InfoHub Logo

قازاقستانداعى جەتەكشى جوعارى وقۋ ورىندارىنىڭ ءبىرى – نازاربايەۆ ۋنيۆەرسيتەتىندە ەندى قازاقستاندىق مامانداردىڭ ۇلەسى ارتادى. عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا، ۋنيۆەرسيتەتتىڭ ءۇشجىلدىق ستراتەگياسى بەكىتىلىپ، جاڭا قۇرىلىمدىق جۇيەلەرگە جەرگىلىكتى كادرلاردى تارتۋ ماسەلەسى قاراستىرىلىپ جاتىر.بۇل تۋرالى infohub.kz اقپارات اگەنتتىگى حابارلايدى.

ءمينيستردىڭ سوزىنشە، نازاربايەۆ ۋنيۆەرسيتەتى اۆتونومدى ءبىلىم بەرۋ ۇيىمى بولعانىمەن، ونىڭ باسشىلىعىمەن كەلىسسوزدەر جۇرگىزىلگەن. «ءقازىر ۋنيۆەرسيتەتتە ءوزىمىزدىڭ مىقتى ماتەماتيكتەر، فيزيكتەر مەن عالىمدار بار. ۋنيۆەرسيتەت باسشىلىعى بۇل فاكتوردى ەسكەرەمىز دەپ ۋادە بەردى»، – دەدى ول.

مۇنىڭ الدىندا ءماجىلىس دەپۋتاتى اسحات ايماعامبەتوۆ نازاربايەۆ ۋنيۆەرسيتەتىندەگى دەكان لاۋازىمىنا قازاقستاندىق مامانداردىڭ سيرەك تاعايىندالاتىنى تۋرالى ماسەلە كوتەرگەن بولاتىن. بۇل جاعداي قوعامدا تالقىلانىپ، ۋنيۆەرسيتەتتىڭ كادرلىق ساياساتىنا قاتىستى ءتۇرلى پىكىرلەر ايتىلدى.

مينيسترلىك پەن ۋنيۆەرسيتەت باسشىلىعىنىڭ كەلىسىمى جەرگىلىكتى ماماندارعا جاڭا مۇمكىندىكتەر اشىپ، جوعارى وقۋ ورنىنىڭ دامۋىنا وڭ ىقپال ەتەدى دەپ كۇتىلۋدە.