ناۋان مەن قويشىباي
قالماق رۋى، قىپشاق تايپاسى بايسەكە باتىردىڭ بالاسى قويشىباي ون ەكى جاسىندا ءبىر بايعا قويشى بولىپ قوي باعىپ جۇرگەندە، الا قۇيىنداتىپ شاۋىپ كەلە جاتقان بىرەۋدى كورەدى. «الگى كەلە جاتقان ادام ەڭكەيىپ ەكى جاعىنان دا كەزەك قۇم ۋىستاپ شاشا وتىرىپ، سول بويىمەن ماعان كەلىپ: «بۇل كىمنىڭ قويى، اۋىلىڭ قايدا؟» — دەپ سۇرادى، مەن اۋىلدىڭ ءجونىن كورسەتىپ قالا بەردىم، شابا جونەلدى. ول ادامنىڭ ءوڭى جاس تا، تۇلعاسى مەن ءتۇرى باتىر سىندى. ارتىنان قويدى ايداپ كەلسەم، الگى كىسى بايدىڭ ۇيىندە (باي اقساقال ادام ەدى) ەرتەك ايتقىزىپ تىڭداپ وتىر ەكەن. «باتىر قۋىپ كەلىپ جاۋىن تابا الماي قالىپتى» دەپ باي اقساقال ەرتەكتىڭ اياعىن توقتاتتى. سوندا الگى جىگىت:
— جاۋى قايدا جان ساقتاپ قالىپتى؟ — دەپ سۇرادى.
— مىنا سەكىلدى كەبەجەگە كىرىپ كەتىپتى، — دەدى اقساقال.
بۇل سەكىلدى كەبەجەگە كىرىپ كەتسە، نەگە شاۋىپ جىبەرمەگەن؟— دەپ جىگىت قىلىشىمەن شالدىڭ كەبەجەسىن ەكى ءبولىپ تاستايدى. ارتىنان سۇراستىرىپ قاراسام، بۇل كىسى ناۋرىزباي ەكەن. سوندا ناۋان ون ەكى جاسىندا مەنىمەن تۇيەدەي قۇرداس ەكەن»، — دەپ اڭگىمەسىن بىتىرەدى ەكەن قويشىباي باتىر.
وقۋعا كەڭەس بەرەمىز:
ناۋرىزبايدىڭ جولبارىستى ءولتىرۋى
قۇرمانقۇلدىڭ ناۋرىزبايدىڭ ەرلىگىنە ريزا بولۋى
You Might Also Like
-
ناۋرىزباي بۇقاربايمەن كۇرەسىپ، كەزەكتەسىپ سىلتەسۋگە كەزەگىن بۇقاربايعا بەرەدى. بۇقارباي قىل شىلبىردى بەلىنە قوس قاباتتان سالىپ تارتقاندا، ناۋرىزبايدىڭ تابانىن قوزعالتا الماعان ەكەن دەيدى. كەزەك ناۋ...
