شالقار ءبىراز ساۋالدارىما جاۋاپ بەردى. وتە اۋىر جاعداي. ءبىراق قوعامنىڭ تراگەدياسى بولعاندىقتان ايتىلۋى، جازىلۋى كەرەك. قازالى وتباسىنىڭ تۋىستارىنا قانداي جۇباتۋ ءسوز ايتارىڭدى دا بىلمەيسىڭ؟!" – دەپ جازدى جانات مولداشوۆا.
شالقار مۇقانعالييەۆتىڭ پىكىرى
جانات مولداشوۆا مارقۇم ماقسوت ءقاراباليننىڭ ءىنىسى شالقار مۇقانعالييەۆپەن سۇحباتتاسقان ۆيدەونى جاريالادى. شالقار مۇقانعالييەۆتىڭ ايتۋىنشا، ءناسىپ جەڭگەمىزدىڭ اعايىن-تۋىستارىنىڭ چاتتارىنا جىبەرگەن اۋديوسى بار. سول اۋديو حابارلامالارىنىڭ ءبىرىن 7 قاراشا كۇنى جىبەرگەن. "قازىرگى تاڭدا تەلەفوننىڭ ءبارى سۇلتاندا بولدى دەپ تۇر عوي. سول سۇلتان جىبەرىپ تۇرعان شىعار دەپ ويلاپ تۇرمىز"، – دەدى ول.
-
دونالد ترامپ ۆەنەسۋەلا پرەزيدەنتى مىندەتىن اتقارۋشى دەپ جاريالادى. بۇل شەشىم اقش-تىڭ ۆەنەسۋەلاعا قاتىستى ساياساتىنا جاڭا باعىت بەرەدى.
-
اتىراۋ وبلىسىندا ءبىر وتباسىنىڭ مۇشەلەرى جوعالىپ كەتتى. بەلگىلى جۋرناليست گۇلميرا ءابىقاي بۇل وقيعاعا قاتىستى ءوز بولجامىن ايتتى.
